বৰ্খা সিং

বৰ্খা সিং (Barkha Singh; জন্ম: ৩ আগষ্ট ১৯৯২) এগৰাকী ভাৰতীয় অভিনেত্ৰী যি মূলতঃ হিন্দী ছবি আৰু ৱেব শ্ব'ত কাম কৰে।^১ শিশু শিল্পী হিচাপে তেওঁ মুঝছে দস্তী কৰোগেৰ দৰে ছবিত কাম কৰিছিল৷ পৰৱৰ্তী সময়ত তেওঁ সময়: ৱেন টাইম ষ্ট্ৰাইকছ (২০০৩) তো শিশুশিল্পী হিচাপে কাম কৰে। ইয়াৰ পিছত তেওঁ ভাগ্যলক্ষ্মী (২০১৫) আৰু গাৰ্লছ অন টপ (২০১৬)কে ধৰি টেলিভিছন শ্ব'ত কাম কৰে।^২

ৱেব শ্ব' ইঞ্জিনিয়াৰিং গাৰ্লছ আৰু প্লিজ ফাইণ্ড এটেচড আৰু ছবি, ৩৬ ফাৰ্মহাউচ এণ্ড মাজা মা (২০২২)ত অভিনয় কৰি পৰিচিত লাভ কৰে৷^৩

কৰ্মজীৱন

বৰ্খা সিঙে শিশু শিল্পী হিচাপে নিজৰ কেৰিয়াৰ আৰম্ভ কৰিছিল। মুঝছে দস্তী কৰোগেত তেওঁ টিনাৰ চৰিত্ৰত অভিনয় কৰিছিল যিটো আছিল কনিষ্ঠ কৰিণা কাপুৰৰ চৰিত্ৰ। এমটিভি ইণ্ডিয়াত সম্প্ৰচাৰিত গাৰ্লছ অন টপ শ্ব'ত গিয়া সেনৰ চৰিত্ৰত অভিনয় কৰাৰ বাবে বৰ্খা সিং সুপৰিচিত।^৪ এমটিভি ফানাহ নামৰ ধাৰাবাহিকখনতো বেদিকাৰ ৰূপত কেমিঅ’ চৰিত্ৰত তেওঁ অভিনয় কৰিছিল। য়েহ হায় আশিকি আৰু লাভ বাই চান্স নামৰ ধাৰাবাহিকখনৰ চৰিত্ৰটোৰ লগতে &TV ৰ ভাগ্যলক্ষ্মী ছ’প অপেৰাত সুৰভি বৰুণ শুক্লাৰ চৰিত্ৰত অভিনয় কৰাৰ বাবে বৰ্খা পৰিচিত।

২০১৮ চনৰ জানুৱাৰী মাহত তেওঁ নিজাকৈ ইউটিউব পেজ আৰম্ভ কৰিছিল,য'ত তেওঁ কেইবাটাও ভ্ৰমণ আৰু ফেশ্বন ব্লগ পোষ্ট কৰিছিল। প্লিজ ফাইণ্ড এটেচড, ৱৰ্ক লাইফ বেলেন্স, ইঞ্জিনিয়াৰিং গাৰ্লছ, মাৰ্ডাৰ মেৰী জান, আৰু নেটফ্লিক্সৰ মাছাবা মাছাবা (S2)ৰ দৰে কেইবাটাও জনপ্ৰিয় ৱেব শ্ব' কৰি তেওঁ খ্যাতি অৰ্জন কৰিছে। শেহতীয়াকৈ মুক্তি পোৱা তেওঁৰ ৱেব ছিৰিজ আছিল অভিষেক বেনাৰ্জীৰ বিপৰীতে দ্য গ্ৰেট ৱেডিং অৱ মুনেছ। ২০২১ চনত তেওঁক চাইলেন্স... কেন ইউ হিয়াৰ ইট চিনেমাত দেখা গৈছিল; য'ত মনোজ বাজপেয়ীয়ে অভিনয় কৰিছিল৷ ২০২২ চনত তেওঁক ৩৬ ফাৰ্মহাউছ আৰু মাজা মা দুখন চিনেমাত নেতৃত্ব দিয়া দেখা গৈছিল। আশীষ চাঞ্চলনীৰ কিছুমান ইউটিউব ভিডিঅ’তো তেওঁ অভিনয় কৰিছে।

মিডিয়াত

সিং আমাজন, কেডবেৰী, কোকাকোলা আৰু ক্লিনিক প্লাছৰ দৰে ব্ৰেণ্ডৰ সৈতে জড়িত হৈ আছে। একাধিক টেলিভিছন বিজ্ঞাপনত অভিনয় কৰা বৰ্খা এগৰাকী পশুঅধিকাৰ কৰ্মীও। অভিনয়ৰ উপৰি তেওঁ অনলাইন গেম শ্ব’ আয়োজন কৰিছে^৫