মোহন ভাইৰা বঁটা

মোহন ভাইৰা বঁটা (Mohan Bhaira Memorial Award) সদৌ অসম ছাত্ৰ সন্থাৰ নালবাৰী শাখা আৰু নলবাৰী জিলা উন্নতি সভায়ে প্ৰদান কৰা বাৰ্ষিক বঁটা।^১২ সংগীত নাটক একাডেমী বঁটা বিজয়ী ভাওনা শিল্পী মোহন চন্দ্ৰ বৰ্মন, জনপ্ৰিয় ভাবে মোহন ভাৱৰীয়া বা মোহন ভাইৰাৰ মৃত্যু বাৰ্ষিকী উপলক্ষে প্ৰতিবছৰে ১ ফেব্ৰুৱাৰীত এই বঁটা প্ৰদান কৰা হয়। মোহন ভাইৰাৰ নামেৰে এই বঁটাৰ নামকৰণ কৰা হৈছে। ইয়াক লোককলাত অসামান্য অৱদানৰ বাবে আৰু গ্ৰাম্য অঞ্চলৰ লোক শিল্পীসকলৰ বাবে বিশেষভাৱে সংৰক্ষিত ৰাখি প্ৰদান কৰা হয়।^৩৪

মোহন ভাইৰা বঁটা ২০০৯ চনত আৰম্ভ কৰা হৈছিল। পূৰ্ণপ্ৰভা দত্ত তামোলী প্ৰথম এই বঁটাপ্ৰাপ্ত ব্যক্তি। ২০২১ চনত এই বঁটা লাভ কৰা বাঁহীবাদক হৰেকৃষ্ণ তালুকদাৰ অন্তিম বঁটা প্ৰাপক। নাগৰিকত্ব (সংশোধনী) আইন, ২০১৯ৰ প্ৰতিবাদ আৰু ক'ভিড-১৯ বৈশ্বিক মহামাৰীৰ বাবে ২০১৯ আৰু ২০২০ চনত এই বঁটা ঘোষণা কৰা হোৱা নাছিল।^১

এই বঁটাত নগদ ১০,০০০ টকা, এখন চেলেং চাদৰ, জাপি আৰু অসমৰ গামোচা প্ৰদান কৰা হয়।^১৫

বঁটাপ্ৰাপকৰ তালিকা