বিজয় ৰাজ

বিজয় ৰাজ (Vijay Raaz; জন্ম: ৫ জুন ১৯৬৩) এগৰাকী ভাৰতীয় অভিনেতা, চলচ্চিত্ৰ পৰিচালক আৰু কথক, যিয়ে প্ৰধানকৈ হিন্দী ছবিত অভিনয় কৰে। ভোপাল এক্সপ্ৰেছ (১৯৯৯)^১ নামৰ ছবি এখনত অভিনয়েৰে তেওঁ অভিষেক ঘটায় আৰু তাৰ পিছৰপৰা ৯০খনতকৈও অধিক ছবিত কাম কৰে। তেওঁ ২০০১ চনত মনছুন ৱেডিং নামৰ ছবিখনত দুবেইজীৰ চৰিত্ৰত অভিনয়েৰে সফলতা লাভ কৰিছিল।^২ ৰাজে ৰান (২০০৪) আৰু ধামাল (২০০৭) শীৰ্ষক ছবি দুখনত তেওঁৰ কৌতুক চৰিত্ৰৰ বাবে খ্যাতি লাভ কৰিছিল।^৩ তেওঁ দেল‌্হী বেলী (২০১১) আৰু দেঢ় ইছকিয়া (২০১৪) শীৰ্ষক ছবি দুখনত তেওঁ গেংষ্টাৰৰ চৰিত্ৰত অভিনয় কৰিছিল। তেওঁৰ আন উল্লেখযোগ্য ছবিসমূহৰ ভিতৰত স্ত্ৰী (২০১৮), জয়া আখতাৰ পৰিচালিত গালি বয় (২০১৯), লুটকেছ (২০২০), সঞ্জয় লীলা ভণশালী পৰিচালিত গংগুবাই কাঠিয়াৱাড়ী (২০২২) আদি উল্লেখযোগ্য।^৪ ২০১৪ চনত তেওঁ ক্যা দিল্লী ক্যা লাহোৰ ছবিৰে পৰিচালক হিচাপে অভিষেক ঘটায়।^৫ তেওঁৰ ৰুক্ষ বেৰিটন কণ্ঠস্বৰটি চলচ্চিত্ৰ আৰু বিজ্ঞাপনকে ধৰি বিভিন্ন প্ৰকাৰৰ ভইচ-অভাৰৰ কামত ব্যৱহাৰ কৰা হৈছে।^৬

প্ৰাৰম্ভিক জীৱন আৰু কেৰিয়াৰ

১৯৬৩ চনৰ ৫ জুন তাৰিখে ভাৰতৰ দিল্লীত ৰাজৰ জন্ম হৈছিল।^৭ দিল্লী বিশ্ববিদ্যালয়ৰ অধীনস্থ পান্নালাল গিৰধৰলাল দয়ানন্দ এংলো বৈদিক মহাবিদ্যালয়ত অধ্যয়নৰ সময়ছোৱাত তেওঁ নাট্য সমাজ এখনৰ অংশ আছিল।

ৰাজে চলচ্চিত্ৰ কেৰিয়াৰত মনোনিৱেশ কৰাৰ সিদ্ধান্ত লয় আৰু মুম্বাইলৈ গুচি যায় আৰু ২০০০ চনত ৰাম গোপাল বৰ্মা পৰিচালিত ছবি জংঘলত সৰু অথচ উল্লেখযোগ্য ভূমিকা লাভ কৰে।^৮। যশপাল ভাট্টিৰ বিখ্যাত ধাৰাবাহিক ফ্লপ শ্বʼৰ ১ম খণ্ডত তেওঁ ক্ষণিক চৰিত্ৰাভিনয় কৰিছিল। অভিনেতা নাছিৰুদ্দিন শ্বাহে তেওঁক ৰাষ্ট্ৰীয় নাট্য বিদ্যালয়ৰ অভিনয় কৰা দেখিছিল আৰু তেৱেঁই পৰিচালক মহেশ মাথাই আৰু মীৰা নায়াৰক ক্ৰমে ভোপাল এক্সপ্ৰেছ আৰু মনছুন ৱেডিঙৰ বাবে বিজয় ৰাজৰ পৰামৰ্শ দিছিল।^৯ মনছুন ৱেডিঙৰ সফলতাৰ পিছত ৰাজে বহুতো চৰিত্ৰ লাভ কৰে।^১০ মুখ্য অভিনেতা হিচাপে তেওঁৰ প্ৰথম মূলসুঁতিৰ ছবি আছিল ৰঘু ৰোমিঅʼ। বক্স অফিচত সফলতা লাভ কৰা এই ছবিখনত ৰাজে এগৰাকী বিভ্ৰান্ত নিম্নবৰ্গৰ ভাৰতীয় ব্যক্তিৰ জীৱনক চিত্ৰিত কৰিছে।^১১

২০০৪ চনত ৰান নামৰ ছবিখনত ৰাজে তেওঁৰ কৌতুক চৰিত্ৰৰ বাবে খ্যাতি লাভ কৰিছিল। ২০১১ চনত তেওঁ দেল‌্হী বেলীত এগৰাকী নিৰ্মম অপৰাধী ব্যক্তিৰ চৰিত্ৰত অভিনয় কৰিছিল।

চলচ্চিত্ৰপুঞ্জী

বাহ্যিক সংযোগ

• বিজয় ৰাজ: চলচ্চিত্ৰপুঞ্জী