বনহংস

বনহংস (Banahansa) ১৯৭৭ চনত মুক্তি পোৱা এখন ক’লা-বগা অসমৰ চলচ্চিত্ৰ। পৰিচালনা, সংলাপ আৰু চিত্ৰনাট্য আব্দুল মজিদৰ। প্ৰযোজনা কৰিছে যোৰহাটৰ সেউজ বোলছবি সন্থাই। নিৰোদ চৌধুৰীৰ একে নামৰ উপন্যাসৰ আধাৰত ছবিৰ কাহিনী ৰচনা কৰা হৈছে।^১

কাহিনীৰ সাৰাংশ

এক তথাকথিত অভিজাত পৰিয়াল। নীলিম বৰুৱা আৰু কাবেৰী বৰুৱাৰ একমাত্ৰ সন্তান দেবাহুতি। মাক-দেউতাকক এৰি দাৰ্জিলিঙৰ এখন অভিজাত শিক্ষানুষ্ঠানত পঢ়ে। বন্ধৰ তিনিমাহ কটাবলৈ দেৱাহুতি ঘৰলৈ আহিছে। কিন্তু তাই দেখা পায় মাক-দেউতাকৰ ক্লাৱ, পাৰ্টী, মদ আদিকলৈ ব্যস্ত এক ভাৰসাম্যহীন জীৱন।^১

তেওঁলোকৰ ঘৰৰ ওচৰতে ডাকবিভাগত সাধাৰণ চাকৰি কৰা কমলেশ চৌধুৰীৰ পৰিয়ালটো বাস কৰে। এই সাধাৰণ ঘৰখনৰ সদস্যসকলৰ মাজত তাই অভাৱনীয় মৰম পায়। কমলেশ চৌধুৰীৰ পুত্ৰ নূপুৰৰ প্ৰতি তাইৰ মনত উপজে লাজলাজ লগা এক অনামী শিহৰণ। কাবেৰী আৰু নীলিম বৰুৱায়ো কথাটো মন কৰে।^১

কিন্তু দেৱাহুতিৰ কল্পনাৰ জগত ভাঙিচিঙি চূৰমাৰ হৈ যায়। তাই যেন এটা বন্ধ কুঠৰীত বন্দী হৈ আছে। তাই মুক্তি বিচাৰে; বনহংসৰ দৰে তাই উৰি যাব বিচাৰে।^১

অভিনয় শিল্পী

• বিজয় শংকৰ
• বিতপী মহন্ত
• অৰূপ শৰ্মা
• দীপা
• তিলমিজুৰ ৰহমান
• বীণা বাৰুৱতী
• বিভূতি
• ৰতন
• নীলিমা
• মামণি
• ভাইটি
• দীপ
• কাজু
• দীতু
• ইয়াকুব
• আনচাৰ
• মিনু
• নাজমা আদি।^১

কলা-কুশলী

(তথ্যছ’কত নথকা)

• সংলাপ- আব্দুল মজিদ
• শব্দ গ্ৰহণ- মৃণাল গুহ ঠাকুৰতা, কালিদাস, অৰবিন্দ
• কলা নিৰ্দেশনা- আমিনুৰ ৰহমান, যোগেন দাস^১

সংগীত

সঙ্গীত পৰিচালনা আৰু গীত ৰচনা ভূপেন হাজৰিকাৰ। ছবিখনত ছটা গীত অন্তৰ্ভুক্ত হৈছে।^২

বাহ্যিক সংযোগ

• গানা ডট কমত বনহংসৰ গীত়
• গীত সংকলন ৱেবচাইটত বনহংসৰ গীত়