পাৰঘাট (চলচ্চিত্ৰ)

পাৰঘাট (Parghat) প্ৰমথৰাম দাসৰ প্ৰাগজ্যোতিষ কলাচিত্ৰ প্ৰতিষ্ঠানে প্ৰযোজনা কৰা সপ্তম অসমৰ চলচ্চিত্ৰ। মুক্তি পাইছিল ১৯৪৯ৰ ৫ আগষ্টত। ছবিখনৰ পৰিচালনা আৰু কাহিনী আছিল প্ৰবীন ফুকনৰ। কানি বেপাৰক কেন্দ্ৰ কৰি কাহিনী ৰচনা হৈছিল। চিত্ৰগ্ৰহণ কলিকতাৰ ইন্দ্ৰপুৰী ষ্টুডিঅ'ত। এই ছবিৰ যোগেদি অভিনেত্ৰী জ্ঞানদা কাকতিয়ে ছবিজগতত প্ৰথম খোজ পেলাইছিল।^১২

ছবিখনৰ কাহিনী

ছবিখনৰ কাহিনীভাগ ব্ৰিটিছৰ দিনৰ চোৰাং কানি বেপাৰৰ ওপৰত আধাৰিত। এই চলচ্চিত্ৰখন অসমীয়া চলচ্চিত্ৰ জগতৰ প্ৰথমখন আগতীয়া টিকট বুকিঙৰ ব্যৱস্থা থকা চলচ্চিত্ৰ।^৩

অভিনয়

• চন্দ্ৰকান্ত ফুকন
• প্ৰবীণ ফুকন
• সৰ্বেশ্বৰ চক্ৰৱৰ্তী (মৌজাদাৰ)
• যোগেন্দ্ৰনাথ বৰদলৈ (দোকানী)
• ভুৱনেশ্বৰ বুজৰবৰুৱা (লগুৱা)
• যোগেন্দ্ৰনাথ বৰকাকতি (কৃষ্ণ মণ্ডল)
• জ্ঞানদা কাকতি
• মলয়া দাস^১২

সঙ্গীত

পুৰুষোত্তম দাসে গন্ধৰ্ব নামেৰে পাৰঘাটৰ সঙ্গীত পৰিচালনা কৰিছিল।^৪