নিখত জৰীন

নিখত জৰীন ( Nikhat Zareen; জন্ম: ১৪ জুন ১৯৯৬) এগৰাকী ভাৰতীয় বক্সাৰ আৰু দুবাৰৰ বিশ্ব চেম্পিয়ন। ২০১১ চনত আন্টালিয়াত অনুষ্ঠিত হোৱা এআইবিএ মহিলা যুৱ আৰু জুনিয়ৰ বিশ্ব বক্সিং চেম্পিয়নশ্বিপত তেওঁ সোণৰ পদক লাভ কৰে।^১ ২০২২ চনৰ ইস্তানবুল, আৰু ২০২৩ চনৰ নতুন দিল্লী আই বি এ মহিলা বিশ্ব বক্সিং চেম্পিয়নশ্বিপত জৰিনে সোণৰ পদক লাভ কৰে।^২৩ বাৰ্মিংহাম ২০২২ কমনৱেলথ গেমছতো তেওঁ স্বৰ্ণ পদক লাভ কৰে।^৪৫ ২০২২ চনৰ এছিয়ান গেমছত লাইট ফ্লাইৱেট ইভেণ্টত ব্ৰঞ্জৰ পদক লাভ কৰে।^৬

ব্যক্তিগত জীৱন

নিখত জৰীনৰ ১৯৯৬ চনৰ ১৪ জুনত অন্ধ্ৰপ্ৰদেশৰ (বৰ্তমান তেলংগানা) নিজামাবাদ চহৰত মহম্মদ জমীল আহমেদ আৰু পাৰবীন চুলতানাৰ ঘৰত জন্মগ্ৰহণ হৈছিল।^৭৮৯ নিজামাবাদৰ নিৰ্মলা হ্ৰুদয়া ছোৱালী হাইস্কুলৰ পৰা প্ৰাথমিক শিক্ষা সমাপ্ত কৰে।^১০ তেলংগানাৰ হাইদৰাবাদৰ এ ভি কলেজৰ পৰা কলা শাখাত স্নাতক (বি.এ.) ডিগ্ৰী লাভ কৰি আছে।^১১

২০২১ চনৰ জুন মাহৰ পৰা হাইদৰাবাদৰ এ চি গাৰ্ডছৰ জ'নেল অফিচ বেংক অৱ ইণ্ডিয়াত জৰীনে ষ্টাফ অফিচাৰ হিচাপে নিযুক্তি লাভ কৰিছে।^১২

কৰ্মজীৱন

জৰীনে বক্সিঙৰ সৈতে পৰিচয় কৰাই দিছিল তেওঁৰ পিতৃ মহম্মদ জমীল আহমেদে আৰু তেওঁৰ অধীনত এবছৰ ধৰি প্ৰশিক্ষণ লৈছিল।^১০ ২০০৯ চনত দ্ৰোনাচাৰ্য বঁটা বিজয়ী IV ৰাওৰ অধীনত প্ৰশিক্ষণ ল'বলৈ বিশাখাপট্টনমত ভাৰতীয় ক্ৰীড়া কৰ্তৃপক্ষত অন্তৰ্ভুক্ত কৰা হয়। এবছৰৰ পিছত ২০১০ চনত ইৰোড নেচনেলছত তেওঁক 'সোণালী শ্ৰেষ্ঠ বক্সাৰ' হিচাপে ঘোষণা কৰা হয়।^১০

কৃতিত্বসমূহ

পুৰস্কাৰ

• নিখাটক তেওঁৰ গৃহ চহৰ নিজামাবাদ, তেলংগানাৰ চৰকাৰী ৰাষ্ট্ৰদূত নিযুক্তি দিয়া হয়।^১৩
• সৰ্বভাৰতীয় আন্তঃবিশ্ববিদ্যালয় বক্সিং চেম্পিয়নশ্বিপত 'শ্ৰেষ্ঠ বক্সাৰ', জলন্ধৰ, পঞ্জাৱ - ফেব্ৰুৱাৰী ২০১৫^১১
• ২০১৯ চনৰ ক্ৰীড়াত উৎকৃষ্টতাৰ বাবে জে এফ ডব্লিউ বঁটা।^১৪
• অৰ্জুন বঁটা ২০২২^১৫