জৰ্জ জোচেফ কে

জৰ্জ জোচেফ কে (George Joseph K., জন্ম:১৯৫৫), এগৰাকী ভাৰতীয় গল্পকাৰ, ঔপন্যাসিক, কবি আৰু সাংবাদিক, যি মালয়ালম ভাষাত লিখে। বৰ্তমানলৈ তেওঁৰ ৯ খন কিতাপ প্ৰকাশ হৈছে। কিতাপসমূহ হৈছে; অনন্থৰাম সন্ধ্যায়েয়ী উষাআয়ী, চেভিতাৰ্মা, স্বয়ম্বৰম, নীলাভুৰিয়ুন্নু, আভান মাৰনায়গ্যান, মাৰিয়াম্মা এন্না মাৰিমায়া, কুঞ্জুন্নি পুৰাঞ্জা য়েয়াতী ভাৰালিন্তি কথা, আলথাৰা ভিকানুন্দু আৰু থিৰাঞ্জেদুথা কথাকাল। কেৰালা সাহিত্যলৈ আগবঢ়োৱা অৱদানৰ বাবে জোচেফে টি. পি. কিশোৰ এৱাৰ্ড, কে. এ. কডুংগালৰ এৱাৰ্ড, ললিতাঞ্জলি লিটাৰেৰী এৱাৰ্ড আদি সন্মান লাভ কৰিছে।

সংক্ষিপ্ত জীৱনী

১৯৫৫ চনৰ ১০ জুনত দক্ষিণ ভাৰতৰ কেৰালা ৰাজ্যৰ এৰ্নাকুলাম জিলাৰ কালুৰত জৰ্জ জোচেফ কেৰ জন্ম হৈছিল।^১ মংগলম পাব্লিকেচনত যোগদান কৰি সাংবাদিক হিচাপে তেওঁ নিজৰ কেৰিয়াৰ আৰম্ভ কৰিছিল। ইয়াত দুবছৰ কাম কৰাৰ পিছত তেওঁ পেন বুকছত প্ৰকাশন পৰিচালক হিচাপে যোগদান কৰে। পৰৱৰ্তী সময়ত জোচেফে জননী অনলাইন আলোচনীত কনচালটেণ্ট এডিটৰ হিচাপে কাম কৰিবলৈ লয়।^২ এই সময়ছোৱাতে তেওঁ সাহিত্য অকাডেমী আৰু কেৰেলা সাহিত্য অকাডেমীৰ সমিতিসমূহতো কাৰ্যনিৰ্বাহ কৰিছে।^১

লেখক ৰূপে জৰ্জ জোচেফে কেইবাখনো গল্প সংকলন আৰু কাব্যগ্ৰন্থৰ^৩৪ উপৰিও মাৰিয়াম্মা এন্না মাৰিমায়া (এন ইল্যুউচন বাই নেইম মাৰিয়াম্মা) শীৰ্ষক এখন স্মৃতিকথা লিখি উলিয়াইছে আৰু বৰ্তমান ধাৰাবাহিক ৰূপত মালয়াল মনোৰমাত সাপ্তাহিকভাৱে তেওঁ তেওঁৰ স্মৃতিকথাৰ দ্বিতীয়খন গ্ৰন্থ Athmahathyamunanpu (চুইচাইড নোট) লিখি আছে।^৫ ডিচি বুকচে ২০২৫ চনত থিৰাঞ্জেদুথা কথাকাল (চিলেক্টেড ষ্ট ’ৰিজ) নামে জোচেফৰ চুটি গল্পসমূহৰ এটি সংকলন প্ৰকাশ কৰি উলিয়াইছে।^৬ মহাত্মা গান্ধী বিশ্ববিদ্যালয়ে তেওঁলোকৰ বিশ্ববিদ্যালয়ৰ পাঠ্যক্ৰমত জৰ্জ জোচেফ কেৰ উপন্যাস আভান মাৰনায়গ্যানক অন্তৰ্ভুক্ত কৰিছে।^৭

জৰ্জ জোচেফে লাভ কৰা সাহিত্যিক বঁটাৰ ভিতৰত প্ৰথমটো আছিল কে. এ. কডুংগালৰ বঁটা। পৰৱৰ্তী সময়ত তেওঁ টি. পি. কিশোৰ বঁটা লাভ কৰে।^৫ ললিতাম্বিকা অন্তৰ্জনম সাহিত্যবেদীয়ে মালয়ালম ভাষা সাহিত্যলৈ আগবঢ়োৱা অৱদানৰ বাবে জৰ্জ জোচেফক তেওঁলোকৰ প্ৰথমটো ললিতাঞ্জলি সাহিত্য বঁটা (ললিতাঞ্জলি লিটাৰেৰী এৱাৰ্ড) প্ৰদান কৰিছিল।^৮৯ জোচেফে সাংস্কৃতিক মন্ত্ৰালয়ৰ জ্যেষ্ঠ ফেল’শ্বিপও লাভ কৰিছে। এই ফেল’শ্বিপৰ অংশ ৰূপে তেওঁ বিখ্যাত মালয়ালম ভাষা লেখিকা চেতুৰ সাহিত্য সম্পৰ্কীয় গৱেষণা কৰিছিল। গৱেষণাৰ বিষয় আছিল; চেতুৰ ৰচনাত মহিলা আৰু মাটি। ^১

মালয়ালম সাহিত্য মহলৰ এগৰাকী সক্ৰিয় লেখক আৰু সাংবাদিক ৰূপে জনাজাত জৰ্জ জোচেফৰ^{১০১১১২১৩} পত্নীৰ নাম লাভলী। বিবাহ সূত্ৰে জোচেফ দম্পতীৰ এজন পুত্ৰ আৰু এগৰাকী কন্যা সন্তানৰ পিতৃ-মাতৃ। পুত্ৰৰ নাম আপ্পু আৰু কন্যাৰ নাম হান্না।^১

নিৰ্বাচিত গ্ৰন্থপঞ্জী