চেতন ভগত

চেতন ভগত (Chetan Bhagat; चेतन भगत) এজন ভাৰতীয় ঔপন্যাসিক, নিবন্ধকাৰ, বক্তা, আৰু চিত্ৰনাট্যকাৰ। তেওঁ কৰ্মৰাজীৰ ভাষা ইংৰাজী। আই আই টি দিল্লী আৰু আই আই এম আহমেদাবাদৰ প্ৰাক্তন ছাত্ৰ ভগতে তেওঁ প্ৰথম উপন্যাস "ফাইভ পইণ্ট চামৱান"-ৰ জৰিয়তে ভাৰতীয়ৰ লগতে বিদেশী পাঠকৰ মাজত জনপ্ৰিয়তা লাভ কৰিবলে সক্ষম হয়। বৰ্তমানলৈকে তেওঁৰ দ্বাৰা লিখিত পাঁচোখন উপন্যাসেই বেষ্টছেলাৰৰ খিতাপ লাভ কৰিছে তাৰে মাজৰ দুখনক বলিউডৰ চলচ্চিত্ৰৰ ৰূপো দিয়া হৈছে।

ঔপন্যাসিকৰ লগতে ভগত এজন স্তম্ভ লেখক। তেওঁৰ প্ৰধানতঃ কেৰিয়াৰ, যুবশক্তি,^১ আৰু ৰাষ্ট্ৰীয় উন্নয়নক^২৩ উদ্দেশ্য কৰি লিখা নিবন্ধসমূহ হিন্দী আৰু ইংৰাজী ভাষাৰ বাতৰি কাকতত নিয়মীয়াকৈ প্ৰকাশ পায়। এনে কেইখনমান উল্লেখযোগ্য কাকত হৈছে দা গাৰডিয়ান, টাইম্ছ অফ ইণ্ডিয়া, দৈনিক ভাস্কৰ আদি। ভগত এজন প্ৰেৰণাদায়ী বক্তাও। তেওঁ বহুদেশীয় প্ৰতিষ্ঠান আৰু অন্য অনুষ্ঠানবোৰত তেওঁৰ বক্তিতা প্ৰদান কৰে।^৪৫৬ ভগতে সম্পূৰ্ণ সময় লেখাত মনোনিবেশ কৰাৰ উদ্দেশ্যে ২০০৯ চনত তেওঁৰ আন্তৰাষ্ট্ৰীয় বেংকিংৰ চাকৰি এৰি দিয়ে।

২০০৮ চনত দা নিউয়ৰ্ক টাইমছ-এ ভগতক "ভাৰতৰ ইতিহাসৰ সৰ্বাধিক বিক্ৰীপ্ৰাপ্ত ইংৰাজী ভাষাৰ ঔপন্যাসিক" ৰূপে মত প্ৰদান কৰে।^৭৮ টাইম আলোচনীয়ে এখেতক ২০১০ চনৰ বিশ্বৰ ১০০ সৰ্বাধিক প্ৰভাবকাৰি ব্যক্তিৰ মাজত স্থান দিয়ে।^৯

ভগতে জানুৱাৰী ২০১১ৰ আৰম্ভণিত তেওঁৰ নিবন্ধৰ জৰিয়তে আন্না হাজাৰেৰ জন লোকপাল বিলৰ সপক্ষে মত প্ৰকাশ কৰে।^১০

জন্ম আৰু শিক্ষা

নতুন দিল্লীৰ এটা মধ্যবিত্ত পৰিয়ালত ১৯৭৪ চনৰ এপ্ৰিল মাহৰ ২২ তাৰিখে চেতন ভগতৰ জন্ম হৈছিল। তেওঁৰ পিতৃ এজন সৈনিক আৰু মাতৃ এগৰাকী কৃষি বিভাগৰ চৰকাৰী কৰ্মচাৰী আছিল।

চেতন ভগতে দিল্লীতেই শিক্ষাৰ আদিপাঠ গ্ৰহণ কৰিছিল। তেওঁ আৰ্মী পাব্লিক স্কুলত (১৯৭৮-১৯৯১) শিক্ষা গ্ৰহণ কৰিছিল। আই.আই.টি. দিল্লীত (১৯৯১-১৯৯৫) তেওঁ যান্ত্ৰিক অভিযান্ত্ৰিকী বিভাগত ইঞ্জিনিয়াৰিং পাঠ্যক্ৰম গ্ৰহণ কৰিছিল। ইণ্ডিয়ান ইনষ্টিটিউট অফ্ মেনেজমেণ্ট, আহমেদাবাদৰ (১৯৯৫-১৯৯৭) পৰা তেওঁ স্নাতকোত্তৰ ডিগ্ৰী লয়। তাত তেওঁক The Best Outgoing Student নামাংকিত কৰা হৈছিল।

কৰ্মজীৱন

এজন ইনভেষ্টমেণ্ট বেংকাৰ হিচাপে হংকংত তেওঁ নিজৰ কৰ্মজীৱনৰ পাতনি মেলিছিল। মুম্বাইলৈ অহাৰ পূৰ্বে হংকংত তেওঁ সুদীৰ্ঘ ১১ বছৰ কাল চাকৰি কৰিছিল। তেওঁ বৰ্তমানলৈকে পাঁচখন গ্ৰন্থ লিখি উলিয়াইছে। এই আটাইকেইখন সৰ্ব্বোচ্চ বিক্ৰীত গ্ৰন্থ হিচাপে পৰিগণিত হৈছে।

ব্যক্তিগত জীৱন

চেতন ভগত তেওঁৰ পত্নী অনুশা সূৰ্যানাৰায়ণক আই আই এম আহমেদাবাদত প্ৰথম লগ পাইছিল। তেওঁলোক ১৯৯৯ চনত বিবাহপাশত আবদ্ধ হয়। পাচত তেওঁলোক কৰ্মসূত্ৰে হংকংলৈ যায় আৰু তাত বৰ্তমান তেওঁ মুম্বাইত অধিষ্ঠিত আৰু সাহিত্য-চৰ্চাত ব্যস্ত। চেতন আৰু তেওঁৰ পত্নী দুটা যমজ সন্তানৰ পিতৃ-মাতৃ, শ্যাম আৰু ঈশান। তেওঁৰ টু ষ্টেটচ গ্ৰন্থখন তেওঁ আৰু অনুশাৰ প্ৰেম কাহিনীৰপৰা অনুপ্ৰাণিত।

কৰ্মৰাজী

প্ৰকাশিত গ্ৰন্থ

দূৰদৰ্শন

চেতন ভগত ষ্টাৰ নিউজ টিভিৰ ৰিয়েলিটী শ্ব' ষ্টাৰ এংকৰ হাণ্টৰ এজন নিৰ্বাচক আছিল।

বক্তা

বাতৰি কাকত আৰু মিডিয়া হাউচ্ যেনে দৈনিক ভাস্কৰ, দা টাইমচ্ অফ্ ইণ্ডিয়াৰ দ্বাৰা আয়োজিত উল্লেখযোগ্য সভাত ব্যক্তৃতা প্ৰদান কৰি চেতন ভগতে এজন নিপুণ বক্তা হিচাপে সুনাম অৰ্জন কৰিছে। ইয়াৰ উপৰিও সমাজৰ বৰ্তমানৰ স্থিতি সম্পৰ্কে তেওঁ নিজৰ ভাৱসমূহ মাইক্ৰ-ব্লগিং ছাইট টুইটাৰত প্ৰকাশ কৰে।

উপন্যাসক আধাৰ কৰি নিৰ্মাণ কৰা ছবি

বঁটা আৰু কৃতিত্ব

• চচাইটি য়ং এচিভাৰ্চ এৱাৰ্ড ২০০৪^১৪
• পাব্লিচাৰ্চ ৰিকগনেচন এৱাৰ্ড ২০০৫^১৪
• টাইম আলোচনীৰ বিশ্বৰ ১০০ সৰ্বাধিক প্ৰভাৱশালী ব্যক্তি ২০১০^১৫