চিন্ময় বাৰ্মা

চিন্ময় বাৰ্মা (Chinmoy Barma) হৈছে অসমৰ এজন পৰিচালক। ১৯৯৩ চনৰ ৭ আগষ্টত নলবাৰী জিলাত বাৰ্মাৰ জন্ম হয়।^১

প্ৰাথমিক জীৱন আৰু শিক্ষা

তেখেতে প্ৰাৰম্ভিক অৱস্থাত শংকৰদেৱ শিশু নিকেতন, নলবাৰীত নামভৰ্তি হয় আৰু সেইখনৰ পৰাই ২০১০ চনত অসমৰ মাধ্যমিক শিক্ষা ব’ৰ্ড (SEBA)ৰ দ্বাৰা পৰিচালিত HSLC (High School Leaving Certificate) পৰীক্ষাত অসমৰ ভিতৰত ৭ম স্থান অধিকাৰ কৰিছিল।^২৩

পৰবৰ্তী কালত, তেখেতে গুৱাহাটীৰ মাজমজিয়াত অৱস্থিত কটন বিশ্ববিদ্যালয় (তেতিয়াৰ কটন কলেজ)ৰ পৰা উচ্চ শিক্ষা গ্ৰহণ কৰে। তেখেতে (অসম বিজ্ঞান আৰু প্ৰযুক্তিবিদ্যা বিশ্ববিদ্যালয়)ৰ পৰা অভিযান্ত্ৰিক ডিগ্ৰী (ইঞ্জিনিয়াৰিং) সম্পূৰ্ণ কৰিছিল।^২৪

কৰ্মজীৱন

শৈক্ষিক জীৱন সমাপ্ত হোৱাৰ পিছত তেখেতে নতুন-দিল্লীত পেছাদাৰী জীৱনৰ আৰম্ভনি কৰে। এইখিনি সময়ছোৱাত তেখেতে আৰ্তজনৰ সেৱা কৰিবলৈ এখন বেচৰকাৰী সংস্থা (এন জি অ’) চেপ্তাৰ মূৰব্বী হিচাপে যোগদান কৰে, য’ত তেখেতে আৰ্ত শিশুসকলক সহায় আৰু শিক্ষা প্ৰদানত মনোনিবেশ কৰিছিল। তেখেতৰ চুটি ছবিসমূহত মূলতঃ অসমৰ ভৌতিক জগতক চিত্ৰিত কৰা হয়।^৫৪

তেখেতে কৃত্ৰিম বুদ্ধিমত্তাৰ সহায়ত অসমীয়া লোককথাৰ বিভিন্ন ভূত-প্ৰেত আৰু জনপ্ৰিয় কিংবদন্তিসমূহৰ কাল্পনিক চিত্ৰ অংকন কৰে। ছ’চিয়েল মিডিয়াত অতি নিমিষতে জনপ্ৰিয় হৈ পৰা তেখেতৰ চিত্ৰকল্পই বহুতৰে বিশেষকৈ শিল্পপ্ৰেমীসকলৰ দৃষ্টি আকৰ্ষণ কৰিছিল।^৪৬৭

সৃষ্টিৰাজি

সাফল্য

তেখেতৰ দ্বাৰা পৰিচালিত অহল্যা নামৰ চুটি ছবিখনে শেহতীয়াকৈ ইণ্ডো-ফ্ৰান্স আন্তঃৰাষ্ট্ৰীয় চলচ্চিত্ৰ মহোৎসৱ ২০২৩, ত নিৰ্বাক ছবিৰ শিতানত শ্ৰেষ্ঠ ছবি হিচাপে বঁটা লাভ কৰিবলৈ সক্ষম হৈছিল।^১৫১৪

লগতে চাওক

• যখিনী (চুটি ছবি)