গোবিন্দৰাজন পদ্মনাভন

গোবিন্দৰাজন পদ্মনাভন(Govindarajan Padmanaban জন্ম ২০ মাৰ্চ ১৯৩৮, মাদ্ৰাজ) এগৰাকী ভাৰতীয় জৈৱ ৰসায়নবিদ আৰু জৈৱ প্ৰযুক্তিবিদ তেওঁ ভাৰতীয় বিজ্ঞান প্ৰতিষ্ঠানৰ প্ৰাক্তন সঞ্চালক আছিল আৰু বৰ্তমান আইআইএছচি-ৰ জৈৱ ৰসায়ন বিভাগৰ সন্মানীয় অধ্যাপক আৰু তামিলনাডুৰ কেন্দ্ৰীয় বিশ্ববিদ্যালয়ৰ আচাৰ্য হিচাপে কাৰ্যনিৰ্বাহ কৰি আছে।^১

প্ৰাৰম্ভিক জীৱন আৰু শিক্ষা

পদ্মনাভন এটা অভিযন্তা পৰিয়ালত ডাঙৰ-দীঘল হৈছিল। তেওঁ তামিলনাডু তাঞ্জোৰ জিলাৰ বাসিন্দা যদিও বাংগালোৰত স্থায়ীভাৱে থাকিবলৈ লয়। বাংগালোৰত স্কুলীয়া শিক্ষা সম্পূৰ্ণ কৰাৰ পিছত তেওঁ এখন অভিযান্ত্ৰিক কলেজত যোগদান কৰিছিল। অৱশ্যে, তেওঁ অভিযান্ত্ৰিক বিদ্যাৰ প্ৰতি আগ্ৰহী নাছিল, আৰু তেওঁ ৰসায়ন বিজ্ঞানত স্নাতক ডিগ্ৰী সম্পূৰ্ণ কৰিবলৈ মাদ্ৰাজ প্ৰেচিডেন্সি কলেজত যোগদান কৰিছিল। তেওঁ নতুন দিল্লী ভাৰতীয় কৃষি গৱেষণা প্ৰতিষ্ঠানত মাটি ৰসায়ন বিজ্ঞানত স্নাতকোত্তৰ ডিগ্ৰী আৰু ১৯৬৬ চনত ভাৰতীয় বিজ্ঞান প্ৰতিষ্ঠান (আইআইএছচি) বাংগালোৰ জৈৱ ৰসায়নবিজ্ঞানত পিএইচডি সম্পূৰ্ণ কৰে।^২

গৱেষণা

গৱেষণাৰ প্ৰাৰম্ভিক বছৰবোৰত তেওঁ প্ৰাথমিকভাৱে যকৃতত ইউকেৰিয়টিক জিনৰ প্ৰতিলিপি নিয়ন্ত্ৰণত কাম কৰিছিল। তেওঁ কোষীয় প্ৰক্ৰিয়াত হেমৰ বহুমুখী ভূমিকা স্পষ্ট কৰিবলৈ আগ্ৰহী আছিল। তেওঁৰ দলটোৱে মেলেৰিয়াৰ পৰজীৱীৰ হেম-জৈৱ সংশ্লেষিত পথ আৱিষ্কাৰ কৰিছিল আৰু ইয়াক ঔষধৰ লক্ষ্য হিচাপে দেখুৱাইছিল। তেওঁ প্ৰতিষেধকৰ বিকাশৰ ক্ষেত্ৰতো আগ্ৰহী। তেওঁৰ দলটোৱে ২০০৪ চনত কাৰ্কুমিনৰ এণ্টিমেলাৰিয়েল বৈশিষ্ট্য আৰু সংমিশ্ৰণ থেৰাপীত ইয়াৰ কাৰ্য্যকৰীতা দেখুৱাবলৈ সফল হৈছিল।^৩

পুৰস্কাৰ

• বিজ্ঞান ৰত্ন বঁটা (২০২৪)^৪৫
• [[শান্তি স্বৰূপ ভাটনাগৰ বঁটা| বিজ্ঞান আৰু প্ৰযুক্তিৰ

শান্তি স্বৰূপ ভাটনাগৰ বঁটা]] (১৯৮৩)

• পদ্মশ্ৰী (১৯৯১)^৬
• পদ্মবিভূষণ (২০০৩)^৬
• ৰাষ্ট্ৰীয় চিকিৎসা বিজ্ঞান একাডেমীৰ নিৰ্বাচিত ফেল'শ্বিপ।^৭

তথ্যসূত্ৰ

• Siddharthan, Rahul. (2007). The case of the Padmanaban Committee. Current Science. পৃ. 281–2