গায়ত্ৰী ভাৰদ্বাজ

গায়ত্ৰী ভাৰদ্বাজ (ইংৰাজী ভাষা: Gayatri Bhardwaj; জন্ম: ১৭ জুন ১৯৯৫) এগৰাকী ভাৰতীয় অভিনেত্ৰী, মডেল আৰু সৌন্দৰ্য প্ৰতিযোগিতাৰ খিতাপ ধাৰী, যিয়ে মুখ্যত হিন্দী ভাষা আৰু তেলুগু ভাষা ছবিত কাম কৰে। তেওঁ ফেমিনা মিছ ইণ্ডিয়া ২০১৮ প্ৰতিযোগিতাত নতুন দিল্লী ৰাজ্যক প্ৰতিনিধিত্ব কৰিছিল, য'ত তেওঁ ফেমিনা মিছ ইণ্ডিয়া ইউনাইটেড কন্টিনেন্টছ ২০১৮ ৰ মুকুট পিন্ধিছিল আৰু মিছ ইউনাইটেড কন্টিনেন্টছ প্ৰতিযোগিতাত ভাৰতক প্ৰতিনিধিত্ব কৰিছিল।^১২ ২০২১ চনত তেওঁ ঢিন্ডোৰা নামৰ এখন ভাৰতীয় ইউটিউব কমেডী ৱেব-চিৰিজত অভিনয় কৰিছিল, যাৰ জৰিয়তে তেওঁৰ অভিনয় জীৱনৰ আৰম্ভণি ঘটিছিল।

প্ৰাৰম্ভিক জীৱন

গায়ত্ৰী ভাৰদ্বাজৰ জন্ম ১৯৯৫ চনৰ ১৭ জুনত ভাৰতৰ দিল্লীত হৈছিল।^৩ তেওঁ মডাৰ্ণ স্কুলৰ পৰা প্ৰাথমিক শিক্ষা লাভ কৰিছিল।^৪ পুনেৰ ভাৰতী বিদ্যাপীঠ ডেন্টাল কলেজৰ পৰা দন্ত চিকিৎসা বিজ্ঞানত স্নাতক ডিগ্ৰী লাভৰ বাবে অধ্যয়ন কৰি থকাৰ সময়তে তেওঁ 'কেম্পাছ প্ৰিন্সেছ ২০১৮'ৰ জৰিয়তে মডেলিং কেৰিয়াৰ আৰম্ভ কৰিছিল।^৫৪ পিছলৈ তেওঁ ফেমিনা মিছ ইণ্ডিয়া দিল্লী ২০১৮^৬ আৰু ফেমিনা মিছ ইণ্ডিয়া ২০১৮ত অংশগ্ৰহণ কৰিছিল।^৭ তেওঁ এগৰাকী ভাৰতনাট্যম নৃত্যশিল্পী আৰু ফুটবল খেলিছিল।^৪

কেৰিয়াৰ

২০১৮ চনত আকাশ পুৰীৰ বিপৰীতে তেলুগু ৰোমান্টিক ড্ৰামা ৰোমান্টিকৰ বাবে তেওঁক মুখ্য অভিনেত্ৰী হিচাপে নিৰ্বাচন কৰা হৈছিল। নিৰ্মাতাসকলে পুৰুষ অভিনেতাগৰাকীৰ বিপৰীতে এটা নতুন মুখৰ সন্ধান কৰি আছিল আৰু ভাৰদ্বাজৰ মডেলিং কেৰিয়াৰ তথা কেমেৰাৰ সন্মুখত তেওঁৰ স্বাচ্ছন্দ্যবোধৰ বাবে তেওঁক বাছনি কৰিছিল।^৮ অৱশ্যে পিছলৈ তেওঁৰ ঠাইত কেতিকা শৰ্মাক লোৱা হয়।^৯

২০২১ চনত ভাৰদ্বাজে ভুৱন বামৰ বিপৰীতে ঢিন্ডোৰাত ডাঃ তাৰা ৰামপামৰ চৰিত্ৰত অভিনয় কৰি অভিনয় জীৱনৰ পাতনি মেলে।^১০১১ এই ৱেব ধাৰাবাহিকখনত তেওঁৰ নামটো ২০০৭ চনৰ হিন্দী ছবি তা ৰা ৰাম পামৰ শিৰোনামটোৰ এক শব্দৰ খেল (word play)।

২০২২ চনত ভাৰদ্বাজে লক্ষ্মণ উটেকাৰৰ ইট্টু চি বাতৰ জৰিয়তে বলিউডত আত্মপ্ৰকাশ কৰে। ইয়াত তেওঁ ভূপেন্দ্ৰ জাডাৱটৰ বিপৰীতে স্বপ্নাৰ চৰিত্ৰত অভিনয় কৰিছিল।^১২

ইয়াৰ পিছত ভাৰদ্বাজে ইস্ক এক্সপ্ৰেছত তানিয়াৰ চৰিত্ৰত আৰু হাইৱে লাভত ইনায়াৰ চৰিত্ৰত ঋত্বিক সাহোৰৰ বিপৰীতে অভিনয় কৰে।^১৩১৪

তেওঁ ৰবি টেজা আৰু নূপুৰ চাননৰ বিপৰীতে তেলুগু ছবি টাইগাৰ নাগেশ্বৰ ৰাওত অভিনয় কৰি টলিউডত আত্মপ্ৰকাশ কৰে। তেওঁ টাইগাৰৰ পত্নী মণিৰ চৰিত্ৰত অভিনয় কৰিছিল।^১৫১৬ ১৭ অক্টোবৰৰ এটা সাক্ষাৎকাৰত তেওঁ প্ৰকাশ কৰে যে পৰিচালক ভামচিয়ে তেওঁক ঢিন্ডোৰাত অভিনয় কৰা দেখিছিল। পৰিচালকজনৰ মতে, ধাৰাবাহিকখনত তেওঁক দেখাৰ লগে লগে তেওঁৰ মনত থকা মণিৰ চৰিত্ৰটোৰ সৈতে ভাৰদ্বাজ মিলি গৈছিল। ছবিখন ২০২৩ চনৰ ২০ অক্টোবৰত মুক্তি পাইছিল আৰু ই বক্স অফিচত সফলতা লাভ কৰিছিল যদিও মিশ্ৰিত সমালোচনা লাভ কৰিছিল।

২০২৪ চনত তেওঁ বাডী নামৰ আন এখন তেলুগু ছবিত অভিনয় কৰে য'ত তেওঁ অল্লু চিৰিছৰ বিপৰীতে অভিনয় কৰিছিল। এই ছবিখন তামিল ছবি টেডিৰ ৰিমেক। ছবিখন ২ আগষ্টত মুক্তি পায় আৰু মিশ্ৰিত সমালোচনা লাভ কৰে। তেওঁ মোহৰে নামৰ এখন হিন্দী ৱেব ধাৰাবাহিকতো অভিনয় কৰিছে য’ত তেওঁ ৰাচেল পিণ্টো নামৰ এগৰাকী অধিবক্তাৰ চৰিত্ৰত অভিনয় কৰিছে। এই ৱেব ধাৰাবাহিকখন ৬ ডিচেম্বৰত এমএক্স প্লেয়াৰ আৰু প্ৰাইম ভিডিঅ'ত মুক্তি পাইছিল।

মিডিয়া

২০১৮ চনত টাইমছ অৱ ইণ্ডিয়াৰ '৫০ গৰাকী মোষ্ট ডিজাইৰেবল ৱুমেন'ৰ তালিকাত ভাৰদ্বাজে পঞ্চম স্থান লাভ কৰিছিল।^১৭

চলচ্চিত্ৰপঞ্জী

চলচ্চিত্ৰ

ৱেব ধাৰাবাহিক

মিউজিক ভিডিঅ'

বঁটা আৰু মনোনয়ন