কৃতি মহেশ

কৃতি মহেশ মিদ্যা (ইংৰাজী: Kruti Mahesh Midya) হৈছে হিন্দী চলচ্চিত্ৰ জগতৰ এগৰাকী পৰিচিত ভাৰতীয় নৃত্যশিল্পী আৰু নৃত্য পৰিচালক। “পদ্মাৱত” (২০১৮) চলচ্চিত্ৰৰ "ঘূমাৰ" গীতটিৰ বাবে শ্ৰেষ্ট নৃত্য পৰিচালকৰ ৰাষ্ট্ৰীয় চলচ্চিত্ৰ বঁটা^১ আৰু জ্যোতি ডি. টম্মাৰৰ সৈতে একেলগে^২ ২০২২ চনৰ গংগুবাই কাঠিয়াৱাদী (Gangubai Kathiawadi) চলচ্চিত্ৰৰ "ধোলিদা ফ্ৰম"ৰ বাবে শ্ৰেষ্ট নৃত্য পৰিচালকৰ ফিল্মফেয়াৰ বঁটা লাভ কৰিছে।তেওঁৰ শ্ৰেষ্ঠ কামসমূহ হৈছে “য়েহ জৱানী হায় দীৱানী” (২০১৩), “এবিচিডি ২” (২০১৩), “বাজিৰাও মস্তানী” (২০১৫), “এ ফ্লাইং জেট” (২০১৬), ৰেচ ৩ (২০১৮), “ষ্ট্ৰীট ডান্সাৰ ৩ডি” (২০১৯), “শ্যাম সিংহা ৰয়” (২০২১), আৰু “মাজা মা” (২০২২)। “ডান্স ইণ্ডিয়া ডান্স”ত যোগদান কৰাৰ পিছৰে পৰা তেওঁ টেৰেন্স লুইছক গুৰু হিচাপে লৈ কাম কৰি আহিছে আৰু স্বতন্ত্ৰ কৰিঅ’গ্ৰাফাৰ হোৱাৰ পূৰ্বে ৰেমো ডিছোজাৰ সহায়ক হিচাপে কাম কৰিছিল।

প্ৰাৰম্ভিক জীৱন আৰু কেৰিয়াৰ

মুম্বাইৰ মাটুংগাৰ এক তামিল ব্ৰাহ্মণ পৰিয়ালত কৃতি মহেশৰ জন্ম হৈছিল। ৫ বছৰ বয়সীয়া শিশু অৱস্থাতে কৃতিয়ে নৃত্য শ্ৰেণীত যোগদান কৰে আৰু ১৪ বছৰ বয়সত এৰেঞ্জেট্ৰাম প্ৰদৰ্শন কৰে। মুম্বাই বিশ্ববিদ্যালয়ত পঢ়ি স্নাতক হোৱাৰ পিছত লণ্ডনলৈ যাত্ৰা কৰে, য'ত লণ্ডন চাউথত অধ্যয়ন কৰে বেংক বিশ্ববিদ্যালয়ৰ পৰা ফৰেনছিক বিজ্ঞানত স্নাতকোত্তৰ ডিগ্ৰী লাভ কৰি পিতৃৰ স্বাস্থ্যজনিত সমস্যাৰ বাবে মুম্বাইলৈ উভতি আহিছিল। তেওঁৰ পিতৃয়ে তেওঁক নৃত্যৰ প্ৰতি থকা আকৰ্ষণক আগুৱাই নিবলৈ উৎসাহিত কৰিছিল,^৩ যাৰ ফলত তেওঁক নৃত্য প্ৰতিযোগিতাত অংশগ্ৰহণ কৰিবলৈ অনুপ্ৰাণিত কৰিছিল। পৰবৰ্তী সময়ত তেওঁ এখন ক্লিনিকত ভ্ৰূণ বিশেষজ্ঞ হিচাপেও কাম কৰিছিল।

“ডান্স ইণ্ডিয়া ডান্স ছিজন ২” (২০০৯)ৰ প্ৰতিযোগী হিচাপে টেৰেন্স লুইছৰ সৈতে যোগদান কৰি কৃতিয়ে স্বীকৃতি লাভ কৰে। তেওঁ নৃত্য অনুষ্ঠানৰ অংশ হৈয়েই “ডি আই ডি লি'ল মাষ্টাৰ ছিজন ২”ত^৪ “কৃতি কে ক্ৰেক্টাৰ্ছ” আৰু তেওঁৰ দলৰ পৰা ওম চেত্ৰীৰ দলৰ অধীনত অধিনায়ক হিচাপে কাম কৰি শ্ব'টোৰ ৰানাৰ্ছ আপ হিচাপে স্বীকৃতি লাভ কৰে। ইয়াৰ পিছত তেওঁ “ডান্স কে ছুপাৰকিডছ”ত^৫ অংশগ্ৰহণ কৰে আৰু ৰাঘৱ জুৱালৰ নেতৃত্বত চলি থকা “টিম ইয়াহু”ৰ বাবে ৰাজকুমাৰ গুপ্তাৰ সৈতে নৃত্য পৰিচালনা কৰে আৰু দলটোৱে প্ৰতিযোগিতাত জয়লাভ কৰে।^৬ তেওঁ ভাৰতনাট্যম, কুচিপুড়ি, কথক আৰু বেলেটৰো প্ৰশিক্ষণ লৈছে।

“য়েহ জৱানী হায় দীৱানী”ৰ "বালম পিচকাৰী" গীতটোত তেওঁ ৰেমো ডিছোজাৰ সহায়ক আছিল। তেওঁ কেইবাখনো ছবিত তেওঁৰ সহায়ক হিচাপে কৰিছিল, ইয়াৰ ভিতৰত সঞ্জয় লীলা ভাঞ্চালীৰ “বাজীৰাও মস্তানী”ৰ "পিংগা" আৰু "দীৱানী মস্তানী" অন্যতম।^৭ গীতসমূহৰ সফলতাৰ বাবে ভাঞ্চালীয়ে তেওঁৰ পৰৱৰ্তী ছবি “পদ্মাৱত” ছবিত তেওঁক স্বতন্ত্ৰ নৃত্য পৰিচালনাৰ সুযোগ প্ৰদান কৰে।^৮ গীতটো অৱশেষত "ঘুমৰ"লৈ পৰিণত হয়, যিটো ঘুমৰ নৃত্য নামেৰে ৰাজস্থানৰ পৰা উৎপত্তি হোৱা পৰম্পৰাগত লোকনৃত্যৰ আধাৰত নিৰ্মিত। পৰম্পৰাগতভাৱে ভীল জনজাতিসকলে পৰিবেশন কৰা ঘুমৰ পিছলৈ ৰাজপুতসকলে গ্ৰহণ কৰে। ঘুমৰৰ এজন ঘোষক জ্যোতি ডি. টোমাৰে তেওঁৰ সৈতে এই প্ৰকল্পত কাম কৰিছিল। ৰাজপুত ৰাজকুমাৰী হিচাপে অভিনয় কৰা দীপিকা পাডুকনে নৃত্য কৰা গীতটো আৰু ইয়াৰ নৃত্যই সমালোচকৰ ব্যাপক প্ৰশংসা লাভ কৰে। টমাৰৰ সৈতে ৬৬ সংখ্যক ৰাষ্ট্ৰীয় চলচ্চিত্ৰ বঁটাত শ্ৰেষ্ঠ নৃত্য পৰিচালনাৰ বাবে ৰাষ্ট্ৰীয় চলচ্চিত্ৰ বঁটা লাভ কৰে^৯ আৰু শ্ৰেষ্ঠ নৃত্য পৰিচালনাৰ বাবে কেইবাটাও বঁটা লাভ কৰে।

ৰাহুল শ্বেট্টী আৰু ৰেমো ডিছোজাৰ সৈতে “ৰেচ ৩”ৰ সকলো গীতৰ কোৰিঅ'গ্ৰাফী কৰিছিল আৰু “ষ্ট্ৰীট ডান্সাৰ থ্ৰীডি” ছবিৰো তেওঁ কোৰিঅ'গ্ৰাফী কৰিছিল। ইয়াৰ দুটা গীত "আইলিগেল ৱেপন" আৰু "নাচি নাচি"য়ে ফিল্মফেয়াৰৰ শ্ৰেষ্ঠ নৃত্য প্ৰদৰ্শনৰ বাবে মনোনয়ন লাভ কৰিছিল। "ঘৰ্মী" তেওঁৰ ছবিখনৰ আন এটা নৃত্য আছিল য'ত নোৰা ফটেহীয়ে অভিনয় কৰিছিল।^১০ “ৰশ্মি ৰকেট”ৰ গৰবা "ঘনী কুল চোৰী" আৰু “চৰ্দাৰ কা নাতি”ৰ পাঞ্জাবী নৃত্য "জী নি কৰ্দা" তেওঁৰ আন গীতসমূহৰ ভিতৰত অন্যতম। শ্যাম সিংহ ৰায়ৰ "প্ৰণৱলয়" গীতটোত তেওঁ ছাই পল্লৱীক নৃত্য পৰিচালনা কৰিছিল। ভাৰতনাট্যম, ওডিছী আৰু মহিনিয়াটমৰ উপাদান থকা নৃত্যটো মুক্তিৰ লগে লগে জনপ্ৰিয়তা লাভ কৰে।^১১

আলিয়া ভাটে নৃত্য কৰা গৰবাৰ আধাৰত নিৰ্মিত "ধোলিদা" আৰু "ঝুমে ৰে গ'" গীতৰ বাবে তেওঁ ভান্সালীৰ সৈতে “গংগুবাই কঠিয়াৱাড়ী” ছবিত সহযোগিতা কৰে আৰু সমালোচকৰ প্ৰশংসা লাভ কৰে।^১২ ৬৮ সংখ্যক ফিল্মফেয়াৰ বঁটাত তেওঁ "ধোলিদা"ৰ বাবে শ্ৰেষ্ঠ নৃত্য পৰিচালনাৰ বঁটা লাভ কৰে।^১৩

তেওঁ “মাজা মা” (২০২২) ছবিত গৰবা নৃত্যৰ ভিত্তিত নিৰ্মান কৰা "বুম পদী" গীতটোৰ বাবে মাধুৰী দীক্ষিতক সহযোগিতা কৰিছিল আৰু পঞ্জাবী ছবি “গডডে গডডে চা”ৰ এটি ভাংৰা নৃত্যত কাম কৰিছিল।^১৪