কনকলতা (চলচ্চিত্ৰ)

কনকলতা (Kanaklata) অসমৰ দ্বিতীয় মহিলা চলচ্চিত্ৰ পৰিচালক কুন্তলা ডেকাই পৰিচালনা কৰা আৰু লাচিত চিত্ৰমৰ বেনাৰত নিৰ্মাণ কৰা এখন জীৱনীভিত্তিক চলচ্চিত্ৰ। প্ৰযোজক দিলীপ ডেকা আৰু কুন্তলা ডেকা। শব্দগ্ৰহণত পীযুষ কান্তি ৰয়। ১৯৯০ চনৰ ৩ ফেব্ৰুৱাৰীত গুৱাহাটীৰ উদেষ্ণা চিত্ৰগৃহত ছবিখনৰ প্ৰিমিয়াৰ শ্বো হৈছিল। ১৯৪২ চনৰ শ্বহীদ, গহপুৰৰ ওচৰৰ বৰঙাবাৰীত জন্মগ্ৰহণ কৰা কনকলতাৰ জীৱনৰ আধাৰত ছবিখনৰ কাহিনী ৰচনা কৰিছিল ভবেন বৰুৱাই। পৰিচালকগৰাকীয়ে এটা ভিডিঅ’ত কয় যে ছবিখন নিৰ্মাণ কৰোঁতে প্ৰায় পাঁচ বছৰ সময় লাগিছিল।^১

অভিনয়

• ৰুমী গোস্বামী
• দিলীপ শৰ্মা
• হৰি ডেকা
• অখিল ডেকা
• মৃণাল সেনগুপ্ত
• ভবেন বৰুৱা
• মীনা দুৱৰা
• আভালিন বৰুৱা^১

সংগীত

ছবিখনত জ্যোতিপ্ৰসাদ আগৰৱালাৰ কেইটামান গীত ব্যৱহাৰ কৰা হৈছে। সমবেত কণ্ঠত গীতসমূহ গাইছে সন্ধ্যা মেনন, কুইন দাস আদিয়ে। সংগীত পৰিচালনা অনুপম চৌধুৰীৰ।^১