অৰ্ণৱ জান ডেকা

অৰ্ণৱ জান ডেকা হৈছে অসমৰ এজন সাহিত্যিক, তথ্যচিত্ৰ পৰিচালক, অভিনেতা আৰু অভিযন্তা^১২৩ তেওঁ ইংৰাজী ভাষা, অসমীয়া (দ্ব্যৰ্থতা দূৰীকৰণ পৃষ্ঠা), হিন্দী ভাষা আৰু বঙালী ভাষাত একাধিক গ্ৰন্থ ৰচনা আৰু সম্পাদনা কৰিছে। ইয়াৰোপৰি তেওঁ এখন আলোচনী আৰু এখন বাতৰি কাকতৰো সম্পাদক আছিল।^৪ সাহিত্য একাডেমিয়ে তেওঁৰ জীৱনীক বিংশ শতাব্দীৰ ২০জন শ্ৰেষ্ঠ ভাৰতীয় সাহিত্যিকৰ তালিকা Who's Who of Indian Writers 1999ত স্থান দিছে।^৫ তেওঁ কেইবা দশক জুৰি গৰীয়সী আলোচনীত গল্প লিখি আহিছে।

তেওঁ তেওঁৰ উপন্যাস ভৱ আনন্দ সংবাদৰ বাবে প্ৰকাশন পৰিষদৰ সোণালী জয়ন্তী উপন্যাস বঁটা, ২০০৬ লাভ কৰিছিল।^২৩ ২০০৪ চনত নতুন দিল্লীত অনুষ্ঠিত কথা আন্তঃৰাষ্ট্ৰীয় চুটী গল্প উৎসৱে তেওঁৰ চুটী গল্প Himalayan Mystic Meetingৰ বাবে কথা-গৰীয়সী চুটী গল্প বঁটা প্ৰদান কৰে।^৬ ইয়াৰোপৰি তেওঁক সাহিত্য, কলা আৰু বৈজ্ঞানিক গৱেষণাৰ ক্ষেত্ৰত জীৱনজোৰা সাধনাৰ বাবে ২০১০ চনত কলিকতাত আচাৰ্য প্ৰফুল্ল চন্দ্ৰ ৰয় সোঁৱৰণি বঁটা (স্মাৰক সন্মান) প্ৰদান কৰা হয়।^৭

ইণ্ডো-ব্ৰিটিছ পৰিৱেশ প্ৰকল্প ছেভ দ্যা ৰিভাৰ ব্ৰহ্মপুত্ৰৰো আন্তঃৰাষ্ট্ৰীয় সচিব আছিল।^৮৯

১৯৮১ চনত ছাত্ৰাৱস্থাতেই তেওঁৰ প্ৰথম অনাতাঁৰ নাটক মুক্তি ('Freedom') আকাশবাণীত সম্প্ৰচাৰ কৰা হৈছিল। ১৯৮৩ চনত তেওঁৰ প্ৰথম কিতাপ এফাঁকি ৰ'দে প্ৰকাশ হয়।^{৫১০১১}

অসমৰ প্ৰখ্যাত গুৰু-সাহিত্যিক-কলাকাৰ শংকৰদেৱৰ বিষয়ে তেওঁ নিৰ্মাণ কৰা তথ্য চিত্ৰই বহুতো দেশত সমাদৰ লাভ কৰিবলৈ সক্ষম হৈছে।^১২

অৰ্ণৱ জান ডেকা অসমৰ এগৰাকী সাহ্যিতিক, শিক্ষাবিদ, পণ্ডিত ভৱানন্দ ডেকাৰ পুত্ৰ। তেওঁৰ মাকৰ নাম আছিল নলিনীপ্ৰভা ডেকা। তেখেতো এগৰাকী লেখিকা আছিল।