অৰুণ গোবিল

অৰুণ গোবিল (Arun Govil, জন্ম: ১২ জানুৱাৰী ১৯৫৮) এগৰাকী ভাৰতীয় অভিনেতা, প্ৰযোজক আৰু ৰাজনীতিবিদ।^১২৩ তেওঁ হিন্দী, ভোজপুৰী, ব্ৰজ ভাষা, ওড়িয়া আৰু তেলুগু ভাষাৰ চলচ্চিত্ৰত অভিনয় কৰিছে। তেওঁ ৰামানন্দ সাগৰৰ জনপ্ৰিয় টেলিভিচন ধাৰাবাহিক ৰামায়ণ (১৯৮৭) -ত ভগৱান ৰামৰ চৰিত্ৰত অভিনয় কৰাৰ বাবে অধিক জনাজাত। তেওঁ প্ৰশান্ত নন্দৰ “পহেলী” (১৯৭৭) -ৰ যোগেদি বলীউডত আত্মপ্ৰকাশ কৰিছিল।^৪ তেওঁ কনক মিশ্ৰাৰ চাৱান কো আনে দো (১৯৭৯) আৰু সত্যেন বসুৰ চাঞ্চ কো আঞ্চ নেহী (১৯৭৯) -ত অভিনয় কৰিছিল।^৫৬ তেওঁ ৰামানন্দ সাগৰৰ বিক্ৰম ঔৰ বেতাল (১৯৮৫) -ত এটি সৰু চৰিত্ৰৰে আত্মপ্ৰকাশ কৰিছিল।^৭ ৰামানন্দ সাগৰৰ ৰামায়ণ ধাৰাবাহিকত ভগৱান ৰামৰ চৰিত্ৰত অভিনয় কৰাৰ বাবে তেওঁ ১৯৮৮ চনত মুখ্য ভূমিকা শিতানত শ্ৰেষ্ঠ অভিনেতাৰ আপট্ৰ’ন বঁটা (Uptron Award) লাভ কৰিছিল। তেওঁ ৰামানন্দ সাগৰৰ লৱ কুশত পুনৰ ৰামৰ চৰিত্ৰত অভিনয় কৰিছিল।^৮

ৰাজনৈতিক জীৱন

অৰুণ গোবিলক ২০২৪ চনৰ লোকসভা নিৰ্বাচনৰ বাবে ভাৰতীয় জনতা পাৰ্টিৰ প্ৰাৰ্থী হিচাপে ২৫ মাৰ্চ ২০২৪-ত উত্তৰ প্ৰদেশৰ মীৰাট লোকসভা সমষ্টিৰ পৰা মনোনীত কৰা হয়।^৯ ৪ জুন ২০২৪-ত তেওঁ মীৰাট লোকসভা সমষ্টিৰ প্ৰতিনিধিত্ব কৰি লোকসভালৈ নিৰ্বাচিত হয়।^১০