অলকা লাম্বা

আলকা লাম্বা ( ইংৰাজী: Alka Lamba; জন্ম: ২১ ছেপ্টেম্বৰ ১৯৭৫) এগৰাকী ভাৰতীয় ৰাজনীতিবিদ। তেখেতে বৰ্তমান সৰ্বভাৰতীয় মহিলা কংগ্ৰেছৰ সভাপতিৰ পদত কাৰ্যনিৰ্বাহ কৰি আছে।^১ ২০ বছৰতকৈ অধিক সময় ভাৰতীয় জাতীয় কংগ্ৰেছত বিভিন্ন পদবীত সেৱা আগবঢ়োৱাৰ পিছত ২০১৪ চনৰ ২৬ ডিচেম্বৰত আম আদমী পাৰ্টিত যোগদান কৰিবলৈ চাকৰি এৰি দিয়ে।^২ ২০১৫ চনৰ ফেব্ৰুৱাৰী মাহত চান্দনী চ’কৰ পৰা লাম্বা দিল্লী বিধানসভালৈ নিৰ্বাচিত হয়। ২০১৯ চনৰ ছেপ্টেম্বৰ মাহত দলৰ ভিতৰত তেওঁৰ প্ৰতি অসন্মান কৰাৰ কথা উল্লেখ কৰি তেওঁ আপ ত্যাগ কৰিছিল। ২০১৯ চনৰ ৬ ছেপ্টেম্বৰত তেওঁ আনুষ্ঠানিকভাৱে কংগ্ৰেছ দললৈ উভতি আহে।^৩ কিন্তু কলংকিত টাৰ্ণকোটৰ প্ৰতি কঠোৰ সতৰ্কবাণীৰ ইংগিতত দল পৰিৱৰ্তনৰ নিয়ম উলংঘা কৰাৰ বাবে দিল্লীৰ অধ্যক্ষই তেওঁক দিল্লী বিধানসভাৰ পৰা অযোগ্য ঘোষণা কৰে।^৪

লাম্বাই ছাত্ৰ নেত্ৰী হিচাপে নিজৰ কেৰিয়াৰ আৰম্ভ কৰিছিল, আৰু দিল্লী বিশ্ববিদ্যালয় ছাত্ৰ সন্থাৰ প্ৰাক্তন সভাপতি, ভাৰতীয় ৰাষ্ট্ৰীয় ছাত্ৰ সংঘৰ প্ৰাক্তন ৰাষ্ট্ৰীয় সভাপতি, দিল্লী প্ৰদেশ কংগ্ৰেছ কমিটিৰ প্ৰাক্তন সাধাৰণ সম্পাদক আৰু সৰ্বভাৰতীয় কংগ্ৰেছ কমিটিৰ প্ৰাক্তন সম্পাদক। তেওঁ এন জি অ' গ' ইণ্ডিয়া ফাউণ্ডেচনৰ অধ্যক্ষ।^৫ ২০২৪ চনৰ ৫ জানুৱাৰীত তেওঁক সৰ্বভাৰতীয় মহিলা কংগ্ৰেছৰ সভানেত্ৰী হিচাপে নিযুক্তি দিয়া হয়। ^৬

প্ৰাথমিক জীৱন

অলকা লাম্বাৰ জন্ম হৈছিল ভাৰতৰ ৰাজধানী নতুন দিল্লী চহৰত। পিতাক অমৰ নাথ লাম্বা এজন ভাৰতীয় সেনা অসামৰিক অভিযন্তা আৰু মাক ৰাজ কুমাৰী লাম্বা এগৰাকী গৃহিণী। ছজন ভাই-ভনীৰ ভিতৰত অলকা লাম্বা আছিল অন্যতম।

শিক্ষা

লাম্বাই দিল্লীৰ ১ নং চৰকাৰী বালিকা ছিনিয়ৰ ছেকেণ্ডাৰী স্কুলত স্কুলীয়া শিক্ষা সমাপ্ত কৰে। পিছলৈ ১৯৯৬ চনত দিল্লীৰ দ্যাল সিং কলেজৰ পৰা (দিল্লী বিশ্ববিদ্যালয়) বিজ্ঞানৰ স্নাতক ডিগ্ৰী লাভ কৰে। পিছত উত্তৰ প্ৰদেশৰ বুণ্ডেলখণ্ড বিশ্ববিদ্যালয়ৰ পৰা ৰসায়ন বিজ্ঞান আৰু শিক্ষাত স্নাতকোত্তৰ ডিগ্ৰী লাভ কৰে।^৭

ব্যক্তিগত জীৱন

লাম্বাই লোকেশ কাপুৰক বিয়া কৰাইছিল যদিও বিবাহ স্থায়ী নহ’ল। সম্প্ৰতি তেওঁলোকৰ বিবাহ বিচ্ছেদ। তেওঁলোকৰ হৃতিক লাম্বা নামৰ এজন পুত্ৰ আছে।^৮

ৰাজনৈতিক জীৱন

১৯৯৪ চনত দ্বিতীয় বৰ্ষৰ বি.এছ.চি. ছাত্ৰ। কংগ্ৰেছ দলৰ ছাত্ৰ শাখা ভাৰতীয় ৰাষ্ট্ৰীয় ছাত্ৰ সংঘ (NSUI]ত যোগদান কৰে আৰু তৎক্ষণাত দিল্লী ৰাজ্যিক ছোৱালী আহ্বায়ক হোৱাৰ দায়িত্ব দিয়া হয়। ১৯৯৫ চনত এবছৰৰ পিছত ৰাষ্ট্ৰপতি পদৰ বাবে দিল্লী বিশ্ববিদ্যালয় ছাত্ৰ সন্থা (DUSU) নিৰ্বাচনত প্ৰতিদ্বন্দ্বিতা কৰি বিপুল ব্যৱধানত জয়ী হয়। ১৯৯৬ চনত এন এছ ইউ আইৰ বাবে অল ইণ্ডিয়া গাৰ্ল কনভেনাৰ হিচাপে কাম কৰিছিল, আৰু ১৯৯৭ চনত অল ইণ্ডিয়া (এন এছ ইউ আই)ৰ সভানেত্ৰী হিচাপে নিযুক্তি লাভ কৰিছিল।^৯১০

২০০২ চনত তেওঁক সৰ্বভাৰতীয় মহিলা কংগ্ৰেছৰ সাধাৰণ সম্পাদিকা নিযুক্তি দিয়া হয়। ২০০৩ চনত তেওঁ মোটি নগৰ সমষ্টিৰ পৰা বিজেপিৰ জ্যেষ্ঠ নেতা মদন লাল খুৰানাৰ বিৰুদ্ধে দিল্লী বিধানসভাৰ নিৰ্বাচনত অসফল প্ৰতিদ্বন্দ্বিতা কৰে। ২০০৬ চনত তেওঁ অল ইণ্ডিয়া কংগ্ৰেছ কমিটি (এআইচিচি)ৰ সদস্য হয় আৰু দিল্লী প্ৰদেশ কংগ্ৰেছ কমিটি (ডিপিচিচি)ৰ সাধাৰণ সম্পাদিকা নিযুক্তি লাভ কৰে। একে সময়তে তেওঁক মহিলা আৰু শিশু উন্নয়ন মন্ত্ৰালয়, ভাৰত চৰকাৰৰ স্বায়ত্তশাসিত সংস্থা ৰাষ্ট্ৰীয়জন সহযোগিতা আৰু শিশু উন্নয়ন প্ৰতিষ্ঠান (এনআইপিচিচিডি)ৰ উপাধ্যক্ষ হিচাপেও নিযুক্তি দিয়া হয়।^৯ ২০০৭ চনৰ পৰা ভাৰতীয় ৰাষ্ট্ৰীয় কংগ্ৰেছ ৰ এগৰাকী সম্পাদিকা হিচাপে কাৰ্যনিৰ্বাহ কৰিছিল। ^{১১১২১৩} ২০১৪ চনৰ ডিচেম্বৰ মাহত ভাৰতীয় ৰাষ্ট্ৰীয় কংগ্ৰেছ এৰি আম আদমী পাৰ্টি( আম আদমি পাৰ্টী.)^১৪ ত যোগদান কৰে। ২০১৫ চনৰ ফেব্ৰুৱাৰী মাহত লাম্বাই দিল্লী বিধাসভাৰ নিৰ্বাচনত প্ৰতিদ্বন্দ্বিতা কৰে আৰু আম আদমী পাৰ্টিৰ হৈ চান্দনী চক সমষ্টি ৰ পৰা নিৰ্বাচিত হয়। তেওঁ নিকটতম প্ৰতিদ্বন্দ্বী ভাৰতীয় জনতা পাৰ্টীৰ সুমন কুমাৰ গুপ্তাক ১৮,২৮৭ ভোটৰ ব্যৱধানত পৰাস্ত কৰে।

২০১৯ চনৰ ছেপ্টেম্বৰ মাহত তেওঁ আম আদমি পাৰ্টী ত্যাগ কৰি ভাৰতীয় জাতীয় কংগ্ৰেছ দলত যোগদান কৰে। ২০১৮ চনৰ ডিচেম্বৰ মাহত প্ৰাক্তন প্ৰধানমন্ত্ৰী ৰাজীৱ গান্ধীৰ ভাৰত ৰত্ন বাতিলৰ প্ৰস্তাৱ গৃহীত হোৱাৰ সন্দৰ্ভত লাম্বাই মুকলিকৈ মতানৈক্য প্ৰকাশ কৰিছিল।^১৫

লাম্বাই ব্ৰিটেইন, ৰাছিয়া, আমেৰিকা, চীন, আৰু ভেনিজুৱেলা ভ্ৰমণ কৰি আলোচনা চক্ৰত অংশগ্ৰহণ কৰিছে আৰু মহিলাৰ সবলীকৰণ, মানৱ অধিকাৰ আৰু তৃতীয় বিশ্ব ৰাষ্ট্ৰসমূহৰ বহনক্ষম উন্নয়নৰ বিষয়ে ভাষণ দিছে। ২০০৫ চনত তেওঁ যুৱ আৰু ছাত্ৰৰ বিশ্ব মহোৎসৱ অংশগ্ৰহণ কৰিবলৈ ভেনিজুৱেলা ভ্ৰমণ কৰে। ২০০৬ চনত আন্তঃৰাষ্ট্ৰীয় মহিলা নেতৃত্বৰ কাৰ্যসূচীৰ সন্মিলনত অংশগ্ৰহণ কৰিবলৈ তেওঁ আমেৰিকা ভ্ৰমণ কৰে। ২০০৭ আৰু ২০০৮ চনত ৰাষ্ট্ৰসংঘৰ আন্তঃৰাষ্ট্ৰীয় বিধৱা দিৱস আৰু পৰ্যটন আৰু সাংস্কৃতিক উৎসৱত অংশগ্ৰহণ কৰিবলৈ লণ্ডন ভ্ৰমণ কৰে। ২০০৮–২০০৯ চনত লাম্বাই দুৰ্যোগ ব্যৱস্থাপনা কাৰ্যসূচীৰ ওপৰত এখন আলোচনা চক্ৰত অংশগ্ৰহণ কৰিবলৈ নেপাল ভ্ৰমণ কৰিছিল। ২০১০ চনত লাম্বাই ২০১০ দিল্লী কমনৱেলথ গেমছ কুইনছ বেটন ৰিলে]ৰ সৈতে ব্ৰুনাই, ছিংগাপুৰ, বাংলাদেশ, শ্ৰীলংকা, মালয়েছিয়া, আৰু মালদ্বীপ ভ্ৰমণ কৰে।

বিতৰ্ক

২০১৫ চনৰ আগষ্ট মাহত চান্দনী চক সমষ্টিৰ বাবে বিধায়ক নিৰ্বাচিত হোৱাৰ কেইমাহমানৰ পিছত লাম্বাৰ বিৰুদ্ধে নিজৰ সমষ্টিৰ ভিতৰতে সংঘটিত হোৱা এটা কাণ্ডত সম্পত্তি ধ্বংস কৰাৰ অভিযোগ উত্থাপন হৈছিল। ২০১৫ চনৰ ১০ আগষ্টত পুৰণি দিল্লীৰ কাশ্মীৰ গেট অঞ্চলত অৱস্থিত এখন সুৰাৰ দোকানত লাথি, শ্বেগাৰ ষ্টিক আৰু ক্ৰিকেট বেটেৰে সজ্জিত এটা দলে আক্ৰমণ কৰি বেয়াকৈ ভাঙি পেলায়। ৰেকৰ্ড কৰা চিচিটিভি ফুটেজত দেখা গৈছে যে লাম্বাই আক্ৰমণৰ নেতৃত্ব দি তেওঁৰ সমৰ্থকসকলৰ সৈতে দোকানখন ভাঙি পেলাইছে।^১৬ ফুটেজত দেখা পোৱা যায় যে তেখেতে পোনে পোনে দোকানৰ কাউণ্টাৰৰ ফালে হাতখন আগবঢ়াইছে আৰু হিংস্ৰভাৱে ঠেলি দিয়ো আৰু কাউণ্টাৰত থকা বস্তুবোৰ পেলাই দিছে। ইয়াৰ পিছতে তেওঁৰ সমৰ্থকসকলে দোকানখন ভাঙি পেলায়।^১৬ খবৰ অনুসৰি, দোকানীজন বিজেপি সমৰ্থক হোৱাৰ বাবেই এনে হৈছে আৰু আপে তেওঁৰ দোকানৰ খিৰিকীত লাম্বা আৰু তেওঁৰ দলৰ প্ৰশংসাৰ পোষ্টাৰ বিকৃত কৰাত আপত্তি কৰিছিল।

২০১২ চনৰ ১৬ জুলাইত ৰাষ্ট্ৰীয় মহিলা আয়োগক প্ৰতিনিধিত্ব কৰি ২০১২ গুৱাহাটী নিৰ্যাতন গোচৰ ৰ তদন্তকাৰী দলৰ অন্যতম সদস্য হিচাপে লাম্বাই গুৱাহাটী নিৰ্যাতনৰ গোচৰৰ বলি হোৱা মহিলাগৰাকীক সাক্ষাৎ কৰি সংবাদমেল অনুষ্ঠিত কৰি ভুক্তভোগীৰ পৰিচয় প্ৰকাশ কৰে। এই ‘টিপ অফ’ৰ ফলত স্থানীয় মিডিয়া হাউছে অতিৰিক্ত সময় কাম কৰি ভুক্তভোগীৰ প্ৰকৃত পৰিচয় প্ৰকাশ কৰিবলৈ বাধ্য কৰাইছিল। ইয়াৰ পিছত এন চি ডব্লিউৰ তথ্য বিচাৰি উলিওৱা সমিতিৰ পৰা আঁতৰাই দিয়া হয়।^১৭১৮

সামাজিক কাম

অলকা লাম্বাৰ দ্বাৰা পৰিচালিত গ’ ইণ্ডিয়া ফাউণ্ডেশ্যন নামৰ এটা বেচৰকাৰী সংস্থাই ২০১০ চনত ৰক্তদান অভিযানৰ বাবে চৰ্চা লাভ কৰিছিল। তাৎপৰ্যপূৰ্ণভাৱে এদিনতে ৬৫০০০ ৰো অধিক লোকে ৰক্তদান কৰিছিল। এই অভিযানৰ প্ৰচাৰক আছিল ছালমান খান।^১৯