ৰোহিনী গোডবোলে

ৰোহিনী গোডবোলে^১ হৈছে এগৰাকী ভাৰতীয় পদাৰ্থ বিজ্ঞানী আৰু শিক্ষাবিদ। তেখেতে বাংগালোৰস্থিত ভাৰতীয় বিজ্ঞান প্ৰতিষ্ঠানৰ উচ্চ শক্তিৰ পদাৰ্থ বিজ্ঞান বিভাগত অধ্যাপনা কৰে। ^২ তেখেতে বিগত তিনিটা দশকত কণিকা প্ৰপঞ্চবিজ্ঞানৰ কেইবাটাও দিশত উল্লেখনীয় কাম কৰিছে। তেখেতে ভাৰতৰ তিনিওটা বিজ্ঞান একাডেমীৰে সভ্য। তাৰ লগতে তেখেত "Science Academy of the Developing World (TWAS)"ৰো সভ্য।^৩

বিদ্যায়তনিক দিশত উল্লেখযোগ্য কামৰ কৰাৰ উপৰিও তেখেতে নতুন প্ৰজন্মৰ মাজত বিজ্ঞান-শিক্ষাৰ জনপ্ৰিয়তাৰ হকে কাম কৰি আহিছে। নাৰীসমাজক বিজ্ঞানক্ষেত্ৰত অংশগ্ৰহণ কৰিবলৈকো তেখেতে উদগনি যোগাইছে। ^৪৫৬

শিক্ষা আৰু কৰ্মজীৱন

• পুণে বিশ্ববিদ্যালয়ৰ অধীনত ছাৰ পৰশুৰম্ভু মহাবিদ্যালয়ৰ পৰা বিজ্ঞানত স্নাতক ডিগ্ৰী অৰ্জন।
• আইআইটি,বোম্বাইৰ পৰা বিজ্ঞানত স্নাতকোত্তৰ ডিগ্ৰী অৰ্জন।
• নিউ ইয়ৰ্ক ষ্টেট বিশ্ববিদ্যালয়, ষ্টুনি ব্ৰুকৰ পৰা তাত্ত্বিক কণিকা পদাৰ্থ বিজ্ঞানত ১৯৭৯ চনত ডক্তৰেট ডিগ্ৰী লাভ। ^৭
• ১৯৭৯ চনতেই মুম্বাই টাটা মৌলিক গৱেষণা প্ৰতিষ্ঠানত অনাৱসিক সভ্য হিচাপে যোগদান।
• ১৯৮২-৮৫ লৈকে মুম্বাই বিশ্ববিদ্যালয়ৰ পদাৰ্থ বিজ্ঞান বিভাগত প্ৰবক্তা আৰু ৰিডাৰ হিচাপে যোগদান।
• ১৯৯৫ চনত তেখেতে বাংগালোৰৰ আইআইএছচিৰ তাত্ত্বিক অধ্যয়ন কেন্দ্ৰত যোগদান কৰে আৰু ১৯৯৮ চনত অধ্যাপকৰ পদ লাভ কৰে। বৰ্তমান তেখেত সেইখন প্ৰতিষ্ঠানত উচ্চ শক্তি পদাৰ্থ বিজ্ঞানত অধ্যাপনা কৰি আছে।^৮
• তেখেতে ১৫০খনতকৈও অধিক গৱেষণাপত্ৰ লিখিছে। ^৯

অৰিহণা

• ৰোহিনী গোডবোলে International Detector Advisory Group (IDAG)ত সংযুক্ত হৈ গুৰুত্বপূৰ্ণ কাম কৰিছে। ^১০১১ এই গোটটোৱে আইএলচি ডিটেক্টৰৰ গৱেষণা আৰু উন্নয়নসমূহ পৰ্যবেক্ষণ কৰে।
• তেখেত ভাৰতীয় বিজ্ঞান একাডেমীৰ বিজ্ঞানত নাৰী পৰিযোজনা পেনেলৰো আসন শুৱনি কৰিছে।^১২
• ৰামাস্বামীৰ সৈতে যুটীয়াভাৱে তেখেতে লীলাৱতীৰ ডটাৰছ নামৰ আত্মজীৱনীমূলক ৰচনা-সঙ্কলনখনো সম্পাদনা কৰি প্ৰকাশ কৰোৱাইছে। (২০০৮)^১৩

প্ৰকাশনসমূহ

• Low-virtuality leptoproduction of open-charm as a probe of the gluon Sivers function (2018)^১৪
• Transverse single-spin asymmetry in the low-virtuality leptoproduction of open charm as a probe of the gluon Sivers function (2017)^১৫
• Proceedings, 2nd Asia-Europe-Pacific School of High-Energy Physics (AEPSHEP 2014): Puri, India (2014)^১৬

গ্ৰন্থাৱলী

• Theory And Phenomenology Of Sparticles: An Account Of Four-dimensional N=1 Supersymmetry In High Energy Physics:^১৭
• The Girl's Guide to a Life in Science:^১৮
• LILAVATI'S DAUGHTERS- The Women Scientists of India (2008)^১৯

বঁটা-সন্মান

• বিজ্ঞান আৰু প্ৰযুক্তিবিদ্যালৈ আগবঢ়োৱা অৰিহণাৰ বাবে ২০১৯ চনত ভাৰত চৰকাৰৰ পৰা পদ্মশ্ৰী সন্মান লাভ। .
• ভাৰতীয় ৰাষ্ট্ৰীয় বিজ্ঞান একাডেমীৰ পৰা সত্যেন্দ্ৰনাথ বসু পদক(২০০৯)^২০
• ভাৰতীয় ৰাষ্ট্ৰীয় বিজ্ঞান একাডেমীৰ সভ্য (২০০৭)^২১
• Academy of Sciences of the Developing World, TWASৰ সভ্য(২০০৯)^২২
• ২০১৫ চনৰ আগষ্টত নিউ ইণ্ডিয়ান এক্সপ্ৰেছ গোটৰ পৰা দেৱী বঁটা লাভ। ^২৩

অন্য উৎস

• Autobiographical article by Rohini Godbole in Lilavati's Daughters