ৰামনাথ গোৱেঙ্কা

ৰামনাথ গোৱেংকা (Ramnath Goenka; ২২ এপ্ৰিল ১৯০৪ – ৫ অক্টোবৰ ১৯৯১) এজন ভাৰতীয় কাকত প্ৰকাশক। ১৯৩০ চনত তেওঁ দ্য ইণ্ডিয়ান এক্সপ্ৰেছৰ সংখ্যাগৰিষ্ঠ অংশীদাৰিত্ব ক্ৰয় কৰিছিল। তেওঁ বিভিন্ন ইংৰাজী আৰু আঞ্চলিক ভাষাৰ প্ৰকাশনেৰে ইণ্ডিয়ান এক্সপ্ৰেছ গ্ৰুপ গঠন কৰে।^১ ২০০০ চনত ইণ্ডিয়া টুডে আলোচনীয়ে তেওঁক তেওঁলোকৰ "ভাৰতক গঢ় দিয়া ১০০ জন লোক"ৰ তালিকাৰ ভিতৰত অন্তৰ্ভুক্ত কৰে।^২ ৰামনাথ গোৱেংকাৰ নামেৰে নামাকৰণ কৰা ৰামনাথ গোৱেংকা সাংবাদিকতাৰ পাৰদৰ্শিতা বঁটা ভাৰতৰ সাংবাদিকতাৰ অন্যতম বঁটা।^৩৪৫

প্ৰাৰম্ভিক জীৱন

১৯০৪ চনৰ ২২ এপ্ৰিলত দৰভংগা বিহাৰত^৬, বসন্তলাল গোৱেংকাৰ ঘৰত ৰামনাথ গোৱেংকাৰ জন্ম হৈছিল।^৭

কৰ্মজীৱন

ৰামনাথ গোৱেংকাই ১৯২৬ চনৰ পৰা ১৯৩১ চনলৈকে মুৰলী প্ৰসাদ মোহন প্ৰসাদৰ অংশীদাৰিত্ব প্ৰতিষ্ঠানত থকা অংশীদাৰ ৰাজা মোহন প্ৰসাদৰ অধীনত ১৯২৬ চনৰ পৰা ১৯৩৬ চনলৈকে প্ৰতিমাহে ১০০ টকা দৰমহাত মেনেজিং পাৰ্টনাৰ হিচাপে কাম কৰিছিল। তাৰ পিছত ১৯৩১ চনৰ পৰা চুন্নীলাল মুৰ্লিপ্ৰসাদৰ অধীনত কাম কৰে, যি ভাৰতত সোণ, ৰূপ আৰু কপাহ আমদানি কৰা ব্ৰিটিছ ব্যৱসায়িক কোম্পানী এটাৰ কনচাইনী বিক্ৰী এজেণ্ট (দুবশীষ এজেণ্ট) আছিল। একে সময়তে তেওঁ ১৯৩১ চনৰ পৰা ১৯৩৬ চনলৈ মাহে ৮০০ টকা দৰমহাত ব্ৰিটিছ ট্ৰেডিং কোম্পানীটোৰ মুখ্য বিক্ৰেতা হিচাপে চাকৰি গ্ৰহণ কৰে, ইয়াৰে ৫০০ টকা পাৰ্টনাৰশ্বিপ ফাৰ্মৰ। এই সাম্ৰাজ্য সম্পত্তিৰ লগতে ৰাজা মোহন প্ৰসাদৰ ট্ৰাষ্টৰ বাবে অধিগ্ৰহণ কৰা হৈছিল আৰু বৰ্তমানৰ আইনী উত্তৰাধিকাৰীসকলৰ আস্থাত আছে।

ভাৰতৰ জৰুৰীকালীন কালত ইন্দিৰা গান্ধী চৰকাৰৰ বিৰোধিতা কৰা কেইজনমান ব্যৱসায়ী আৰু সাংবাদিকৰ ভিতৰত ৰামনাথ গোৱেংকা অন্যতম। ^৮ তেওঁ ইণ্ডিয়ান এক্সপ্ৰেছৰ সম্পাদক হিচাপে নিযুক্তি দিয়া অৰুণ শ্বৌৰীৰ সৈতে এটা দল গঠন কৰিছিল, যি দুৰ্নীতি আৰু চেঞ্চৰশ্বিপৰ কথা উদঙাই দিছিল।^৯

লোকসভাৰ সাংসদ

১৯৭১ চনৰ ভাৰতীয় সাধাৰণ নিৰ্বাচনত ভাৰতীয় জনসংঘৰ প্ৰাৰ্থী হিচাপে বিদিশা লোকসভা সমষ্টিৰ পৰা গোৱেংকা লোকসভাৰ সদস্য হিচাপে নিৰ্বাচিত হয়।^১০

মৃত্যু

১৯৯১ চনৰ ৫ অক্টোবৰ তাৰিখে মুম্বাইত ৰামনাথ গোৱেঙ্কাৰ মৃত্যু হয়৷^১

১৯৯৭ চনত ৰামনাথ গোৱেংকাৰ উত্তৰাধিকাৰীসকলৰ মাজত ইণ্ডিয়ান এক্সপ্ৰেছ গ্ৰুপৰ বিভাজন হয় আৰু ইয়াৰ কাৰ্যব্যৱস্থা আৰু পৰিচালনা দুটা পৃথক গোটত বিভক্ত হয়। উত্তৰৰ অংশটো বিবেক গোৱেংকাৰ নিয়ন্ত্ৰণত ৰখা হৈছিল, আনহাতে দক্ষিণৰ অংশটো মনোজ সোণথালিয়াৰ পৰিয়াল শাখালৈ গৈছিল।^১১

অধিক পঢ়ক

• George, T. J. S. (2006). The Goenka Letters: Behind the scenes in The Indian Express. East West Books. ISBN 978-81-88661-50-3
• Verghese, B. G. (2005). Warrior of the Fourth Estate. Penguin India. ISBN 0-670-05842-4 – official biography
• Goenka, Ananya. (2005). Ramnath Goenka: A life in Black and White – a privately published book written by his daughter-in-law
• Jeffrey, Robin. (2000). India's Newspaper Revolution: Capitalism, Politics and the Indian-Language Press, 1977–99. C. Hurst & Co. ISBN 9781850654346
• Verghese, B. G. (2010). First Draft: Witness to the Making of Modern India. Westland Ltd./HOV Services. ISBN 9789380283760
• McDonald, Hamish. (2010). Mahabharata in Polyester. UNSW Press. ISBN 9781742240114
• Aggarwal, S. K. (1989). Media Credibility. Mittal Publications. ISBN 9788170991571

বাহ্যিক সংযোগ

• Dhirubhai's fight with RNG