ৰাজীৱ মালহোত্ৰা

ৰাজীৱ মালহোত্ৰা (Rajiv Malhotra) (জন্ম: ১৫ ছেপ্টেম্বৰ ১৯৫০) ভাৰতত জন্মগ্ৰহণ কৰা এজন আমেৰিকীয় সোঁপন্থী ^১২ হিন্দুত্ববাদী মতাদৰ্শবিদ^৩৪৫৷ তেওঁ ভাৰতীয় অধ্যয়নৰ ওপৰত গুৰুত্ব আৰোপ কৰা ইনফিনিটি ফাউণ্ডেশ্যনৰ প্ৰতিষ্ঠাপক৷^৬ ইয়াৰ লগতে তেওঁ কলম্বিয়া বিশ্ববিদ্যালয়ৰ তিব্বতী বৌদ্ধ টেংগ্যুৰ অনুবাদৰ প্ৰকল্পৰ বাবেও ধন আগবঢ়ায়।^৭

ফাউণ্ডেশ্যনৰ বাহিৰেও মালহোত্ৰাই^৮৯ভাৰতীয় সংস্কৃতিৰ প্ৰতি হিন্দু জাতীয়তাবাদী দৃষ্টিভংগীৰ প্ৰসাৰ ঘটাইছে। ভাৰতীয় সংস্কৃতি আৰু সমাজৰ পশ্চিমীয়া শৈক্ষিক অধ্যয়নৰ বিৰোধিতা কৰি মালহোত্ৰাই বহু মাত্ৰাত লেখা-মেলা কৰিছে৷ তেওঁৰ মতে পশ্চিমীয়া অধ্যয়নে ভাৰতীয় পৰম্পৰাক বদনাম কৰে আৰু "ইয়াৰ ঐক্য আৰু অখণ্ডতাৰ বিৰোধিতা কৰা আৰ্হিসমূহক উৎসাহিত কৰি" ভাৰতৰ স্বাৰ্থক ক্ষতিগ্ৰস্ত কৰে।^১০১১

সংক্ষিপ্ত জীৱনী

তথ্য প্ৰযুক্তি আৰু সংবাদ মাধ্যম উদ্যোগৰ উদ্যোগী হোৱাৰ আগতে মালহোত্ৰাই দিল্লীৰ ছেইণ্ট ষ্টিফেন কলেজত পদাৰ্থ বিজ্ঞান আৰু চিৰাকিউজ বিশ্ববিদ্যালয়ত কম্পিউটাৰ বিজ্ঞান অধ্যয়ন কৰিছিল।^১২১৩ ১৯৯৪ চনৰ আৰম্ভণিতে তেওঁ ৪৪ বছৰ বয়সত অৱসৰ গ্ৰহণ কৰি ১৯৯৫ চনত নিউ জাৰ্চিৰ প্ৰিন্সটনত ইনফিনিটি ফাউণ্ডেশ্যন স্থাপন কৰে।^১২১৩ এই ফাউণ্ডেশ্যনৰ পৰিচালনাৰ উপৰি তেওঁ ডাৰ্টমাউথৰ মেছাচুচেটছ বিশ্ববিদ্যালয়ৰ চেণ্টাৰ ফৰ ইণ্ডিক ষ্টাডিজৰ ব'ৰ্ড অৱ গভৰ্ণৰ হয় আৰু বিভিন্ন সংস্থাক পৰামৰ্শ দিয়ে।

মালহোত্ৰাই ইউনিভাৰ্চিটি অৱ মেছাচুচেটছ ডাৰ্টমাউথৰ চেণ্টাৰ ফৰ ইণ্ডিক ষ্টাডিজৰ দিশত অনুষ্ঠিত হোৱা আন্তঃৰাষ্ট্ৰীয় সন্মিলনৰ বক্তা আছিল আৰু ক্লেয়াৰমণ্ট কলেজৰ ফাউণ্ডেশ্যন ফৰ ইণ্ডিক ফিল'চফি এণ্ড কালচাৰৰ ব'ৰ্ডৰ সদস্য আছিল।^১৪ তেওঁ ইণ্টাৰনেট আলোচনা গোট আৰু ই-আলোচনীতো বহুলভাৱে লিখিছিল।^১৪

২০১৮ চনৰ অক্টোবৰ মাহত মালহোত্ৰাই দিল্লীৰ জৱাহৰলাল নেহৰু বিশ্ববিদ্যালয়ৰ চেণ্টাৰ ফৰ মিডিয়া ষ্টাডিজৰ সন্মানীয় অতিথি অধ্যাপক হিচাপে নিযুক্তি লাভ কৰে।^১৫ ২০১৮ চনৰ ৬ নৱেম্বৰত তেওঁ সংস্কৃত আৰু ভাৰতীয় অধ্যয়ন বিদ্যালয়ৰ উদ্যোগত Sanskrit non-translatables বিষয়ত প্ৰথম বক্তৃতা প্ৰদান কৰে।^১৬

১৯৯৪ চনত মালহোত্ৰাই ইনফিনিটি প্ৰতিষ্ঠান প্ৰতিষ্ঠা কৰে৷^৯ তাৰ পিছত ২০০০ চনত এডুকেচনেল কাউন্সিল অৱ ইণ্ডিক ট্ৰেডিচনছ (ECIT) প্ৰতিষ্ঠা কৰে।^১৪১৭

তেওঁলোকৰ উল্লিখিত লক্ষ্যসমূহৰ ভিতৰত আছিল প্ৰাচীন ভাৰতীয় ধৰ্মসমূহৰ অনুভূত ভুল বৰ্ণনাৰ বিৰুদ্ধে যুঁজ দিয়া আৰু বিশ্ব সভ্যতালৈ ভাৰতৰ অৱদানৰ নথিভুক্ত কৰা।^১৪ পৰামৰ্শদাতা ব'ৰ্ডৰ কোনো সদস্যই শৈক্ষিক নাছিল আৰু বেছিভাগেই চফ্টৱেৰ উদ্যোগৰ অন্তৰ্গত আছিল।^১৪

গৱেষণা, শিক্ষা আৰু সামূহিক কামৰ বাবে ফাউণ্ডেচনে ৪০০ৰো অধিক অনুদান আগবঢ়াইছে। হাৰ্ভাৰ্ড বিশ্ববিদ্যালয়ত ভাৰতীয় অধ্যয়নৰ অতিথি অধ্যাপক পদ, ৰাটগাৰ্ছ বিশ্ববিদ্যালয়ৰ যোগ আৰু হিন্দী শ্ৰেণী, হাৱাই বিশ্ববিদ্যালয়ত অদ্বিতীয় দৰ্শনৰ গৱেষণা আৰু পাঠদান, গ্ল’বেল ৰেনেছাঁ ইনষ্টিটিউট আৰু কলম্বিয়া বিশ্ববিদ্যালয়ৰ বৌদ্ধ অধ্যয়ন কেন্দ্ৰ, কেলিফৰ্ণিয়া বিশ্ববিদ্যালয়ৰ ধৰ্ম আৰু বিজ্ঞানৰ কাৰ্যসূচী, চেণ্টাৰ ফৰ এডভান্সড ষ্টাডি অৱৰ বাবে এনডাউমেণ্টকে ধৰি কাৰ্যসূচীৰ সমৰ্থনত প্ৰধান বিশ্ববিদ্যালয়সমূহক সৰু সৰু অনুদান প্ৰদান কৰিছে৷ এই ফাউণ্ডেচনে এছিয়া সম্পৰ্কীয় শিক্ষা^১৮আৰু আন্তৰ্জাতিক হিন্দু অধ্যয়ন জাৰ্নেল^১৯ আদি আলোচনীৰ বাবে আৰু জেমছ মেডিচন বিশ্ববিদ্যালয়ত মহাত্মা গান্ধী চেণ্টাৰ ফৰ গ্ল'বেল নন-হিংসা স্থাপনৰ বাবে ধন আগবঢ়াইছে।^১৯