হৰিভক্ত কটুৱাল

হৰিভক্ত কটুৱাল (हरिभक्त कटुवाल) এগৰাকী ভাৰতীয়-নেপালী কবি, সাহিত্যিক আৰু গীতিকাৰ আছিল।

জীৱনী

১৯৩৫ চনৰ ২ জুলাই তাৰিখে অসমৰ ডিব্ৰুগড়ত হৰিভক্ত কটুৱালে জন্মগ্ৰহণ কৰিছিল৷^১ ভাৰতত তেওঁ "প্ৰবাসী" ছদ্মনামেৰে কবিতা লিখিছিল। নেপালৰ ৰজা মহেন্দ্ৰৰ আমন্ত্ৰণ পোৱাৰ পিছত তেওঁ লিখা-মেলাৰ ওপৰত নিজৰ কেৰিয়াৰ গঢ়িবলৈ কাঠমাণ্ডুলৈ গুচি যায়৷^১২

লিখন শৈলীৰ বাবে বিখ্যাত কটুৱালে ভিত্ৰী মাঞ্চে বোলনা খোজছা, য়ো জিন্দগী খৈ কে জিন্দগী, আৰু সম্ঝনাকে ধৰি বহুতো উল্লেখযোগ্য কবিতাপুথি প্ৰকাশ কৰে।^১৩

তেওঁ ভালেসংখ্যক গীতৰ কথাও লিখিছিল যিবোৰত বিশিষ্ট আৰু প্ৰবীণ নেপালী কণ্ঠশিল্পী নাৰায়ণ গোপাল, অম্বৰ গুৰুং আৰু অৰুণা লামাই কণ্ঠ নিগৰাইছে৷^৪

১৯৮০ চনৰ ১০ ছেপ্টেম্বৰ তাৰিখে অসমত কটুৱালৰ মৃত্যু হয়।^১৫ ব্ৰহ্মপুত্ৰ নৈৰ পাৰত তেওঁৰ অন্ত্যেষ্টিক্ৰিয়া সম্পন্ন কৰা হয়৷^৬

২০১৫ চনত মুক্তি লাভ কৰিছিল কটুৱালৰ জীৱন সম্পৰ্কীয় তথ্যচিত্ৰ অনি হৰি ভক্ত ফৰকিয়েনন।^৭ ২০১৭ চনত তেওঁৰ ৮২তম জন্মবাৰ্ষিকীৰ বাবে তেওঁৰ কবিতাৰ আধাৰত সৰ্বনাম থিয়েটাৰত এখন নাটক মঞ্চস্থ কৰা হৈছিল।^৮ ২০২১ চনত ভাৰত-ভূটান সীমান্তৰ সমীপৰ জয়গাঁৱত কটুৱালৰ জীৱন্ত আকাৰৰ প্ৰতিমূৰ্তি স্থাপন কৰা হৈছিল৷^৯

উল্লেখযোগ্য ৰচনাৰাজি

• সম্ঝনা (গীতৰ সংকলন)
• ভিত্ৰীমাঞ্চেবোলনাখোজছা
• সুধা (চুটি-মহাকাব্য)
• পূৰ্বকিৰণ (কবিতা সংকলন)
• য়ো জিন্দগী খাই কে জিন্দগী (কবিতা সংকলন)
• বদনামমেৰায়ীআঁখাহাৰু (গীত আৰু কবিতা সংকলন)
• ঐতিহাসিককাহিনীসংগ্ৰহ (অন্যান্য সাহিত্যিকসকলৰ সহযোগত)
• স্পষ্টিকৰণ
• ম মৰেকোছৈনা (নাটক)^১০

লগতে চাওক

• লীল বাহাদুৰ ছেত্ৰী
• পিটাৰ জে. কাৰ্থক
• ইন্দ্ৰ বাহাদুৰ ৰাই

অধিক পঢ়ক

• Namdung. (1 January 2006). Haribhakta Katuwal. Sahitya Akademi Publications. ISBN 978-81-260-2254-0