সায়নী ঘোষ

সায়নী ঘোষ (Saayoni Ghosh) মূলত: এগৰাকী বাংলা ভাষাৰ চলচ্চিত্ৰ-অভিনেত্ৰী আৰু টেলিভিছন অভিনেত্ৰী৷ তেওঁ বৰ্তমান যাদৱপুৰ সংসদীয় সমষ্টিক প্ৰতিনিধিত্ব কৰি সংসদ সদস্য হিচাপে কাৰ্যনিৰ্বাহ কৰি আছে। তেখেত এগৰাকী গায়িকা^১ আৰু এগৰাকী ৰাজনীতিক^২ তেওঁৰ ইচে ডানা নামৰ টেলিফিল্মৰ জৰিয়তে আত্মপ্ৰকাশ হৈছিল৷^৩ তেওঁৰ ডাঙৰ পৰ্দাত প্ৰথমটো উপস্থিতি হৈছিল নট'বৰ ন'ট'ট ছবিৰ জৰিয়তে, য'ত তেওঁ এটা চুটি চৰিত্ৰত অভিনয় কৰিছিল। ইয়াৰ পিছত তেওঁ ৰাজ চক্ৰৱৰ্তীৰ শ্বোট্ৰুত কিছুসংখ্যক প্ৰবীণ অভিনেতাৰ সৈতে অভিনয় কৰে আৰু পিছলৈ ৰাজ চক্ৰৱৰ্তীৰ দৈনিক ধাৰাবাহিক প্ৰলয় আচেত এগৰাকী সাংবাদিকৰ চৰিত্ৰত অভিনয় কৰে।^৪ তেওঁ কনমাচী, অন্তৰাল, একলা চোলো, অমৰ সাহৰ, বিটনুন, মায়েৰ বিয়ে, ৰাজকাহিনী ছবিত মুখ্য চৰিত্ৰত অভিনয় কৰিছে।^১ ২০২১ চনৰ জানুৱাৰী মাহত ৰাজনীতিলৈ অহা সায়নীয়ে ২০২১ চনৰ ২৪ ফেব্ৰুৱাৰীত তৃণমূল কংগ্ৰেছত যোগদান কৰে।

২০২১ চনৰ মাৰ্চ মাহত তেওঁক ২০২১ পশ্চিম বংগ বিধানসভা নিৰ্বাচন আছানছল দক্ষিণ সমষ্টিৰ বাবে তৃণমূল কংগ্ৰেছৰ প্ৰাৰ্থী হিচাপে ঘোষণা কৰা হয়। কিন্তু, বিজেপিৰ প্ৰাৰ্থী অগ্নিমিত্ৰ পলৰ হাতত তেওঁ পৰাস্ত হয়।^৫

অভিষেক বেনাৰ্জীক কৰ্তব্যৰ পৰা অব্যাহতি দিয়াৰ পিছত জুন-২০২১ চনত তেওঁক "তৃণমূল কংগ্ৰেছৰ যুৱ শাখাৰ সভানেত্ৰী" হিচাপে নিযুক্তি দিয়া হৈছিল।^৬ Enforcement Directorate-য়ে ২০২৩ চনৰ ৩০ জুনত তেওঁক ১১ ঘণ্টা ধৰি জেৰা কৰিছিল৷ ইয়াৰ আঁৰত আছিল ২০২২ পশ্চিম বংগ বিদ্যালয় সেৱাৰ তদন্তৰ সৈতে জড়িত আয়োগৰ নিযুক্তি কেলেংকাৰী.^৭ 2024 ভাৰতীয় সাধাৰণ নিৰ্বাচন ত তেওঁ যাদৱপুৰ লোকসভা সমষ্টিৰ পৰা তৃণমূল প্ৰাৰ্থী হিচাপে প্ৰতিদ্বন্দ্বিতা কৰিছিল আৰু ২.৫ লাখতকৈ অধিক ভোটৰ ব্যৱধানত জয়ী হৈছিল।^৮

বাহ্যিক সংযোগ

• Saayoni's film inspires TV series on single mothers
• Saayoni Ghosh's Interview with দ্য টাইম্‌ছ অৱ ইণ্ডিয়া
• Saayoni Ghosh's Interview on Shooting Rajkahini with দ্য টাইম্‌ছ অৱ ইণ্ডিয়া