শেৱালি ফুল

শেৱালি ফুল হ’ল নিক্টান্থেস (Nyctanthes) ৰ অন্তৰ্গত এবিধ ফুল। ইয়াক দক্ষিণ এচিয়াৰ দক্ষিণ-পূৰ্ব থাইলেণ্ডৰ পৰা পশ্চিমে বাংলাদেশ, ভাৰত, উত্তৰে নেপাল, আৰু পূৱে পাকিস্তান পৰ্যন্ত দেখা পোৱা যায়। এই ফুল পশ্চিমবঙ্গৰ আৰু থাইলেণ্ডৰ কাঞ্চনাবুৰি প্ৰদেশৰ ৰাষ্ট্ৰীয় ফুল। শেৱালি ফুলৰ গা-গছজোপা নৰম ধূসৰ ছাল বা বাকলি বিশিষ্ট আৰু এই গছ ১০ মিটাৰ পৰ্যন্ত দীঘল হব পাৰে। গছডালৰ পাতসমূহ ৬-৭ চেণ্টিমিটাৰ দীঘল। ইয়াৰ ফল চেপেটা আৰু বাদামী হৃদপিণ্ড আকৃতিৰ। ফলৰ ব্যাস প্ৰায় ২ চেণ্টিমিটাৰ আৰু এটি দুই ভাগত বিভক্ত। প্ৰতিটো ভাগত এটাকে বীজ থাকে। ^১ এই ফুল শৰৎ ঋতুকালত ফুলা দেখা যায়। ফুলসমূহ ৰাতি ফুলি ৰাতিপুৱা গছৰপৰা সৰি পৰে।

নাম আৰু প্ৰতীক

বৈজ্ঞানিক নাম:'Nyctanthes arbor-tristis'সাধাৰণ নাম: শেৱালি ফুল

লেটিন ভাষা Nyctanthes-ৰ অৰ্থ হ’ল “সন্ধিয়া ফুলা” আৰু arbor-tristis-ৰ অৰ্থ হ’ল “বিষণ্ন গছ”। সন্ধিয়া ফুলা আৰু ৰাতিপুৱা সৰি পৰা কাৰণে কেতিয়াবা ইয়াক "tree of sorrow" বা "দুখৰ গছ"-বুলিও কোৱা হয়। এইখন শেৱালী ফুলৰ গছ ৰোমান্টিক চৰিত্ৰৰ আভাষ দিয়ে।^২

প্ৰচলিত নাম

, ভাৰত]]

• অসমীয়াত শেৱালি
• ইংৰাজীত নাইট-ফ্লাৱাৰিং জেছমিন (Night-flowering Jasmine)
• নেপালীত পাৰিজাত ফুল (पारिजात फूल) বা ছিংগাৰেই (Singgarei)
• বাংলাত শেফালী বা শিউলি
• হিন্দীত পাৰিজাত (पारिजात), প্ৰাজক্তা (प्राजक्ता), হৰশৃংগাৰ (हरशृंगार)
• তেলুগুত পাৰিজাথম (పారిజాతము) বা পাগাডামাল্লে (పగడమల్లి)
• কানাড়াত পাৰিজাত (ಪಾರಿಜಾತ) বা গ'লি (ಗೋಳಿ)
• মাৰাঠীত পাৰিজাত (पारिजात), পাৰিজাতক (पारिजातक) বা প্ৰাজক্তা (प्राजक्त)
• তামিলত পাভাজা মল্লি (பவழ மல்லி)
• মালায়ালামত পাভিজা মল্লি
• ওড়িয়াত শেফালী (ଶେଫାଳି) বা গঙ্গশিউলী (ଗଙ୍ଗଶିଉଳୀ)
• সিংহলত শেপালীকা (සේපාලිකා)
• অবধী, ভোজপুৰী আদি ভাষাত হৰসিংগাৰ (हरसिंगार)
• পঞ্জাবীত হাৰ সিংগাৰ (ਹਾਰ ਸਿੰਗਾਰ)
• গুজৰাটীত পাৰিজাত (પારિજાત)
• কোংকণীত পাৰিজত (पारिजत)
• সংস্কৃতত পাৰিজাত (पारिजात)

প্ৰতীক

শেৱালি ফুল ভাৰতৰ পশ্চিমবংগ আৰু থাইলেণ্ডৰ কাঞ্চনাবুৰিৰ ৰাষ্ট্ৰীয় ফুল।

ব্যৱহাৰ

প্ৰাচীন কালৰে পৰা ই মেলেৰিয়াসদৃশ জ্বৰৰ ঔষধ হিচাপে ভাৰতবৰ্ষত ব্যৱহাৰ হৈ আহিছে^৩। এই ফুল হালধীয়া ৰঙ তৈয়াৰ কৰাত ব্যৱহাৰ কৰা হয়। ইয়াৰ ফুলসমূহ শুকুৱাই বহুদিনলৈ সংৰক্ষণ কৰি পিছত প্ৰয়োজন অনুসৰি ব্যৱহাৰ কৰিব পাৰি। ইয়াৰ উপৰিও ইয়াক চুলি, শালমন, মূৰৰ বিষ-ঘূৰণী, পেটৰ কৃমি ইত্যাদিৰ বেমাৰত ব্যৱহাৰ কৰা হয়^৪।