মৌমিতা দত্ত

মৌমিতা দত্ত এগৰাকী ভাৰতীয় পদাৰ্থ বিজ্ঞানী। তেখেতে মহাকাশ প্ৰয়োগ কেন্দ্ৰ (Space Applications Centre,SAC), আৰু আহমেদাবাদস্থিত ভাৰতীয় মহাকাশ গৱেষণা সংস্থাত বিজ্ঞানী/অভিযন্তা হিচাপে কৰ্মৰত। তেখেত আলোকীয় আৰু ইনফ্ৰাৰেড সংবেদক/সৰঞ্জামৰ বিকাশ আৰু পৰীক্ষণৰ লগত জড়িত(cameras and imaging spectrometers)। ২০১৪ চনৰ বিখ্যাত মংগল গ্ৰহৰ কক্ষপথ অভিযান মিছনৰ লগত তেখেত জড়িত আছিল। মংগলযান মিচনৰ পাঁচটা পেইলোডৰ এটা পেইলোডৰ(Payload) বিকাশৰ ক্ষেত্ৰত তেখেতে গুৰুত্বপূৰ্ণ বৰঙনি আগবঢ়াইছিল।^১

সংক্ষিপ্ত জীৱনী

দত্ত কলিকতাত ডাঙৰ-দীঘল হৈছিল।^২ ছাত্ৰী অৱস্থাতেই তেখেতে চন্দ্ৰযান-১ অভিযানৰ বিষয়ে পঢ়িবলৈ পাইছিল। আৰু ২০০৪ চনত ভাৰতীয় মহাকাশ গৱেষণা সংস্থাত যোগদান কৰাৰ ইচ্ছা ব্যক্ত কৰিছিল।^১পদাৰ্থ বিজ্ঞানৰ প্ৰতি থকা বিশেষ আকৰ্ষণে দত্তক অভিযন্তা হ'বলৈ প্ৰেৰণা যোগাইছিল।^৩ তেখেতে মংগল অভিযান প্ৰকল্পৰ প্ৰকল্প সঞ্চালক হিচাপে কাম কৰিছে।^৪ কলিকতা বিশ্ববিদ্যালয়ৰ অধীনস্থ ৰাজাবাজৰ বিজ্ঞআন মহাবিদ্যালয়ৰ পৰা মৌমিতা দত্তই প্ৰায়োগিক পদাৰ্থ বিজ্ঞানত এম.টেক. ডিগ্ৰী অৰ্জন কৰে।^৪ ২০০৬ চনত তেখেতে আহমেদাবাদস্থিত Space Applications Centreত যোগদান কৰে। তেতিয়াৰপৰাই তেখেত বহুকেইটা গুৰুত্বপূৰ্ণ প্ৰকল্পৰ লগত জড়িত হৈ আছে। যেনে-oceansat, Resourcesat, HySAT, চন্দ্ৰযান-১ আৰু মংগল গ্ৰহৰ কক্ষপথ অভিযান। তেখেতেক "মিথেন সংবেদক"ৰ প্ৰকল্প সঞ্চালক হিচাপে নিৰ্বাচন কৰা হৈছিল আৰু সংবেদকটোৰ সম্পূৰ্ণ আলোকীয় প্ৰণালী, বিকাশৰ দায়িত্ব প্ৰদান কৰা হৈছিল।^৩ "মেক ইন ইণ্ডিয়া"ৰ আধাৰত তেখেতে বৰ্তমান আলোকীয় সৰঞ্জামৰ দেশীয় বিকাশৰ ক্ষেত্ৰত কাম কৰি আছে। তেখেতৰ গৱেষণাৰ ক্ষেত্ৰ গেছ সংবেদকৰ ক্ষুদ্ৰ সংস্কৰণ নিৰ্মাণৰ লগত জড়িত য'ত আলোকক্ষেত্ৰৰ কিছুমান আধুনিকতম প্ৰযুক্তি ব্যৱহাৰ হয়।^৫

বঁটা

• ২০০৭ চনত যুৱ বিজ্ঞানী বঁটা।
• ২০১৫ চনত মংগলযান অভিযানলৈ(The Mars Orbiter Mission) আগবঢ়োৱা অৰিহণাৰ বাবে ইছৰ' দলীয় বঁটা।^৬

ৰাপ

মহাকাশ বিজ্ঞানী হোৱাৰ উপৰিও মৌমিতা দত্তৰ সাহিত্য, সৃজনীশীল ৰচনা, আবৃত্তি আৰু সংগীতত ৰাপ আছে।^৭