ভালচন্দ্ৰ নেমাডে

ভালচন্দ্ৰ ভানাজী নেমাডে (Bhalchandra Vanaji Nemade; জন্ম: ১৯৩৮) এজন মাৰাঠী ভাষাৰ ভাৰতীয় লেখক, কবি, সমালোচক আৰু ভাষাবিদ। 'কুশলা'^১ উপন্যাসেৰে সাহিত্যিক জীৱনৰ পাতনি মেলা নেমাডেই মাৰাঠী সাহিত্যক এক নতুন মাত্ৰা দিছিল। ইয়াৰ পাছতে তেওঁ ক্ৰমান্বয়ে 'বিঢাৰ'^২, 'হুল', 'জৰীলা' আৰু 'ঝুল' নামৰ চাৰিখন উপন্যাস (টেট্ৰাল'জি) লিখে। ২০১৩ চনত নামদেই তেওঁৰ 'হিন্দু:জগণ্যাচী সমৃদ্ধ অডগল' শীৰ্ষক কিতাপখন প্ৰকাশ কৰে; যিখন নামদেৰ 'মাষ্টাৰপিচ' বুলি কোৱা হয়।

নেমাডেক তেওঁৰ সাহিত্যকৰ্মৰ বাবে ২০১৫ চনত ভাৰতৰ সৰ্বোচ্চ সাহিত্য সম্মান জ্ঞানপীঠ বঁটা^৩ আৰু ১৯৯১ চনত সাহিত্য অকাডেমি বঁটা প্ৰদান কৰা হয়। ২০১৩ চনত তেওঁ ভাৰতৰ চতুৰ্থ সৰ্বোচ্চ অসামৰিক সম্মান পদ্মশ্ৰী বঁটা লাভ কৰে। ^৪৫