বিৰাজ বহু

বিৰাজ বহু ( Biraj Bahu ) ১৯৫৪ চনত মুক্তি পোৱা আৰু শৰৎচন্দ্ৰ চট্টোপাধ্যায়ৰ বাংলা উপন্যাসৰ আধাৰত নিৰ্মিত এখন হিন্দী ছবি। ছবিৰ পৰিচালক বিমল ৰায় আৰু প্ৰযোজক হিতেন চৌধুৰী।^১ কামিনী কৌশল, অভি ভট্টাচাৰ্য আৰু প্ৰাণ অভিনীত ছবিখনৰ সংগীত ৰচনা সলিল চৌধুৰীৰ। এই ছবিখনে শ্ৰেষ্ঠ পূৰ্ণদৈৰ্ঘ্য ছবিৰ অল ইণ্ডিয়া চাৰ্টিফিকেট অৱ মেৰিট লাভ কৰে।

সেই সময়ৰ সৰ্বাধিক পাৰিশ্ৰমিক পোৱা অভিনেত্ৰী মধুবালা ছবিখনত মুখ্য চৰিত্ৰত অভিনয় কৰিবলৈ আগ্ৰহী আছিল। এই উদ্দেশ্যে লৈ তেওঁ কেইবাবাৰো বিমল ৰায়ৰ অফিচলৈ গৈছিল। অৱশ্যে ছবিখন কৰাৰ বাবে তেওঁ বেছি পাৰিশ্ৰমিক বিচাৰিব বুলি ভাবি মধুবালাৰ সলনি কামিনী কৌশলক কাষ্টিং কৰা হয়। এই কথা জানিব পাৰি মধুবালাই কৈছিল যে বিৰাজ বহুত তেওঁ এটকাও নোলোৱাকৈ অভিনয় কৰিলেহেঁতেন।^২

সন্মান

• ১৯৫৪: ২য় ৰাষ্ট্ৰীয় চলচ্চিত্ৰ বঁটা- শ্ৰেষ্ঠ পূৰ্ণদৈৰ্ঘ্য চলচ্চিত্ৰৰ অল ইণ্ডিয়া চাৰ্টিফিকেট অফ মেৰিট^৩
• ১৯৫৫: শ্ৰেষ্ঠ পৰিচালকৰ ফিল্মফেয়াৰ বঁটা- বিমল ৰায়
• ১৯৫৫: শ্ৰেষ্ঠ অভিনেত্ৰীৰ ফিল্মফেয়াৰ বঁটা- কামিনী কৌশল
• ১৯৫৫: Palme d'Or – কেনচ চলচ্চিত্ৰ মহোৎসৱ (মনোনীত)^৪৫

বাহ্যিক সংযোগ

• Biraj Bahu Upperstall