বসুন্ধৰা দাস

বসুন্ধৰা দাস (জন্ম ২৭ অক্টোবৰ ১৯৭৭^১) এগৰাকী ভাৰতীয় প্লেবেক গায়িকা আৰু প্ৰাক্তন অভিনেত্ৰী। তেওঁৰ অভিনয় জীৱনত হে ৰাম (তামিল ভাষা/হিন্দী ভাষা), মনচুন ৱেডিং (ইংৰাজী ভাষা), চিটিজেন (তামিল), ৰাৱনা প্ৰভু (মালয়ালম ভাষা), লংকেশ পাত্ৰিকে (কন্নড় ভাষা) আদি চলচ্চিত্ৰ অন্তৰ্ভুক্ত। তেওঁ মুধালভান চলচ্চিত্ৰৰ "শাকালাকা বেবি"^২ গীতৰ বাবে শ্ৰেষ্ঠ মহিলা প্লেবেক গায়িকা – তামিলৰ ফিল্মফেয়াৰ বঁটা লাভ কৰে।

প্ৰাৰম্ভিক জীৱন

বসুন্ধৰা দাস হেব্বাৰ আয়েংগাৰ^৩ পৰিয়ালত বেংগালুৰু, কৰ্ণাটকত কিশেন দাস আৰু নিৰ্মলা দাসৰ ঘৰত জন্ম গ্ৰহণ কৰে। তেওঁ ক্লুনি কনভেণ্ট হাই স্কুল আৰু শ্ৰী বিদ্যা মন্দিৰ, বেংগালুৰুত শিক্ষা গ্ৰহণ কৰে। তাৰ পিছত তেওঁ মাউণ্ট কাৰ্মেল কলেজ, বেংগালুৰুত^৪৫ গণিত, অৰ্থনীতি আৰু পৰিসংখ্যা বিষয়ত স্নাতক ডিগ্ৰী অৰ্জন কৰে।^১

বসুন্ধৰাই ছয় বছৰ বয়সতে আইতাক ইন্দিৰা দাসৰ তত্ত্বাৱধানত হিন্দুস্তানী শাস্ত্ৰীয় সংগীতৰ প্ৰশিক্ষণ আৰম্ভ কৰে। তেওঁৰ আইতাকে ঘৰটোৰ ছাদত এখন সংগীত বিদ্যালয় চলাইছিল। তাৰ পিছত তেওঁ ললিত কলা একাডেমীত যোগদান কৰে আৰু পিছলৈ তেওঁৰ গুৰু পণ্ডিত পৰমেশ্বৰ হেগেৰ অধীনত অধ্যয়ন কৰে। কলেজ দিনত তেওঁ এগৰাকী গাৰ্ল বেণ্ডৰ মুখ্য গায়িকা আৰু কলেজ কোৱাৰৰ সোপ্ৰানো আছিল। এখন সাক্ষাৎকাৰত তেওঁ কয় যে, "প্ৰথমবাৰৰ বাবে মঞ্চত গোৱা সময়ত মোক বাজি উলিয়াই দিয়া হৈছিল।" ^৬

তেওঁ তামিল ভাষা, কন্নড় ভাষা, তেলুগু ভাষা, ইংৰাজী ভাষা, হিন্দী ভাষা, মালয়ালম ভাষা আৰু স্পেনীছ ভাষা ভাষা বুজে আৰু কয়।^১৭

২০১২ চনত বসুন্ধৰা তেওঁৰ দীঘলীয়া সময়ৰ বন্ধু, ড্ৰামাৰ আৰু পাৰকাশনিষ্ট ৰবাৰ্টো নাৰেইনক বিবাহ কৰে।^১৮

কেৰিয়াৰ

অভিনয়

১৯৯৯ চনত তেওঁ কমল হাসানৰ সৈতে হে ৰাম চলচ্চিত্ৰৰ জৰিয়তে অভিনেত্ৰী হিচাপে আত্মপ্ৰকাশ কৰে, যদিও তেওঁ আগতে প্লেবেক গায়িকা হিচাপে কৰ্মজীৱন আৰম্ভ কৰিছিল।^৬ তেওঁ ৰাৱনপ্ৰভু (২০০১) মালায়ালম চলচ্চিত্ৰত মোহনলালৰ সৈতে, চিটিজেন (২০০১) তামিল চলচ্চিত্ৰত অজিত কুমাৰৰ সৈতে আৰু কন্নড় চলচ্চিত্ৰ লংকেশ পাত্ৰিকেত দৰ্শনৰ সৈতে মুখ্য ভূমিকাত অভিনয় কৰে।^৯ তেওঁ মীৰা নাইৰৰ মনচুন ৱেডিং (২০০১) চলচ্চিত্ৰতো অভিনয় কৰে।^১০২

সংগীত

তেওঁৰ প্লেবেক গায়কীৰ কাৰ্যজীৱন আৰম্ভ হৈছিল এ. আৰ. ৰহমানৰ তামিল চলচ্চিত্ৰ মুধলৱানৰ সৈতে, য'ত তেওঁ "শাকালাকা বেবী" গীত গাইছিল,^৬ যাৰ বাবে তেওঁ ২০০১ চনত শ্ৰেষ্ঠ মহিলা প্লেবেক গায়িকা – তামিলৰ ফিল্মফেয়াৰ বঁটা লাভ কৰে।^১১ পিছত তেওঁ বিজয়া ভাস্কৰ, যুৱন শংকৰ ৰাজা আৰু জি. ভি. প্ৰকাশ কুমাৰৰ দৰে সুৰকাৰৰ সৈতে কাম কৰে। তেওঁৰ প্ৰথম চলচ্চিত্ৰ সুৰকাৰ হিচাপে আছিল পৰান্থে ৱালী গালী (২০১৪), বিক্ৰম খাজুৰিয়াৰ সৈতে।^১২

তেওঁ আৰ্যা নামৰ এখন বিশ্ব সংগীত বেণ্ডৰ প্ৰতিষ্থাপক সদস্য আছিল, যি ইউৰোপ আৰু আমেৰিকাত পৰফৰ্ম কৰিছিল আৰু ২০০৪ চনত বন্ধ হয়।^১৩ তেওঁ বেংগালুৰুৰ নিজৰ ষ্টুডিঅ' দ্য এক্টিভত সংগীত ৰচনা কৰে।^১২১৩ তেওঁ কেইবাটাও স্বাধীন প্ৰকল্পত জড়িত আছিল, যেনে চেনেল ভি জেমিন’, বিবিচিৰ ভাৰতৰ HIV সচেতনতা গীত "হাৰ কদম", মিছন উস্তাদ, গ্লোবেল ৰিদমচ, নাইলন সাউণ্ডচ, আৰু দ শ্বাহ হুছেইন প্ৰজেক্ট, যি সুফী গায়ক মিৰ মুখ্তিয়াৰ আলীৰ সৈতে এক সহযোগী এলবাম।^১৪ তেওঁ ফ্ৰান্সত "ল'এতে ইণ্ডিয়ান" নামৰ ফ্ৰেঞ্চ একেলগী এলবাম প্ৰকাশ কৰিছে, পাৰিছ-ভিত্তিক আগ্ৰুমছ ষ্টুডিঅ’ৰ সৈতে সহযোগিতাত।^১৩

বসুন্ধৰা ড্ৰাম জেমৰ প্ৰতিষ্ঠাপক আৰ্থাৰ হুলৰ তত্ত্বাৱধানত হাৱাইত প্ৰশিক্ষণ গ্ৰহণ কৰে।^১৫১৬ ২০১৩ চনত তেওঁ কমিউনিটি ড্ৰামজ্যাম অনুষ্ঠান আৰম্ভ কৰে এম জি ৰোড মেট্ৰো ষ্টেচন, বেংগালুৰুত। এই অনুষ্ঠান পৰৱৰ্তী সময়ৰপৰা ৰঙলী মেট্ৰো আৰ্ট চেণ্টাৰ আৰু ড্ৰামজেমৰদ্বাৰা মাহেকীয়া ৰূপত চলি আহিছে,^১৬১৭ তেওঁ আৰু তেওঁৰ স্বামীৰ সৈতে প্ৰতিষ্ঠা কৰা পশ্চিমীয়া সংগীত প্ৰতিষ্ঠান।^১৮ তেওঁলোকে শিক্ষা প্ৰতিষ্ঠান আৰু বয়সভেদে বিভিন্ন সমাজৰ বাবে ড্ৰাম-জেম কাৰ্যসূচী অনুষ্ঠিত কৰিছে, য’ত বিপদত থকা শিশুসকল, ডিমেনচিয়াত ভুগা বৃদ্ধ, আৰু টাৰ্মিনেল কেঞ্চাৰ ৰোগীৰো অন্তৰ্ভুক্ত।^১৯১৫ ২০১৬ চনত তেওঁ ভাৰত ৰাষ্ট্ৰীয় ক্ৰিকেট দলৰ বাবে দলীয় কাৰ্যসূচী উন্নয়নৰ উদ্দেশ্যে ড্ৰাম জেম অনুষ্ঠান অনুষ্ঠিত কৰে।^২০২১