নেহা ধুপীয়া

নেহা ধুপীয়া ( Neha Dhupia; জন্ম ২৭ আগষ্ট ১৯৮০)^১ এগৰাকী ভাৰতীয় অভিনেত্ৰী, নাৰীবাদী, মডেল আৰু সৌন্দৰ্য্য প্ৰতিযোগিতাৰ খিতাপধাৰী। ২০০২ চনত ফেমিনা মিছ ইণ্ডিয়াৰ খিতাপ লাভ কৰাৰ লগতে ২০০২ চনত মিছ ইউনিভাৰ্ছত ভাৰতক প্ৰতিনিধিত্ব কৰিছিল। কেইবাটাও চলচ্চিত্ৰ প্ৰডাকচনত কাম কৰাৰ লগতে ৰিয়েলিটি শ্ব’ত কেইবাবাৰো অভিনয় কৰিছে।

আৰম্ভণি জীৱন

ভাৰতৰ কোচিত জন্মগ্ৰহণ কৰা নেহাই দিল্লীৰ জিছুছ এণ্ড মেৰী কলেজৰ পৰা স্নাতক ডিগ্ৰী লাভ কৰে।^২

কৰ্মজীৱন

নেহাই নতুন দিল্লীত গ্ৰেফিটি নামৰ নাট এখনত অভিনয়ত আত্মপ্ৰকাশ কৰিছিল। ইয়াৰ পিছত তেওঁ ইণ্ডিপপ বেণ্ড ইউফ’ৰিয়াৰ এটা মিউজিক ভিডিঅ’ত অভিনয় কৰিছিল আৰু বিজ্ঞাপন অভিযানৰ বাবে মডেলিং কৰিছিল। তেওঁ ইয়াৰ পিছতে টিভি ধাৰাবাহিক ৰাজধানীত অভিনয় কৰে। ২০০২ চনত ফেমিনা মিছ ইণ্ডিয়া প্ৰতিযোগিতাত অংশগ্ৰহণ কৰি ২০০২ চনৰ ফেমিনা মিছ ইণ্ডিয়া হিচাপে মুকুট পিন্ধে, ইয়াৰ পিছত তেওঁক পুয়েৰ্টো ৰিকোত অনুষ্ঠিত হোৱা মিছ ইউনিভাৰ্ছ ২০০২ প্ৰতিযোগিতালৈ পঠিওৱা হয় আৰু তাত তেওঁ শীৰ্ষ ১০ ৰ ভিতৰত স্থান লাভ কৰে। ^৩ প্ৰতিযোগিতাখনত স্থান লাভ কৰাৰ পিছত নেহাই ভাৰতীয় বৈদেশিক সেৱাত কেৰিয়াৰ গঢ়িবলৈ মনস্থ কৰিছিল যদিও ইয়াৰ পৰিৱৰ্তে অভিনয়ৰ কৰিবলৈ আৰম্ভ কৰে।^৪

চলচ্চিত্ৰ কেৰিয়াৰ

২০০৩ চনত বক্স অফিচত গড় প্ৰদৰ্শন লাভ কৰা কায়ামত: চিটি আণ্ডাৰ থ্ৰেট ছবিখনৰ জৰিয়তে তেওঁৰ বলীউড অভিষেক ঘটে। জুলি^৫ ছবিত শিৰোনাম চৰিত্ৰত অভিনয় কৰি তেওঁ খ্যাতি অৰ্জন কৰে আৰু তাৰ পিছত শ্বীছা (২০০৫) ছবিত যমজ ভগ্নীৰ দ্বৈত চৰিত্ৰত অভিনয় কৰে যদিও বক্স অফিচত ই ভাল প্ৰদৰ্শন কৰা নাছিল। ইয়াৰ পিছত নেহাই কিয়া কূল হাই হাম (২০০৫) আৰু শ্বুটআউট এট লোকাণ্ডৱালা (২০০৭)ৰ দৰে ছবিত অভিনয় কৰে, যিয়ে বক্স অফিচত ভাল প্ৰদৰ্শন কৰে আৰু সংকলন ছবি দুছ কাহিনীয়ান (২০০৭)ৰ এটা খণ্ডত অভিনয় কৰে।

ইয়াৰ পিছৰ বছৰবোৰত নেহাই চুপ চুপ কে (২০০৬), এক চলিছ কি লাষ্ট লোকেল (২০০৭), মিথ্যা (২০০৮), মহাৰথী (২০০৮), আৰু সিং ইছ কিং (২০০৮) আৰু দাসবিদনিয়া (২০০৮)কে ধৰি একাধিক ছবিত সহযোগী চৰিত্ৰত অভিনয় কৰে। ২০১১ চনত মহাত্মা গান্ধীৰ ওপৰত নিৰ্মিত ডিয়াৰ ফ্ৰেণ্ড হিটলাৰ ছবিত ইভা ব্ৰাউনৰ চৰিত্ৰত অভিনয় কৰিছিল।

ব্যক্তিগত জীৱন আৰু অফ-স্ক্ৰীণ কাম

নেহাই কনচাৰ্ণ ইণ্ডিয়া ফাউণ্ডেশ্যনক সহায় কৰিবলৈ মুম্বাই মাৰাথনত দৌৰিছে আৰু ৫ লাখৰো অধিক ধন সংগ্ৰহ কৰাত সহায় কৰিছে।^৬ ২০১১ চনত ছিকিমত হোৱা ভূমিকম্পৰ বলি হোৱা লোকসকলৰ বাবে ধন সংগ্ৰহতো সহায় কৰিছিল।^৭ ২০১২ চনৰ জি আৰ ৮ মহিলা বঁটাত তেওঁ কণ্ঠদান কৰিছিল।^৮ নেহা এজন নিৰামিষভোজী।^৯

নেহাই ২০১৮ চনৰ ১০ মে'ত গুৰুদ্বাৰাত ব্যক্তিগত অনুষ্ঠানত ভাৰতীয় ক্ৰিকেট দলৰ প্ৰাক্তন অধিনায়ক বিষান সিং বেদীৰ পুত্ৰ অভিনেতা অংগদ বেদীৰ সৈতে বিয়া হয়।^১০ ২০১৮ চনৰ ১৮ নৱেম্বৰত মেহৰ ধুপীয়া বেদী নামৰ এগৰাকী কন্যা সন্তান জন্ম দিয়ে।^১১

ফিল্মগ্ৰাফী

চিনেমা

টেলিভিছন