দুৰ্গেশ কুমাৰ

দুৰ্গেশ কুমাৰ (Durgesh Kumar) এগৰাকী ভাৰতীয় অভিনেতা। তেওঁ বিহাৰৰ বাসিন্দা।^১ তেওঁ মূলতঃ হিন্দী ভাষাৰ চলচ্চিত্ৰ আৰু ৱেব ছিৰিজসমূহত অভিনয় কৰে।

প্ৰাৰম্ভিক জীৱন আৰু শিক্ষা

২০০১ চনত দিল্লীলৈ গৈ কুমাৰে অভিযান্ত্ৰিক শিক্ষা গ্ৰহণ কৰাৰ সিদ্ধান্ত লৈছিল। কিন্তু প্ৰৱেশিকা পৰীক্ষাত প্ৰত্যাহ্বানৰ সন্মুখীন হোৱাৰ পিছত তেওঁ থিয়েটাৰত মনোযোগ দিয়ে। এই সময়ছোৱাতে তেওঁ প্ৰায় ৩৫খন নাটকত অংশগ্ৰহণ কৰিছিল। ২০০৪ চনৰ পৰা ২০০৭ চনৰ ভিতৰত ইন্দিৰা গান্ধী ৰাষ্ট্ৰীয় মুক্ত বিশ্ববিদ্যালয়ৰ পৰা কলা শাখাত সন্মানসহ স্নাতক ডিগ্ৰী লাভ কৰিছিল। লগতে ২০০৪ চনৰ পৰা ২০০৬ চনলৈকে শ্ৰী ৰাম চেণ্টাৰ পাৰফৰ্মিং আৰ্টছত এটি অভিনয়ৰ প্ৰমাণপত্ৰ পাঠ্যক্ৰম অধ্যয়ন কৰে।^২৩৪

কুমাৰে ৰাষ্ট্ৰীয় নাট্য বিদ্যালয়ত নামভৰ্তি কৰে,^৫ য’ত তেওঁ অভিনয়ৰ স্নাতকোত্তৰ ডিপ্লʼমা লাভ কৰে।^৬৭

"হাইৱে" শীৰ্ষক ছবিখনত আদুৰ চৰিত্ৰত অভিনয় কৰাৰ পিছত তেওঁ সাফল্য অৰ্জন কৰে, তাৰ পিছত তেওঁৰ প্ৰশংসিত ৱেব ছিৰিজ "পঞ্চায়ত"ত ভূষণৰ চৰিত্ৰত অভিনয় কৰে। দুৰ্গেশে চৰিত্ৰটোৰ সফলতাত আচৰিত হোৱাৰ কথা প্ৰকাশ কৰি তেওঁ বনৰাকসৰ চৰিত্ৰটো সৃষ্টি কৰাৰ বাবে শ্ব’টোৰ নিৰ্মাৰ্তাসকলক কৃতিত্ব দিয়ে।^৮

দুৰ্গেশ কুমাৰে সংবাদ মাধ্যমৰ এজন সদস্যৰ আগত প্ৰকাশ কৰে যে তেওঁৰ সংগ্ৰামৰ দিনবোৰত তেওঁৰ পৰিয়ালে তেওঁৰ সৰ্বাধিক সমৰ্থন হিচাপে এক গুৰুত্বপূৰ্ণ ভূমিকা পালন কৰিছিল। অভিযান্ত্ৰিক প্ৰৱেশিকা পৰীক্ষাত বিপৰ্যয়ৰ সন্মুখীন হোৱাৰ পিছত তেওঁৰ ককায়েকে দুৰ্গেশক থিয়েটাৰত মনোনিবেশ কৰিবলৈ পৰামৰ্শ দিছিল।^৯১০

দুৰ্গেশ কুমাৰে অভিনেতা নৱাজুদ্দিন ছিদ্দিকীক অভিনয় জগতত তেওঁৰ প্ৰেৰণাৰ প্ৰধান উৎস হিচাপে গণ্য কৰে।^১১

চলচ্চিত্ৰপুঞ্জী