ঘৰে বাইৰে

ঘৰে বাইৰে (Ghare Baire ) ১৯৮৪ চনৰ সত্যজিৎ ৰায় পৰিচালিত আৰু ৰচিতএখন ভাৰতীয় বাংলা ভাষাৰ ৰোমান্টিক নাট্যধৰ্মী চলচ্চিত্ৰ। ৰবীন্দ্ৰনাথ ঠাকুৰৰ একে নামৰ উপন্যাসৰ আধাৰত নিৰ্মিত এই ছবিখনত অভিনয় কৰিছে সৌমিত্ৰ চেটাৰ্জী, ভিক্টৰ বেনাৰ্জী, স্বাতীলেখা চেটাৰ্জী আৰু জেনিফাৰ কেণ্ডেলে। ছবিখনত জাতীয়তাবাদ, নাৰী মুক্তি, জীৱনৰ আধ্যাত্মিক আৰু ভৌতিক দৃষ্টিকোণ, পৰম্পৰা বনাম আধুনিকতাবাদ আদি কেইবাটাও বিষয়বস্তুৰ জটিল চিত্ৰায়ণ কৰা হৈছে।^১২৩৪

ৰায়ে প্ৰথমখন ছবি পথেৰ পাঁচালী নিৰ্মাণৰ বহু আগতেই ১৯৪০ চনত ইয়াৰ চিত্ৰনাট্য প্ৰস্তুত কৰিছিল। ১৯৮৪ চনৰ কান চলচ্চিত্ৰ মহোৎসৱত এই ছবিখনে পালম্ ডি অৰৰ বাবে প্ৰতিযোগিতাত অংশগ্ৰহণ কৰিছিল।^৫ ৩২তম ৰাষ্ট্ৰীয় চলচ্চিত্ৰ বঁটাত ই বাংলা ভাষাৰ শ্ৰেষ্ঠ পূৰ্ণদৈৰ্ঘ্য ছবিৰ বঁটা লাভ কৰে।

বঁটা

৩২তম ৰাষ্ট্ৰীয় চলচ্চিত্ৰ বঁটা (১৯৮৫)^৬

• বাংলা ভাষাৰ শ্ৰেষ্ঠ পূৰ্ণদৈৰ্ঘ্য ছবি
• শ্ৰেষ্ঠ সহযোগী অভিনেতা- ভিক্তৰ বেনাৰ্জী
• শ্ৰেষ্ঠ বেশভূষা- হাৰুদাস আৰু বাপুল দাস

বাহ্যিক সংযোগ

• satyajitray.org