গংগাৰাম পালোৱান আৰু বঙলা ঘৰৰ ভূত

গংগাৰাম পালোৱান আৰু বঙলা ঘৰৰ ভূত ড০ প্ৰণৱজ্যোতি ডেকাৰ দ্বাৰা অনূদিত এখনি সাধুকথাৰ পুথি৷ পুথিখনত বিশ্বৰ লোক-সাহিত্যৰ পাঁচটা ভিন্ন সাধু সন্নিৱিষ্ট হৈছে৷ গ্ৰন্থখন ১৯৭৮ চনত পোনপ্ৰথমবাৰৰ বাবে প্ৰকাশিত হৈছিল৷ ^১

লেখকৰ বিষয়ে

প্ৰণৱজ্যোতি ডেকা (১৯৩৯ - ৬ এপ্ৰিল, ২০২৪) অসমৰ এগৰাকী গল্পকাৰ, ঔপন্যাসিক, গৱেষক, অভিধান প্ৰণেতা, ভূ-তত্ত্ববিদ আৰু অধ্যাপক। স্পষ্টবাদীৰূপে পৰিচিত ডেকাই গুৱাহাটী বিশ্ববিদ্যালয়ৰ ভূ-তত্ত্ব বিভাগৰ অধ্যাপক হিচাপে অৱসৰ গ্ৰহণ কৰিছিল। ‘সোণৰ চামুচ মুখত লৈ’ শীৰ্ষক তেওঁৰ আত্মজীৱনীখনে প্ৰকাশৰ পিছতে বিদ্বান মহলৰ প্ৰশংসা লাভ কৰিছিল। জ্যোতি দ্বিভাষিক অভিধান ডেকাৰ উল্লেখযোগ্য কৃতি। ২০২৩ বৰ্ষত তেওঁ ড° প্ৰণৱজ্যোতি ডেকাৰ শ্ৰেষ্ঠ গল্প শীৰ্ষক গল্প সংকলনটিৰ বাবে সাহিত্য অকাডেমি বঁটা লাভ কৰিছিল৷

গ্ৰন্থৰ চমু পৰিচয়

সাধুপুথিখনত সন্নিৱিষ্ট সাধুকেইটা হৈছে-

• মকৰাৰ সাধু (পশ্চিম ভাৰতীয় দ্বীপপুঞ্জৰ সাধু)
• চোৰ সৰবজান (ব্ৰহ্মদেশৰ সাধু)
• ৰজাৰ কটোৱালৰ সাধু (কোৰিয়া দেশৰ সাধু)
• দুজন চোৰৰ সাধু (মিচৰীয় সাধু)
• গংগাৰাম পালোৱান আৰু বঙলা ঘৰৰ ভূত (চীনদেশীৰ সাধু) ^১