অসম মহিলা বিশ্ববিদ্যালয়

অসম মহিলা বিশ্ববিদ্যালয় অসমৰ যোৰহাটত অৱস্থিত চৰকাৰী খণ্ডৰ এখন বিশ্ববিদ্যালয়। ২০১৩ চনৰ ১৫ জুলাইত অসম বিধানসভাত নতুন মহিলা বিশ্ববিদ্যালয় সন্দৰ্ভত এক বিধেয়ক গৃহীত হয়।^১ সেই বছৰতে অসম মহিলা বিশ্ববিদ্যালয় আইন ২০১৩ –ৰ যোগেদি বিশ্ববিদ্যালয়খনৰ প্ৰতিষ্ঠা কৰা হয় আৰু ২০১৪ চনৰ ১১ ছেপ্টেম্বৰত অসমৰ মুখ্যমন্ত্ৰী তৰুণ গগৈয়ে বিশ্ববিদ্যালয়খনৰ আনুষ্ঠানিক উদ্বোধন কৰে।^২৩৪৫ অসমৰ এইখনেই প্ৰথম মহিলা বিশ্ববিদ্যালয়।^৬৭ বিভিন্ন বিষয়ত মুঠ ৬৫ খন আসনেৰে বিশ্ববিদ্যালয়খনৰ আৰম্ভণি কৰা হয়।

প্ৰাৰম্ভিক কালত ৰাজ্য চৰকাৰে অসম কৃষি বিশ্ববিদ্যালয়ৰ উপাচাৰ্য ড° কে এম বুজৰবৰুৱাক বিশ্ববিদ্যালয়খনৰ চোৱাচিতাৰ দায়িত্ব দিয়ে।^৮

২০১৯ চনৰ ১২ ছেপ্টেম্বৰ তাৰিখে অসমৰ ৰাজ্যপাল জগদীশ মুখীয়ে অধ্যাপক ডঃ মালিনী গোস্বামীক অসম মহিলা বিশ্ববিদ্যালয়ৰ প্ৰথম গৰাকী উপাচাৰ্য হিচাপে নিযুক্ত কৰে।^৯

পাঠ্যক্ৰম

বিশ্ববিদ্যালয়খনে আগবঢ়োৱা স্নাতক, স্নাতকোত্তৰ আৰু ডিপ্ল’মা পাঠ্যক্ৰমসমূহ:^৬

স্নাতক

• ইংৰাজী
• মনোবিজ্ঞান
• ফিজিঅ’থেৰাপী

স্নাতকোত্তৰ

• অসমীয়া
• কলাবিষয়ক অধ্যয়ন
• অৰ্থনীতি
• ইংৰাজী
• মাছ কমিউনিকেচন
• ৰাজনীতি বিজ্ঞান
• মনোবিজ্ঞান
• সমাজ বিজ্ঞান
• শিক্ষা
• ব্যৱসায় পৰিচালনা
• কম্পিউটাৰ এপ্লিকেচন
• পৰ্যটন
• পুথিভঁৰাল আৰু তথ্য বিজ্ঞান
• ফেশ্বন ডিজাইন আৰু প্ৰযুক্তিবিদ্যা
• গণিত

ডিপ্ল’মা

• বিউটী কেয়াৰ এণ্ড ৱেলনেছ
• ফেশ্বন ইণ্টিগ্ৰেচন ফৰ এপাৰেল
• গহণা নিৰ্মাণ
• ৱেব প্ৰযুক্তিবিদ্যা