মেঘালয়
২৩ প্ৰবন্ধ
-
মেঘালয়
মেঘালয় (Meghalaya, मेघालय) হৈছে উত্তৰ-পূব ভাৰতৰ এখন ৰাজ্য। সংস্কৃত ভাষাত "মেঘালয়" শব্দৰ অৰ্থ হৈছে মেঘৰ আলয় (Abode of Clouds)। পূবা-পশ্চিমাকৈ ই প্ৰায় ৩০০ কিঃমিঃ আৰু বহলে প্ৰায় ১০০ কিঃমিঃ। ইয়াৰ উত্তৰে অসম আৰু দক্ষিণে বাংলাদেশ অৱস্থিত। মেঘালয়ৰ ৰাজধানী হৈছে শ্বিলং।
-
শ্বিলং
শ্বিলং (Shillong) উত্তৰ-পূৱ ভাৰতৰ এটি পাহাৰীয়া কেন্দ্ৰ আৰু মেঘালয় ৰাজ্যৰ ৰাজধানী। সমুদ্ৰপৃষ্ঠৰ পৰা গড়ে ৪,৯০৮ ফুট (১,৪৯৬ মিটাৰ) উচ্চতাত অৱস্থিত শ্বিলং পূৱ খাছী পাহাৰ জিলাৰ মূল কেন্দ্ৰ। ইয়াৰ সৰ্বোচ্চ বিন্দু শ্বিলং পিকৰ উচ্চতা সমুদ্ৰপৃষ্ঠৰ পৰা ৬,৪৪৯ ফুট (১,৯৬৬ মিটাৰ)।
-
গাৰো ভাষা
গাৰো ভাষা বা মান্দি ভাষা এটি চীনা-তিব্বতি ভাষা। এই ভাষা ভাৰতৰ মেঘালয় ৰাজ্যৰ গাৰো পাহাৰ অঞ্চলৰ অধিবাসীসকলৰ প্ৰধান ভাষা। ই পাৰ্শ্বৱৰ্তী বাংলাদেশতো প্ৰচলিত। মেঘালয়ৰ প্ৰতিবেশী ৰাজ্য অসমত প্ৰচলিত বড়ো আৰু ৰাভা ভাষাৰ লগত ইয়াৰ ঘনিষ্ঠ সম্পৰ্ক আছে। গাৰো ভাষা লেটিন লিপিৰে লিখা হয়।
-
খাচী ভাষা
খাচী হ'ল এটা অষ্ট্ৰো-এছীয় ভাষা, যিটো ঘাইকৈ ভাৰতৰ মেঘালয় ৰাজ্যত প্ৰচলিত। খাচী ভাষাৰ প্ৰায় ৯ লাখ মানুহৰ সৰহভাগেই মেঘালয় ৰাজ্যত বাস কৰে। অসম আৰু বাংলাদেশতো কিছু সংখ্যক খাচী ভাষাৰ মানুহ আছে। খাচী ভাষাৰ মৌখিক সাহিত্য লোককথা আৰু লোকগাথাৰে সমৃদ্ধ।
-
তুৰা, মেঘালয়
তুৰা (IPA: ˈtʊərə) হৈছে মেঘালয় ৰাজ্যৰ পশ্চিম গাৰো পাহাৰ জিলাৰ এটা পৌৰসভা। ই মেঘালয়ৰ আটাইতকৈ ডাঙৰ চহৰসমূহৰ ভিতৰত এখন। তুৰা গাৰো পাহাৰৰ নক্ৰেক পৰ্বতৰ নামনিত অৱস্থিত। চহৰখনৰ বতৰ সাধাৰণতে কোমল আৰু বৰ্ষব্যাপী মনোৰম। ই গাৰো জনগোষ্ঠীৰ সাংস্কৃতিক আৰু প্ৰশাসনিক কেন্দ্ৰ। ই পশ্চিম গাৰো পাহাৰ জিলাৰ মুখ্যালয়।
-
খাচী আৰু জয়ন্তীয়া পাহাৰ
খাচী আৰু জয়ন্তীয়া পাহাৰ পূৰ্বে মূলতঃ অসম আৰু মেঘালয়ৰ অংশ হিচাপে থকা পাহাৰীয়া অঞ্চল। এই অঞ্চল বৰ্তমান ভাৰতীয় ৰাজ্য মেঘালয়ৰ (পূৰ্বৰ অসম) অন্তৰ্গত। পূব জয়ন্তীয়া পাৰ্বত্য জিলা, পশ্চিম জয়ন্তীয়া পাৰ্বত্য জিলা, পূব খাচী পাৰ্বত্য জিলা আৰু পশ্চিম খাচী পাৰ্বত্য জিলাৰ বৰ্তমান ইয়াৰ অংশ।
-
খিলেৰিহাট
খিলেৰিহাট (Khliehriat) হৈছে ভাৰতৰ মেঘালয় ৰাজ্যৰ পূব জয়ন্তীয়া পাৰ্বত্য জিলাৰ মুখ্য কাৰ্যালয়, যিখন জিলা জয়ন্তীয়া পাৰ্বত্য জিলাৰ পৰা নিৰ্মাণ কৰা হৈছিল। জিলাখনত দুটা খিলেৰিহাট আৰু চাইপুং community and rural development block আছে৷
-
মেঘালয়ৰ জিলাসমূহ
ভাৰতৰ ৰাজ্য মেঘালয়ক ১১ খন জিলাত বিভক্ত কৰা হৈছে।
-
এলিফেণ্ট জলপ্ৰপাত
এলিফেণ্ট জলপ্ৰপাত (Elephant Falls) ভাৰতৰ মেঘালয়ৰ শ্বিলঙত অৱস্থিত দুই খলপিয়া জলপ্ৰপাত। পাহাৰৰ ধাৰাটো শিলৰ পৃষ্ঠৰ একেৰাহে দুটা জলপ্ৰপাতৰ মাজেৰে নামি গৈছে।
-
নংক্ৰেম
নংক্ৰেম উৎসৱ হৈছে মেঘালয়ৰ খাচী জনজাতিৰ বাৰ্ষিক উৎসৱ। উৎসৱটো পাঁচ দিন ৰখা হয় আৰু সাধাৰণতে নৱেম্বৰ মাহত উদযাপন কৰা হয়। এই উৎসৱটো স্মৃতিত অনুষ্ঠিত হয়, যি খাচী পাহাৰৰ সাংস্কৃতিক কেন্দ্ৰ আৰু ৰাজধানী চহৰ শ্বিলঙৰ পৰা প্ৰায় ১১ কিলোমিটাৰ দূৰত।
-
নোহছংগিথিয়াং জলপ্ৰপাত
নোহছংগিথিয়াং জলপ্ৰপাত (Nohsngithiang Falls) (চেভেন চিষ্টাৰছ জলপ্ৰপাত বা মাউছমাই জলপ্ৰপাত বুলিও জনা যায়) হৈছে সাতটা খণ্ডৰ জলপ্ৰপাত। ভাৰতৰ মেঘালয় ৰাজ্যৰ পূব খাছি পাহাৰ জিলাৰ মাউছমাই গাঁৱৰ পৰা ১ কিলোমিটাৰ (০.৬২ মাইল) দক্ষিণে অৱস্থিত।
-
ফুলবাৰী (মেঘালয়)
ফুলবাৰী (Phulbari) হৈছে উত্তৰ-পূৱ ভাৰতৰ মেঘালয় ৰাজ্যৰ পশ্চিম গাৰো পাৰ্বত্য জিলাৰ অসমৰ সীমান্তত থকা এটি সৰু গাঁও। ইয়াৰ উত্তৰ আৰু পশ্চিম দিশত অসমৰ দক্ষিণ শালমাৰা আৰু ফকিৰগঞ্জ অঞ্চল। পূৱত চিবিনাং আৰু দক্ষিণত ৰাজাবালা। জিলাখনৰ সদৰ তুৰাৰ দূৰত্ব প্ৰায় ৮১ কিমি.।
-
বিজ্ঞান আৰু প্ৰযুক্তি বিশ্ববিদ্যালয়, মেঘালয়
বিজ্ঞান আৰু প্ৰযুক্তি বিশ্ববিদ্যালয়, মেঘালয় (বা সংক্ষিপ্তভাৱে ইউএছটিএম) হৈছে ভাৰতৰ মেঘালয় ৰাজ্যৰ ৰি-ভৈ জিলাত অৱস্থিত এখন ব্যক্তিগত বিশ্ববিদ্যালয়। ই সমগ্ৰ উত্তৰ-পূব ভাৰতৰ প্ৰথমখন ৰাজ্যিক ব্যক্তিগত বিশ্ববিদ্যালয়৷ মেঘালয় চৰকাৰৰ বিজ্ঞান আৰু প্ৰযুক্তি বিশ্ববিদ্যালয়, মেঘালয় আইন, ২০০৮ৰ জৰিয়তে…
-
মাওফ্লাং
মাওফ্লাং উত্তৰ-পূব ভাৰতৰ মেঘালয় ৰাজ্যৰ পূব খাচি পাহাৰ জিলাত অৱস্থিত এখন গাঁও। ই শ্বিলংৰপৰা প্ৰায় ২৫ কিলোমিটাৰ দূৰত অৱস্থিত। খাচি ভাষাত মাও শব্দৰ অৰ্থ "শিল" আৰু মাও ফ্লাংৰ অৰ্থ "ঘাঁহনি থকা শিল।" খাচি পাহাৰৰ বহুতো বসতিৰ নাম একশিলাৰ নামেৰে ৰখা হৈছে।
-
লাংছিয়াং জলপ্ৰপাত
লাংছিয়াং জলপ্ৰপাত ( Langshiang Falls) সাংগ্ৰিয়াং গাঁৱৰ ওচৰত, ভাৰত ৰ পশ্চিম খাছি পাহাৰ জিলাত, নংষ্টয়ন ৰ পৰা ২৪ কিলোমিটাৰ। মেঘালয় ৰ মাউপন গাঁৱৰ পৰাও ইয়াক চাব পাৰি। . জলপ্ৰপাতটোৰ মুঠ উচ্চতা সাধাৰণতে প্ৰায় ৩৩৭ মিটাৰ (১,১০৬ ফুট) বুলি উল্লেখ কৰা হয়। কিন্তু সেইটো নিশ্চিত কৰা প্ৰয়োজন।
-
আগালমাকা
আগালমাকা (Agalmaka) হৈছে উত্তৰ-পূৰ্বাঞ্চলৰ গাৰো জনগোষ্ঠীৰ এক কৃষিভিত্তিক লোক উৎসৱ।
-
উমছিয়াং ডাবল-ডেকাৰ ৰুট ব্ৰীজ
উমছিয়াং ডাবল-ডেকাৰ ৰুট ব্ৰীজ (Umshiang Double-Decker Root Bridge) হ'ল ভাৰতৰ মেঘালয় ৰাজ্যত অৱস্থিত এখন জীৱন্ত ৰুট ব্ৰীজ। চেৰাপুঞ্জীৰ পৰা ৪৫ কিলোমিটাৰ (২৮ মাইল) বা ৬৫০০ খোজ ট্ৰেকিং কৰি ইয়ালৈ যাব পাৰি। ইয়াৰ ওচৰতে আছে এটি জলপ্ৰপাত। পৰ্যটনৰ বাবেই ৰুট ব্ৰীজৰ স্বাস্থ্যৰ অৱনতি ঘটিছে।
-
চপলা বুক ষ্টল
চপলা বুক ষ্টল (Chapala Book Stall) হৈছে শ্বিলং, মেঘালয়ৰ পুলিচ বজাৰৰ কিটিং ৰ’ডত অৱস্থিত এটি নব্বৈ বছৰ পুৰণি গ্ৰন্থ বিক্ৰেতা আৰু প্ৰকাশন প্ৰতিষ্ঠান। ১৯৩৬ চনৰ ২০ জানুৱাৰী তাৰিখে অসমৰ শ্ৰী ভূমিৰ এগৰাকী গণ্য-মান্য ব্যক্তি বিভুভূষণ চৌধুৰীয়ে এই প্ৰকাশন গোষ্ঠীটি প্ৰতিষ্ঠা কৰিছিল।
-
ডন বস্কো কলেজ, তুৰা
ডন বস্কো কলেজ, তুৰা মেঘালয়ৰ জনসাধাৰণক শিক্ষা প্ৰদানৰ বাবে ১৯৮৭ চনত স্থাপন কৰা হৈছিল। মহাবিদ্যালয়খনত ১০০ জনতকৈ অধিক শিক্ষক আৰু সহায়ক কৰ্মী নিয়োজিত হৈ আছে। মহাবিদ্যালয়খনত উত্তৰ-পূব ভাৰতৰ বিভিন্ন ৰাজ্যৰপৰা ২০০০ৰো অধিক ছাত্ৰ-ছাত্ৰীয়ে নামভৰ্তি কৰে।
-
বৰ্ণিহাট
বৰ্ণিহাট মেঘালয়ৰ পশ্চিম অঞ্চলত অৱস্থিত এখন সৰু চহৰ। এইখন চহৰ স্থানীয় ৰাইজৰ মাজত বজাৰ চহৰ হিচাপে পৰিচিত। বৰ্ণিহাট পৰ্যটকৰ মাজত ইয়াৰ প্ৰাকৃতিক দৃশ্যৰ বাবে জনাজাত। ইয়াত প্ৰধানকৈ জনজাতীয় লোকে বসবাস কৰে আৰু ইয়াত পুৰণি পৰম্পৰাগত মন্দিৰ, গীৰ্জা আৰু অন্যান্য ঐতিহ্যমণ্ডিত ভৱন আছে।
-
মেঘালয়ৰ মাতৃবংশীয় সমাজ
উত্তৰ-পূব ভাৰতৰ মেঘালয় ৰাজ্যৰ কেইবাটাও জনগোষ্ঠীত মাতৃবংশ প্ৰথাৰ প্ৰচলন আছে। নাৰীৰ উত্তৰপুৰুষৰ জৰিয়তে বংশৰ আভাস পোৱাকে মাতৃবংশ বোলে। এই সমাজ ব্যৱস্থাত কোনো এজন ব্যক্তিক তেওঁৰ মাতৃৰ বংশৰে সূচোৱা হয় আৰু সম্পত্তিৰ বা উপাধিৰ উত্তৰাধিকাৰ জড়িত থাকে।
-
শ্বিলং চেৰী ব্লছম ফেষ্টিভেল
শ্বিলং চেৰী ব্লছম ফেষ্টিভেল (Shillong Cherry Blossom Festival) মেঘালয়ৰ ৰাজধানী শ্বিলঙত অনুষ্ঠিত হোৱা এক বাৰ্ষিক সাংস্কৃতিক অনুষ্ঠান। মূলতঃ নৱেম্বৰ মাহত উদ্যাপন কৰা, এই উৎসৱটো চেৰী ফুল (চেৰী ব্লছম নামেৰে পৰিচিত)ৰ ফুলাৰ কালছোৱাৰ সৈতে মিল খায়।
-
ৰংথাইলিয়াং ১ শিপা দলং
ৰংথাইলিয়াং ১ শিপা দলং (Rangthylliang 1 root bridge) হ'ল উত্তৰ-পূব ভাৰতৰ মেঘালয় ৰাজ্যৰ চেৰাপুঞ্জী অঞ্চলৰ এখন জীৱন্ত শিপাৰ দলং। ইয়াৰ দৈৰ্ঘ্য ৫০ মিটাৰ (১৬০ ফুট)। শিপাৰ দলংসমূহৰ ভিতৰত ই আটাইতকৈ দীঘল। ৰংথাইলিয়াং গাঁৱৰ নামেৰে এই দলংখনৰ নামকৰণ কৰা হৈছে আৰু তাত এনে আৰু ৫খন শিপাৰ দলং আছে।
