ৰংথাইলিয়াং ১ শিপা দলং

ৰংথাইলিয়াং ১ শিপা দলং (Rangthylliang 1 root bridge) হ'ল উত্তৰ-পূব ভাৰতৰ মেঘালয় ৰাজ্যৰ চেৰাপুঞ্জী অঞ্চলৰ এখন জীৱন্ত শিপাৰ দলং। ইয়াৰ দৈৰ্ঘ্য ৫০ মিটাৰ (১৬০ ফুট)।^১২ শিপাৰ দলংসমূহৰ ভিতৰত ই আটাইতকৈ দীঘল। ৰংথাইলিয়াং গাঁৱৰ নামেৰে এই দলংখনৰ নামকৰণ কৰা হৈছে আৰু তাত এনে আৰু ৫খন শিপাৰ দলং আছে।^৩ দুজোপা ৰবৰ (Ficus elastica) গছৰ শিপাৰ পৰা এই দলংখন নিৰ্মাণ কৰা হৈছে। পথচাৰী পাৰাপাৰৰ এই দলংখন দলংখন মাটিৰ পৰা ৩০ মিটাৰ (৯৮ ফুট) ওপৰত ওলমি আছে।^৪ ৰংথাইলিয়াঙৰ পৰা মাউকিৰনোট গাঁৱলৈ যোৱা পথত দলংখন আছে৷^৫