ৰেহানা ফাটিমা

ৰেহানা ফাথিমা (Rehana Fathima)ক সূৰ্য্যগায়ত্ৰী বুলিও কোৱা হয়^১৷ তেওঁ কেৰালাৰ এগৰাকী ভাৰতীয় মহিলা অধিকাৰ কৰ্মী।^২৩৪

তেওঁ টেলিকমিউনিকেচন আৰু মডেলিঙৰ দিশত অৰ্হতা আছে৷ তেওঁ নৈতিক পুলিচিং আৰু যৌনতাবাদৰ বিৰুদ্ধে বিভিন্ন প্ৰতিবাদত অংশগ্ৰহণ কৰিছে। ২০১৮ চনৰ অক্টোবৰ মাহত ফাতিমাই ব্যাপক চৰ্চা লাভ কৰিছিল যেতিয়া উচ্চতম ন্যায়ালয়ে ঋতুস্ৰাৱৰ সময়ত মহিলাৰ ওপৰত থকা মন্দিৰত প্ৰৱেশজনিত নিষেধাজ্ঞা প্ৰত্যাহাৰ কৰাৰ সিদ্ধান্তৰ পিছত তেওঁ কেৰালাৰ সবৰীমালা মন্দিৰত প্ৰৱেশৰ চেষ্টা কৰিছিল৷ তেওঁ মন্দিৰত প্ৰৱেশ কৰিবলৈ বিচৰা দুগৰাকী মহিলাৰ ভিতৰত অন্যতম আছিল। ফেচবুক পোষ্টৰ অভিযোগত আপত্তিজনক পোষ্ট আৰু বডি পেইণ্টিং ভিডিঅ’ৰ বাবে গ্ৰেপ্তাৰ কৰাকে ধৰি তেওঁৰ সক্ৰিয়তাৰ বাবে আইনী পৰিণতিৰ সন্মুখীন হ’বলগীয়া হৈছে। তেখেতে 'শ্বৰীৰাম সমৰাম সন্নিধ্যাম' নামেৰে এখন আত্মজীৱনী লিখিছিল৷^৫

প্ৰাথমিক জীৱন আৰু শিক্ষা

ৰেহানা ফাতিমা প্যাৰিজান চুলাইমানৰ জন্ম হৈছিল এটা মুছলমান পৰিয়ালত।^৬ দ্বাদশ শ্ৰেণীত পঢ়ি থকাৰ সময়তে তেওঁৰ পিতৃ প্যাৰিজান চুলাইমানৰ মৃত্যু হয়।^৩ তেওঁৰ এগৰাকী ভনীয়েক আছে।

তেওঁ ইন্দিৰা গান্ধী ৰাষ্ট্ৰীয় মুক্ত বিশ্ববিদ্যালয়ৰ পৰা প্ৰথমস্থানসহ বি.কম আৰু এম.চি.এ ডিগ্ৰী লাভ কৰিছিল।

কৰ্মজীৱন

ফাতিমাই ২০২০ চনৰ মে' মাহলৈকে বিএছএনএলৰ সৈতে টেলিকমিউনিকেচন টেকনিচিয়ান হিচাপে কাম কৰিছিল,^৭ তাৰপিছত তেওঁ বাধ্যতামূলক অৱসৰ লৈছিল।^৮৯

মহিলা অধিকাৰ কৰ্মী হোৱাৰ আগতে ফাতিমাই মডেলিং কৰিছিল।^২ৰেহানাই পুনে চলচ্চিত্ৰ প্ৰতিষ্ঠানৰ পৰা কবি আৰু স্নাতক স্বামী মনোজ কে শ্ৰীধৰে লিখা আৰু পৰিচালিত ‘একা’ নামৰ এখন মালয়ালম ছবিতো অভিনয় কৰিছে। চিনেমাখনত আন্তঃলিংগ ব্যক্তিৰ জীৱনৰ বিষয়ে কোৱা হৈছে।^{৩১০১১}

যুগ যুগ ধৰি ভাৰতৰ কেৰালাৰ সবৰীমালা মন্দিৰত সন্তান জন্ম দিয়া বয়সৰ (প্ৰায় ১০–৫০ বছৰ বয়সৰ) মহিলাক পূজা কৰাত নিষেধাজ্ঞা আৰোপ কৰা হৈছে। কিছুমান ভক্তৰ মতে তাৰ বাসিন্দা দেৱতাই বৈবাহিক জীৱন পালন কৰি আছে আৰু সন্তান কঢ়িয়াই নিব পৰা মহিলাসকলে তেওঁক ব্ৰতৰ পৰা বিচ্যুত কৰিব পাৰে।^{১২১৩১৪}এনডিটিভিৰ এটা প্ৰবন্ধ অনুসৰি কিছুমানে অনুভৱ কৰে যে মহিলাৰ প্ৰৱেশ অস্বীকাৰৰ মূলতে হৈছে ঋতুস্ৰাৱ কৰা মহিলাসকল "অশুদ্ধ" বুলি প্ৰচলিত হৈ থকা দীৰ্ঘদিনীয়া এক সাংস্কৃতিক বিশ্বাস।.^১৫ ২০১৮ চনৰ ছেপ্টেম্বৰ মাহত ২০ বছৰীয়া আইনী প্ৰত্যাহ্বানৰ অন্তত ভাৰতৰ উচ্চতম ন্যায়ালয়ে এই নিষেধাজ্ঞা প্ৰত্যাহাৰ কৰে।^১৬স্ক্ৰ'লৰ মতে, ২০১৮ চনৰ অক্টোবৰ মাহত ফাতিমা আছিল ঋতুস্ৰাৱ বয়সৰ দুগৰাকী মহিলাৰ ভিতৰত এগৰাকী যিয়ে উচ্চতম ন্যায়ালয়ে সকলো বয়সৰ মহিলাক তাত প্ৰাৰ্থনা কৰিবলৈ প্ৰৱেশৰ অনুমতি দিয়াৰ পিছত মন্দিৰত প্ৰৱেশ কৰিব খোজা দুগৰাকী মহিলাৰ এগৰাকী৷ তেওঁলোক প্ৰথমে কেৰেলাৰ সবৰীমালা মন্দিৰত প্ৰৱেশ কৰিছিল।^১৫মহিলা দুগৰাকীক আশীজন আৰক্ষী বিষয়াই আগবঢ়াই নিছিল যদিও মন্দিৰলৈ যোৱা পবিত্ৰ খোজত প্ৰায় ৩০০ জনীয়া এটা দলে তেওঁলোকক বাধা দিছিল। দ্য কুইণ্ট, দ্য নিউজ মিনিট আৰু ইণ্ডিয়া টুডেৰ বাতৰি অনুসৰি ইয়াৰ পিছত ফাতিমাৰ ঘৰ ভাঙি পেলোৱা হয়।^{১১১৭১৮}