ৰুদ্ৰ (২০২৫ চলচ্চিত্ৰ)

ৰুদ্ৰ (Rudra) হʼল ২০২৫ চনত মুক্তিপ্ৰাপ্ত, ৰূপক গগৈৰ দ্বাৰা পৰিচালিত তথা ৰচিত, অসমীয়া ভাষাৰ এখন একশ্যন থ্ৰিলাৰধৰ্মী চলচ্চিত্ৰ।^১ শ্যাম প্ৰডাকচনজৰ বেনাৰত নিৰ্মিত এই ছবিখনত অভিনয় কৰিছে ৰবি শৰ্মা, আদিল হুছেইন, জয় কাশ্যপ, নন্দিনী কাশ্যপ আৰু অৰ্চিতা প্ৰকাশে।^২ ছবিখনৰ সংগীত ৰচনা কৰিছে দিগন্ত ভাৰতী আৰু ইবচন লাল বৰুৱাই। ছবিখন অসমৰ আইন-শৃংখলা পৰিস্থিতি আৰু বিদ্ৰোহী সংগঠনৰ কাহিনীৰ আলমত নিৰ্মাণ কৰা হৈছে।^৩

অভিনয় শিল্পী

• ৰুদ্ৰৰ চৰিত্ৰত ৰবি শৰ্মা
• যশৱৰ্ধনৰ চৰিত্ৰত আদিল হুছেইন
• সংকল্পৰ চৰিত্ৰত জয় কাশ্যপ
• সুৰভীৰ চৰিত্ৰত নন্দিনী কাশ্যপ
• চʼনিয়াৰ চৰিত্ৰত অৰ্চিতা প্ৰকাশ
• ৰঞ্জিতৰ চৰিত্ৰত মিনৰো শ্ৰ
• তপন খুৰাৰ চৰিত্ৰত ঈশান হাজৰিকা
• দেৱদাস মামাৰ চৰিত্ৰত ৰাজীৱ ক্ৰʼ
• ৰঞ্জনৰ চৰিত্ৰত নিলোৎপল বৰুৱা
• ইন্দ্ৰৰ চৰিত্ৰত হিমাংশু গগৈ
• হিমাংশু প্ৰসাদ দাস
• আধ্যাশ্ৰী উপাধ্যায়

প্ৰযোজনা

অসমৰ বিভিন্ন স্থানৰ লগতে হাইদৰাবাদতো ছবিখনৰ চিত্ৰগ্ৰহণ কৰা হৈছিল।

চিত্ৰগ্ৰহণৰ সময়ত এটা একুৰিয়াম ব্লাষ্টৰ দৃশ্যগ্ৰহণ কৰাৰ সময়ত অভিনেতা ৰবি শৰ্মাই মুখত আঘাত পাইছিল।^৪ ততাতৈয়াকৈ তেওঁক দিছপুৰস্থিত জি.এন.আৰ.চি. চিকিৎসালয়লৈ লৈ যোৱা হৈছিল। চিকিৎসালয়ৰ পৰা মুকলি হোৱাৰ পাছত নিৰ্মাতাসকলে পুনৰ ছবিখনৰ চিত্ৰগ্ৰহণ আৰম্ভ কৰে।^৪

সংগীত

ৰুদ্ৰৰ চাউণ্ডট্ৰেকটি ৰচনা কৰিছে সংগীত শিল্পী দিগন্ত ভাৰতী আৰু ইবচন লাল বৰুৱাই।^৫

মুক্তি

প্ৰথমে ২০২৫ চনৰ ১ মেʼ তাৰিখে ছবিগৃহত মুক্তি পোৱাৰ কথা আছিল যদিও ২০২৫ চনৰ ২৭ জুন তাৰিখেহে ছবিখন মুক্তি পায়।^৬