ৰাধা এণ্ড কৃষ্ণ ৱাক ইন এ ফ্লাৱাৰিং গ্ৰ'ভ

'ৰাধা এণ্ড কৃষ্ণ ৱাক ইন এ ফ্লাৱাৰিং গ্ৰ'ভ'(ৰাধা আৰু কৃষ্ণই ফুলৰ বাগিচা এখনত খোজ কাঢ়িছে) হৈছে প্ৰায় ১৭২০ চনত দ্য কোটা মাষ্টাৰ নামেৰে জনাজাত এজন অচিনাক্ত শিল্পীৰ এখন চিত্ৰ। ই মেট্ৰ'পলিটান মিউজিয়াম অৱ আৰ্ট, / এছিয়ান আৰ্টত সংগ্ৰহিত হৈ আছে।^১

প্ৰাথমিক ইতিহাস আৰু সৃষ্টি

চিত্ৰখন চিয়াঁহী, অস্বচ্ছ জলৰঙ, আৰু কাগজত সোণৰ মাধ্যমেৰে প্ৰস্তুত কৰা হৈছে। ইয়াত সমসাময়িক সম্ভ্ৰান্ত লোকসকলক প্ৰেমিক ৰাধা আৰু কৃষ্ণ হিচাপে চিত্ৰিত কৰা হৈছে। ইয়াৰ জোখ ৭ ১/২ x ৪ ৩/৮ ইঞ্চি। (১৯.১ x ১১.১ চে.মি.)। পদটোত কৃষ্ণই বাঁহী বজোৱাৰ প্ৰতিমূৰ্তি চিত্ৰিত কৰা হৈছে। এই ছবিখন পিছৰ আৰু সম্ভৱতঃ কোনো বেলেগ শিল্পীৰ, প্ৰায় ১৭৫০ চনৰ পৰা ১৭৭৫ চনৰ ভিতৰৰ। ইয়াৰ জোখ ৭ ১/২ x ৪ ৩/৮ ইঞ্চি (১৯.১ x ১১.১ চে.মি.)।^২

পিছৰ ইতিহাস আৰু প্ৰদৰ্শন

২০০৩ চনৰ পৰা বৰ্তমানলৈকে ইয়াৰ মালিক মেট্ৰ'পলিটান মিউজিয়াম অৱ আৰ্টৰ সৈতে জড়িত চিন্থিয়া হেজেন পলস্কি আৰু লিঅ'ন বি পলস্কি ফাণ্ড। ২০১৯ চনৰ হিচাপত বৰ্তমান ইয়াক দেখা পোৱা নাযায়। ২০০৩ চনত টেৰেন্স মেকইনাৰ্নি ফাইন আৰ্টছ লিমিটেডৰ পৰা অধিগ্ৰহণ কৰাৰ পিছত ইয়াক ছবাৰ প্ৰদৰ্শন কৰা হৈছে। টেনেচিৰ নেচভিলৰ ফ্ৰিষ্ট চেণ্টাৰ ফৰ দ্য ভিজুৱেল আৰ্টছ আৰু নিউয়ৰ্কৰ ব্ৰুকলিনৰ দ্য ব্ৰুকলিন মিউজিয়ামত প্ৰকাশ পোৱা " বিষ্ণু: ভাৰতৰ নীলা চালৰ ত্ৰাণকৰ্তা " নামৰ প্ৰদৰ্শনীৰ অংশ হিচাপেও ইয়াক ঋণ দিয়া হৈছিল।

বৰ্ণনা আৰু ব্যাখ্যা

চিত্ৰখনত ৰাধা, কৃষ্ণ, গছ, ফুল, নাৰী, আৰু ময়ুৰৰ চিত্ৰণ কৰা হৈছে। ইয়াত ফুল ফুলা গছ, চৰাই আৰু পিন্ধি থকা কাপোৰৰ চিত্ৰণৰ জৰিয়তে তেওঁলোকৰ প্ৰেম প্ৰকাশ কৰা হয়। হিন্দু শাস্ত্ৰৰ আধাৰত বৰ্ণিত দৃশ্যৰ ই এখন চিত্ৰ।^৩ এই কাহিনীটো প্ৰথমে ভাগৱত পুৰাণত কোৱা হৈছিল, যদিও প্ৰথম অৱস্থাত ৰাধা অচিনাক্ত আছিল। "কৃষ্ণ ঈশ্বৰ হৈ থকাৰ সময়তে ৰাধা কৃষ্ণৰ আত্মা আছিল বুলি ধৰা হৈছিল। কৃষ্ণৰ প্ৰতি ৰাধাৰ যৌন আবেগে আত্মাৰ তীব্ৰ আকাংক্ষাৰ প্ৰতীক আছিল আৰু ব্যভিচাৰ কৰিবলৈ তেওঁৰ ইচ্ছাই ঈশ্বৰৰ প্ৰতি প্ৰেমৰ বাবে যি নিৰপেক্ষ অগ্ৰাধিকাৰ দিব লাগিব, সেই কথা প্ৰকাশ কৰিছিল।"