ৰাণী চিত্ৰলেখা ভোঁচলে

ৰাণী চিত্ৰলেখা ভোঁচলে (Rani Chitralekha Bhonsle, ২৬ ফেব্ৰুৱাৰী ১৯৪১ – ১৬ আগষ্ট ২০১৫) এগৰাকী ৰাজনৈতিক, সমাজকৰ্মী আৰু মহাৰাষ্ট্ৰৰ ভাৰতীয় জাতীয় কংগ্ৰেছৰ প্ৰাৰ্থী হিচাপে নিৰ্বাচিত হোৱা এগৰাকী সাংসদ আছিল.^১২

আৰম্ভণিৰ জীৱন

১৯৪১ চনৰ ২৬ ফেব্ৰুৱাৰীত ভাৰতৰ গুজৰাট ৰাজ্যৰ বৰোদাত ভোঁচলেৰ জন্ম কৰিছিল। ১৯৫৯ চনৰ ২৫ ডিচেম্বৰত তেজসিংৰাও ভোঁচলেৰ সৈতে বিবাহপাশত আবদ্ধ হোৱা চিত্ৰলেখা ভোঁচলেৰ দুজন পুত্ৰ লক্ষ্মণসিং আৰু মানসিংৰ লগতে তিনিগৰাকী কন্যা ললিতৰাজে, মেনকাৰজে আৰু কেতকিৰাজে আছে।^১

শিক্ষা আৰু আগ্ৰহ

ৰাণীয়ে গুজৰাট বৰোদাৰ অধীনস্থ এম.এছ বিশ্ববিদ্যালয়ৰ সাহাজীৰাও গাইকৱাড কলেজৰ পৰা স্নাতক ডিগ্ৰী লাভ কৰে। তেওঁৰ আগ্ৰহৰ ভিতৰত আছে চিত্ৰকলা আৰু অধ্যয়ন। তেওঁ জিলা ভলীবল সংস্থা, নাগপুৰৰো অধ্যক্ষও।^১

কৰ্মজীৱন

১৯৯৮ চনত ৰাণী দ্বাদশ লোকসভালৈ নিৰ্বাচিত হয়। ১৯৯৮–৯৯ চনৰ ভিতৰত কয়লা মন্ত্ৰালয়ৰ পৰামৰ্শদাতা সমিতিৰ তেওঁ সদস্য আছিল।^১