ৰাজ শ্বামানি

ৰাজ শ্বামানি(জন্ম: ২৯ জুলাই ১৯৯৭) এজন ভাৰতীয় প'ডকাষ্টাৰ, উদ্যোগী আৰু লেখক৷^১ তেওঁৰ প'ডকাষ্ট, "ফিগাৰিং আউট উইথ ৰাজ শ্বামানি"-লৈ বিশ্বৰ বহু পৰিচিত অতিথিৰ আগমন ঘটিছে৷ তাৰ ভিতৰত আছে বিল গেটছ, ইমানুৱেল মেক্ৰন, বিজয় মাল্য, আমীৰ খান, কৰণ জোহৰ, মিষ্টাৰ বিষ্ট, এছ. জয়শংকৰ, এম এছ ধোনী^{২৩৪৫৬৭}

প্ৰাৰম্ভিক জীৱন আৰু শিক্ষা

১৯৯৭ চনৰ ২৯ জুলাই তাৰিখে ভাৰতৰ, মধ্যপ্ৰদেশৰ ইন্দোৰত শ্বামানিৰ জন্ম হৈছিল৷ ১৬ বছৰ বয়সতে তেওঁ ৰাষ্ট্ৰসংঘ যুৱ সন্মিলনীক সম্বোধিত কৰা কনিষ্ঠতম ভাৰতীয় হিচাপে পৰিগণিত হয়৷^৮ নেশ্যনেল পাব্লিক স্কুল আৰু প্ৰেষ্টিজ কলেজত তেওঁ শিক্ষা গ্ৰহণ কৰে৷ ^৯

কৰ্মজীৱন

ইনষ্টাগ্ৰাম আৰু ইউটিউবত প্ৰেৰণাদায়ক ভিডিঅ’ৰ জৰিয়তে শ্বামানিয়ে ডিজিটেল কণ্টেণ্ট ক্ৰিয়েচন আৰম্ভ কৰিছিল৷ ২০২১ চনত তেওঁ ব্যক্তিগত বিকাশ আৰু উল্লেখযোগ্য অতিথিসকলৰ সৈতে আলোচনাৰ ওপৰত গুৰুত্ব আৰোপ দি নিজৰ প'ডকাষ্ট "ফিগাৰিং আউট..." আৰম্ভ কৰে।^১০

ৰাজ শ্বামানীয়ে ২০২২ চনত পেংগুইন ৰেণ্ডম হাউছে প্ৰকাশ কৰা বিল্ড, ডন'ট টক নামৰ এখন কিতাপ লিখিছিল। গ্ৰন্থখনত কেৱল কথা কোৱাৰ পৰিৱৰ্তে পদক্ষেপ লোৱাৰ উদ্যোগী মনোভাৱৰ বিষয়ে আলোচনা কৰা হৈছে।^১১১২

শ্বামানীয়ে একাধিক বক্তৃতা প্ৰতিযোগিতা আৰু বিতৰ্কত অংশগ্ৰহণ কৰিছে। তেওঁ ৰাষ্ট্ৰসংঘত ভাৰতক প্ৰতিনিধিত্ব কৰিছিল, আৰু ২০২৪ চনত ৰাষ্ট্ৰীয় সৃষ্টিকৰ্তা বঁটাত প্ৰধানমন্ত্ৰী নৰেন্দ্ৰ মোদীক সম্বোধন কৰিছিল।^১০ ২০২৫ চনৰ অক্টোবৰ মাহত শ্বামানীয়ে শ্বাৰজাহত অনুষ্ঠিত হোৱা শ্বাৰজাহ বিনিয়োগ মঞ্চ–বিশ্ব বিনিয়োগ সন্মিলনত (SIF-WIC) ভাষণ দিছিল, য'ত তেওঁ "আৱেগিক ROI"ৰ ধাৰণাটোৰ বিষয়ে আলোচনা কৰিছিল, যুক্তি দিছিল যে আস্থা আৰু উদ্দেশ্যই ডিজিটেল অৰ্থনীতিৰ সৃষ্টিকৰ্তাসকলৰ বাবে মূলধনৰ ৰূপ হিচাপে কাম কৰিব পাৰে।^১৩

শ্বামানিৰ প’ডকাষ্টৰ জৰিয়তে ২০২৫ চনৰ জুন মাহত বিজয় মালিয়াই ৯ বছৰৰ পাছত প্ৰথমবাৰৰ বাবে ৰাজহুৱা স্থানত উপস্থিত হৈছিল। ৪.৩০ ঘণ্টাৰ এই সাক্ষাৎকাৰটো ভাইৰেল হৈ চাৰিদিনত ২ কোটি ভিউজ লাভ কৰে।^{১৪১৫১৬১৭}

শ্বামানীৰ পডকাষ্টত অংশগ্ৰহণ কৰা আন উল্লেখযোগ্য অতিথিসকলৰ ভিতৰত বিল গেটছ, জেকচন ৱাং আৰু কৰণ জোহৰ।^{১৮১৯২০}