হাণ্টাভাইৰাছ সংক্ৰমণ

হাণ্টাভাইৰাছ সংক্ৰমণ বা হাণ্টাভাইৰাছ ৰোগ হৈছে অৰ্থোহাণ্টাভাইৰাছ প্ৰজাতিৰ ভাইৰাছৰদ্বাৰা হোৱা মানুহৰ সংক্ৰমণ। ইয়াৰ ফলত ৰেনাল চিনড্ৰম (HFRS) বা হাণ্টাভাইৰাছ পালমোনাৰী চিনড্ৰম (HPS)ৰ সৈতে ৰক্তক্ষৰণজনিত জ্বৰ হ’ব পাৰে।^১ এইচ এফ আৰ এছ(HFRS)ৰ লক্ষণসমূহ হ’ল সাধাৰণতে মূৰৰ বিষ, পেটৰ বিষ, জ্বৰ, বমি, ৰক্তক্ষৰণ আৰু বৃক্ক বিকলতা আদি। এইচ পি এছ(HPS)ৰ লক্ষণসমূহ হ’ল ভাগৰুৱা, জ্বৰ, পেশীৰ বিষ, কাহ আৰু উশাহ লোৱাত কষ্ট। সাধাৰণতে ভাইৰাছৰ সংস্পৰ্শৰ ১ৰপৰা ৮ সপ্তাহৰ পিছত প্ৰাৰম্ভিক লক্ষণসমূহ আৰম্ভ হয়।

এইচ এফ আৰ এছ পুৰণি বিশ্বৰ হাণ্টাভাইৰাছৰ বাবে হয় আনহাতে এইচ পি এছ নতুন বিশ্বৰ হাণ্টাভাইৰাছৰ বাবে হয়।^১ ২৮টাতকৈ অধিক নিৰ্দিষ্ট হাণ্টাভাইৰাছে মানুহৰ ৰোগ সৃষ্টি কৰে। সাধাৰণতে যেতিয়া মানুহে তীক্ষ্ণদন্তী প্ৰাণী(ৰোডেণ্ট)ৰ মলৰদ্বাৰা দূষিত বায়ু উশাহত লয় তেতিয়া এই ৰোগ বিয়পে। এই ৰোগৰ দুয়োটা ধৰণৰ অন্তৰ্নিহিত ব্যৱস্থাত নিম্ন প্লেটলেট আৰু ক্ষৰিত ৰক্তবাহী নলী জড়িত হৈ থাকে। তেজৰ পৰীক্ষা]]ৰ ওপৰত ভিত্তি কৰি ৰোগ নিৰ্ণয় কৰা হয়, সাধাৰণতে চেৰ’লজী

প্ৰাথমিক চিকিৎসা আৰম্ভণিৰ যত্ন। ইয়াৰ ভিতৰত অক্সিজেন চিকিৎসা, যান্ত্ৰিক শ্বাস-প্ৰশ্বাস, ডায়েলাইছিছ বা প্লেটলেট ট্ৰান্সফিউজন আদি থাকিব পাৰে। ৰিবাভিৰিন এইচ এফ আৰ এছৰ আৰম্ভণিতে দিলে উপযোগী হ’ব পাৰে। এইচ এফ আৰ এছৰ ক্ষেত্ৰত মৃত্যুৰ আশংকা প্ৰায় ১২% আৰু এইচ পি এছৰ ক্ষেত্ৰত প্ৰায় ৪০%।

বছৰি প্ৰায় এক লাখ এইচ এফ আৰ এছ ধৰা পৰে, আনহাতে ১৯৯৩ চনত প্ৰথমবাৰৰ বাবে এইচ পি এছ ধৰা পৰাৰপৰা প্ৰায় ১০০০টা এইচ পি এছ চিনাক্ত কৰা হৈছে। হাণ্টাভাইৰাছৰ সংক্ৰমণ বুলি বিশ্বাস কৰা বস্তুৰ বৰ্ণনা প্ৰায় ১০০০ খ্ৰীষ্টাব্দৰপৰাই পোৱা যায় যদিও এই ৰোগৰ কাৰণ হোৱা ভাইৰাছটো ১৯৭৬ চনলৈকে, দক্ষিণ কোৰিয়াৰ হাণ্টান নদী অঞ্চলত আৱিষ্কাৰ কৰা হোৱা নাছিল।^২

২০২৬ চনৰ এপ্ৰিল মাহত ডাচ ক্ৰুজ জাহাজ এম ভি হণ্ডিয়াছত এণ্ডিজ ভাইৰাছৰ ফলত হোৱা হাণ্টাভাইৰাছৰ সংক্ৰমণৰ প্ৰাদুৰ্ভাৱ চিনাক্ত কৰা হৈছিল।

লক্ষণ

প্ৰাৰম্ভিক লক্ষণ

২-৪ সপ্তাহৰ ইনকিউবেচন সময়ৰ পিছত সকলো হাণ্টাভাইৰাছৰ বাবে সাধাৰণ ৰোগটো অনিৰ্দিষ্ট লক্ষণৰ পৰা আৰম্ভ হয় যিবোৰৰ ভিতৰত প্ৰচণ্ড জ্বৰ, ঠাণ্ডা লগা, মূৰৰ বিষ, কঁকালৰ বিষ, পেটৰ বিষ, ওকালি অহা আৰু বমি আদি হ’ব পাৰে।^৩

ৰেনাল চিনড্ৰমৰ সৈতে ৰক্তক্ষৰণজনিত জ্বৰ

মূল প্ৰবন্ধ: ৰেনাল চিনড্ৰমৰ সৈতে হাণ্টাভাইৰাছ ৰক্তক্ষৰণজনিত জ্বৰ

ৰেনাল চিণ্ড্ৰমৰ সৈতে ৰক্তক্ষৰণজনিত জ্বৰ (HFRS) মূলতঃ এছিয়া আৰু ইউৰোপৰ হাণ্টাভাইৰাছৰ দ্বাৰা হয়। ভাইৰাছৰ ওপৰত নিৰ্ভৰ কৰি ৰোগৰ লক্ষণ সাধাৰণৰ পৰা মাৰাত্মকলৈকে ভিন্ন হয়। ২ৰ পৰা ৪ সপ্তাহলৈকে ইনকিউবেচনত থকাৰ পিছত লক্ষণে দেখা দিয়ে। তাৰ পিছত ছালৰ তলত ৰক্তক্ষৰণ আৰম্ভ হয়, প্ৰায়ে নিম্ন ৰক্তচাপৰ সৈতে একেলগে হয়, তাৰ পিছত সমগ্ৰ শৰীৰত অধিক আভ্যন্তৰীণ ৰক্তক্ষৰণ হয়। তাৰ পিছত বৃক্কৰ বিসংগতিৰ ফলত অধিক স্বাস্থ্যজনিত সমস্যাৰ সৃষ্টি হয়, যিটো মৃত্যুৰ কাৰণো হ’ব পাৰে। ইউৰোপত এইচ এফ আৰ এছৰ এটা মৃদু ৰূপ দেখা যায়, আৰু ইয়াক "নেফ্ৰ’পেথিয়া এপিডেমিকা" (NE) বুলি কোৱা হয়।^৪

হাণ্টাভাইৰাছ পালমোনাৰী চিনড্ৰম

মূল প্ৰবন্ধ: হাণ্টাভাইৰাছ পালমোনাৰী চিনড্ৰম

হাণ্টাভাইৰাছ পালমোনাৰী চিনড্ৰম (HPS), যাক হাণ্টাভাইৰাছ কাৰ্ডিঅ’পালমোনাৰী চিনড্ৰম (HCPS) বুলিও কোৱা হয়, সাধাৰণতে আমেৰিকান হাণ্টাভাইৰাছৰ দ্বাৰা হয়। ১৬ৰ পৰা ২৪ দিন ইনকিউবেচনত থকাৰ পিছত লক্ষণ দেখা দিয়ে। কেইদিনমানৰ পিছত এইচ এফ আৰ এছৰ দৰে লক্ষণ দেখা দিয়াৰ পিছত হাওঁফাওঁত তৰল পদাৰ্থ জমা হোৱাৰ বাবে হঠাতে ক্ৰমে বাঢ়ি অহা বা নেৰানেপেৰা কাহ, উশাহ লোৱাত কষ্ট পোৱাৰ লগতে হৃদস্পন্দন বৃদ্ধি পায়। এই লক্ষণসমূহৰ লগে লগে লিম্ফ’ইড অংগসমূহৰ বিকলতাও দেখা যায়। গুৰুতৰ লক্ষণ দেখা দিয়াৰ পিছত হৃদযন্ত্ৰৰ শ্বকৰ ফলত ৰোগীৰ দ্ৰুতগতিত মৃত্যু হ’ব পাৰে।^৫ এইচ চি পি এছ সাধাৰণতে নিউ ৱৰ্ল্ড হাণ্টাভাইৰাছৰ সৈতে জড়িত যদিও ইউৰোপৰ পুউমালা ভাইৰাছয়েও এই চিনড্ৰমৰ সৃষ্টি কৰিছে, অৱশ্যে খুব কম সংখ্যক।^৪

কাৰণ

ইয়াৰ কাৰণ হৈছে অৰ্থ’হাণ্টাভাইৰাছৰ ভিতৰৰ ভাইৰাছ, যিটো এলিঅ’ভাইৰেলছ ক্ৰমৰ হাণ্টাভিৰিডে পৰিয়ালৰ একক ডালযুক্ত, আৱৰণযুক্ত, ঋণাত্মক সংবেদনশীল আৰ এন এ ভাইৰাছৰ এটা প্ৰজাতি।^৬ সাধাৰণতে ইহঁতে তীক্ষ্ণদন্তী প্ৰাণী বা ৰোডেণ্টত সংক্ৰমণ ঘটায়, কিন্তু ইহঁতে ৰোগ সৃষ্টি নকৰে।^৬ মানুহ ৰোডেণ্টৰ প্ৰস্ৰাৱ, লেলাউটি বা মলৰ সংস্পৰ্শৰ দ্বাৰা হাণ্টাভাইৰাছৰ দ্বাৰা সংক্ৰমিত হ’ব পাৰে।^৭ বহুতো হাণ্টাভাইৰাছে দুয়োটা ৰোগৰ যিকোনো এটাৰ সৃষ্টি কৰে যদিও কিছুমানে ৰোগ সৃষ্টি কৰে বুলি জনা নাযায়, যেনে প্ৰস্পেক্ট হিল ভাইৰাছ।^৫

সংক্ৰমণ

কপাহী নিগনি বা ''কটন ৰেটSigmodon hispidus'', এটা হাণ্টাভাইৰাছ বাহক যি গ্ৰাম্য আৰু উপনগৰ অঞ্চলত মানুহৰ বাসস্থানত প্ৰৱেশ কৰিলে জনস্বাস্থ্যৰ প্ৰতি ভাবুকি হৈ পৰে। — কপাহী নিগনি বা *কটন ৰেটSigmodon hispidus*, এটা হাণ্টাভাইৰাছ বাহক যি গ্ৰাম্য আৰু উপনগৰ অঞ্চলত মানুহৰ বাসস্থানত প্ৰৱেশ কৰিলে জনস্বাস্থ্যৰ প্ৰতি ভাবুকি হৈ পৰে।ছবি: James Gathany · Public domain

হাণ্টাভাইৰাছ ৰোডেণ্টৰ শৰীৰৰ তৰল পদাৰ্থৰ সংস্পৰ্শৰ দ্বাৰা সংক্ৰমিত হয়, বিশেষকৈ কামোৰৰ ফলত লগা লেলাউটিৰ পৰা আৰু বিশেষকৈ এৰ’ছলত থকা প্ৰস্ৰাৱ আৰু মলত থকা ভাইৰাছৰ কণা উশাহত লোৱাৰ ফলত। হাণ্টাভাইৰাছৰ ফলত হোৱা দুয়োটা ৰোগৰ সংক্ৰমণৰ ধৰণ একে। এইচ চি পি এছ সৃষ্টিকাৰী হাণ্টাভাইৰাছসমূহৰ ভিতৰত এণ্ডিজ ভাইৰাছ অন্যতম, যিটো একমাত্ৰ হাণ্টাভাইৰাছ যিটো ব্যক্তিৰ পৰা আন এজনলৈ বিয়পিব পৰা বুলি নিশ্চিত কৰা হৈছে যদিও ই বৰ কম।^৫

সংক্ৰমণ প্ৰায় সম্পূৰ্ণৰূপে ৰোডেণ্টৰ মলৰ সংস্পৰ্শৰ সৈতে জড়িত বুলি ধৰা হৈছে; কিন্তু ২০০৫ আৰু ২০১৯ চনত দক্ষিণ আমেৰিকাত মানুহৰ পৰা মানুহলৈ এণ্ডিজ ভাইৰাছৰ সংক্ৰমণৰ ৰিপৰ্টো পোৱা গৈছিল।^৮

ৰোগ নিৰ্ণয়

হাণ্টাভাইৰাছ পালমোনাৰী চিনড্ৰম (HPS)ৰ বাবে দ্বিপাক্ষিক পালমোনাৰী ইফিউচনৰ প্ৰাৰম্ভিক পৰ্যায় দেখুওৱা বুকুৰ এক্স-ৰে। এইচ পি এছ আৰম্ভ হয় ইণ্টাৰষ্টিচিয়েল পালমোনাৰী ইডিমাৰ পৰা, গুৰুতৰ দ্বিপাক্ষিক সংক্ৰমণেৰে এলভিওলাৰ ইডিমালৈ আগবাঢ়ি যায়। প্লুৰেল ইফিউচন সাধাৰণতে দেখা যায়।ছবি: CDC/ D. Loren Ketai, M.D. · Public domain

এই সংক্ৰমণ ৰোগ নিৰ্ণয়ৰ বাবে তলত দিয়া কামবোৰ কৰা হয়:^৯

বুকুৰ এক্স-ৰে (পালমোনাৰী ইডিমা)
তেজৰ ৱৰ্কআপ (থ্ৰম্ব’চাইট’পেনিয়া)
ইমিউন’ফ্ল’ৰেচেণ্ট বা ইমিউন’ব্লট পৰীক্ষা (IgM ব্যৱহাৰ কৰি ELISA)

প্ৰতিৰোধ

হাণ্টাভাইৰাছৰ সংক্ৰমণৰ সৰ্বোত্তম প্ৰতিৰোধ হ’ল ঘৰ, কৰ্মক্ষেত্ৰ বা কেম্প ছাইটত ৰোডেণ্টৰ সংস্পৰ্শ আঁতৰোৱা বা কম কৰা।^১০ যিহেতু ভাইৰাছটো ৰোডেণ্টৰ লেলাউটি, বৰ্জিত মল আৰু কামোৰৰদ্বাৰা সংক্ৰমিত হ’ব পাৰে, সেয়েহে মানুহে সঘনাই আহযাহ কৰা অঞ্চলত এন্দূৰ আৰু এন্দূৰ নিয়ন্ত্ৰণ কৰাটো ৰোগ প্ৰতিৰোধৰ বাবে মূল কথা। ৰোডেণ্টৰ বাহ নিষ্কাশন কৰি, এন্দূৰ বা নিগনি প্ৰৱেশ কৰিব পৰা ঘৰৰ যিকোনো ফাট আৰু ফুটা বন্ধ কৰি, ফান্দ স্থাপন কৰি, বিষাক্ত পদাৰ্থ ৰাখি বা ঘৰত মেকুৰীৰ দৰে প্ৰাকৃতিক শিকাৰু ব্যৱহাৰ কৰি সাধাৰণ প্ৰতিৰোধ কৰিব পাৰি।^১১

ৰোডেণ্টৰ খাদ্য, উষ্ণতা, আৰ্দ্ৰতা, ঘৰৰ ভিতৰত হওক বা বাহিৰত হওক আদি কাৰকৰ ওপৰত ভিত্তি কৰি হাণ্টাভাইৰাছবোৰ পৰিৱেশত সংক্ৰামক হৈ থকাৰ সময়সীমা ভিন্ন হয়। এই ভাইৰাছবোৰ সাধাৰণ কোঠাৰ উষ্ণতাত দুদিনৰপৰা তিনিদিনলৈকে সক্ৰিয় হৈ থকাৰ বিপৰীতে প্ৰত্যক্ষ সূৰ্যৰ পোহৰত অতিবেঙুনীয়া ৰশ্মিয়ে কেইঘণ্টামানৰ ভিতৰতে এই ভাইৰাছবোৰক মৃত্যুমুখত পেলায় বুলি প্ৰমাণিত হৈছে। কিন্তু ৰোডেণ্টৰ মল বা প্ৰস্ৰাৱক সদায় সংক্ৰামক বুলি গণ্য কৰিব লাগে।^১২^১৩^১৪ বেছিভাগ গেলামালৰ সামগ্ৰী - বিশেষকৈ টিনত ভৰোৱা বস্তু - সংক্ৰামক বুলি গণ্য কৰাটো বাঞ্ছনীয়, কাৰণ সকলো ঢাকোন ব্যৱস্থাত থকাৰ পিছতো^১৫ ৰোডেণ্টে খাদ্য ভঁৰালত লুকাই চুৰকৈ সোমাই যায়^১৬^১৭। গতিকে সংক্ৰমণ সন্দেহ কৰা পৃষ্ঠভাগ বীজাণুনাশক প্ৰতিৰোধৰ এক গুৰুত্বপূৰ্ণ ব্যৱস্থা। চতুৰ্থ স্তৰৰ এমোনিয়াম যৌগ ("কুৱাক"), আয়’ডিন, ছডিয়াম হাইপ’ক্লৰাইট (ব্লিচ)ৰ পাতল দ্ৰৱক ফলপ্ৰসূ বীজাণুনাশক হিচাপে উল্লেখ কৰা হৈছে।^১৮^১৯ পৰম্পৰাগতভাৱে ব্যৱহৃত হাইপ’ক্লৰাইট আৰু আয়’ডিনৰ দৰে নহয়, পাতল হাইড্ৰ’জেন পেৰাক্সাইড এক অবিষাক্ত, কম জাৰণকাৰী আৰু পৰিৱেশ অনুকূল এণ্টিমাইক্ৰ’বিয়াল এজেণ্ট। তদুপৰি ভাইৰাছ প্ৰতিৰোধৰ প্ৰয়োজনীয়তা পূৰণ কৰিবলৈ যোগান শৃংখলৰপৰা বহু দূৰত অৱস্থিত অঞ্চলত হাইড্ৰজেন পেৰাক্সাইডৰ পাতল জলীয় দ্ৰৱ উৎপাদন কৰিব পাৰি।^২০

ভেকচিন

মূল প্ৰবন্ধ: হাণ্টাভাইৰাছৰ ভেকচিন

হাণ্টান ভাইৰাছ আৰু ছিউল ভাইৰাছৰ বিৰুদ্ধে গোটেই ভাইৰাছ নিষ্ক্ৰিয় দ্বিসম্বন্ধীয় ভেকচিন চীন আৰু দক্ষিণ কোৰিয়াত উপলভ্য। দুয়োখন দেশতে এই ভেকচিনৰ ব্যৱহাৰে অন্যান্য প্ৰতিৰোধমূলক ব্যৱস্থাৰ সৈতে মিলি হাণ্টাভাইৰাছৰ সংক্ৰমণৰ প্ৰাদুৰ্ভাৱ বহু পৰিমাণে হ্ৰাস কৰিছে। এই ভেকচিনসমূহৰ বাহিৰেও চাৰিপ্ৰকাৰৰ ভেকচিনৰ ওপৰত গৱেষণা কৰা হৈছে:এম জিনম খণ্ড আৰু এছ জিনম খণ্ডক লক্ষ্য কৰি ডি এন এ ভেকচিন, ভাইৰাছৰ পুনঃসংযোজিত Gn, Gc, আৰু N প্ৰটিন ব্যৱহাৰ কৰা উপ-ইউনিট ভেকচিন, ভাইৰাছ ভেক্টৰ ভেকচিন যিবোৰত পুনঃসংযোজিত হাণ্টাভাইৰাছ প্ৰটিন সুমুৱাই দিয়া হয়, আৰু ভাইৰাছৰ দৰে কণা ভেকচিন যিবোৰত ভাইৰাছৰ প্ৰটিন থাকে কিন্তু জিনীয় সামগ্ৰীৰ অভাৱ। ইয়াৰে কেৱল ডি এন এ ভেকচিনহে ক্লিনিকেল ট্ৰায়েলত প্ৰৱেশ কৰিছে।^২১^২২ ২০২৬ চনলৈকে এণ্ডিজ হাণ্টাভাইৰাছৰ কোনো ভেকচিন নাছিল।^২৩

নিদান

ৰিবাভিৰিন এইচ পি এছ আৰু এইচ এফ আৰ এছৰ বাবে ঔষধ পাব পাৰে কিন্তু ইয়াৰ ফলপ্ৰসূতা এতিয়াও অজ্ঞাত; তথাপি, সহায়ক চিকিৎসাৰদ্বাৰা স্বতঃস্ফূৰ্তভাৱে আৰোগ্য লাভ কৰা সম্ভৱ। হাণ্টাভাইৰাছৰ সংক্ৰমণৰ সন্দেহ থকা লোকসকলক চিকিৎসালয়ত ভৰ্তি কৰাব পাৰি আৰু অক্সিজেন আৰু যান্ত্ৰিক বায়ু চলাচলৰ সহায় দিয়া হ’ব পাৰে যাতে তেওঁলোকে তীব্ৰ শ্বাস-প্ৰশ্বাসজনিত অসুবিধাৰ সৈতে তীব্ৰ পালমোনাৰী পৰ্যায়ত উশাহ লোৱাত সহায় কৰে।^১১^২৪ ইমিউন’থেৰাপি, হাণ্টাভাইৰাছৰ তীব্ৰ পৰ্যায়ত মানৱ নিষ্ক্ৰিয়কাৰী এণ্টিব’ডি প্ৰদান, কেৱল এন্দুৰ, হামষ্টাৰ আৰু এন্দুৰৰ ওপৰতহে অধ্যয়ন কৰা হৈছে। নিয়ন্ত্ৰিত ক্লিনিকেল ট্ৰায়েলৰ কোনো ৰিপৰ্ট পোৱা নাই।^২৫

মহামাৰী বিজ্ঞান

অষ্ট্ৰেলিয়াৰ বাহিৰে সকলো মহাদেশৰপৰা হাণ্টাভাইৰাছ সংক্ৰমণৰ খবৰ পোৱা গৈছে। ৰেনাল চিনড্ৰমৰ সৈতে ৰক্তক্ষৰণজনিত জ্বৰে বিশেষভাৱে আক্ৰান্ত অঞ্চলসমূহৰ ভিতৰত চীন, কোৰিয়া উপদ্বীপ, ৰাছিয়া (হাণ্টান, পুউমালা আৰু চিউল ভাইৰাছ), আৰু উত্তৰ আৰু পশ্চিম ইউৰোপ (পুমালা আৰু ডব্ৰাভা ভাইৰাছ) আদি অন্তৰ্ভুক্ত। হাণ্টাভাইৰাছ পালমোনাৰী চিনড্ৰমৰ প্ৰাদুৰ্ভাৱ বেছি হোৱা অঞ্চলসমূহৰ ভিতৰত আৰ্জেণ্টিনা, চিলি, ব্ৰাজিল, আমেৰিকা যুক্তৰাষ্ট্ৰ, কানাডা, পানামা আদি উল্লেখযোগ্য।

তথ্যসূত্ৰ

↑ (9 September 2020). CDC - Hantavirus. www.cdc.gov
↑ ICTV 9th Report (2011) – Negative Sense RNA Viruses – Bunyaviridae. International Committee on Taxonomy of Viruses (ICTV)
↑ Association, American Lung. Diagnosing and Treating Hantavirus Pulmonary Syndrome (HPS). www.lung.org
↑ (2017). Hantavirus infection: a global zoonotic challenge.. Virol Sin. পৃ. 32–43
↑ (2020). Synanthropic rodents as virus reservoirs and transmitters.. Rev Soc Bras Med Trop
↑ (18 May 2017). Rodent-borne diseases. European Centre for Disease Prevention and Control
↑ Vial, Pablo A; Ferrés, Marcela; Vial, Cecilia. (September 2023). Hantavirus in humans: a review of clinical aspects and management. The Lancet Infectious Diseases. পৃ. e371–e382
↑ (2005). Person-to-person transmission of Andes virus. Emerging Infectious Diseases. পৃ. 1848–1853
↑ Moore, Ross A.; Griffen, David. (2021). StatPearls. StatPearls Publishing
↑ (22 February 2019). Hantavirus Prevention. CDC. USA.gov
↑ (26 November 2015). Hantavirus: Canadian Lung Association. Canadian Lung Association
↑ Washington State Department of Labor & Industries. (April 2010). Hantavirus Pulmonary Syndrome (HPS) and the workplace. wisha-training.lni.wa.gov
↑ Canadian Centre for Occupational Health and Safety. (8 January 2016). Hantavirus: OSH Answers. www.ccohs.ca
↑ Washington State Department of Health. (2017). Hantavirus. www.doh.wa.gov
↑ Hedges, Stoy. (12 October 2021). Is a Mouse-Free Warehouse Possible? Almost. www.qualityassurancemag.com
↑ Bhatnagar, Parija. (2024-02-27). Family Dollar to pay nearly $42 million in connection with rodent-infested warehouse · CNN Business. CNN
↑ Nguyen, My. (2026-03-30). Woolworths fined for rodent infestation. Inside FMCG
↑ Hanta Virus. www.cerl-fsi.com
↑ GmbH, VireXbuster by DaXem. (2026-05-11). Hantavirus Outbreak 2026: What Disinfectants Kill Andes Virus — and What the MV Hondius Crisis Means for Your Facility - VireXbuster
↑ Pangotra, Dhananjai; Csepei, Lénárd-István; Roth, Arne. (April 2022). Anodic production of hydrogen peroxide using commercial carbon materials. Applied Catalysis B: Environmental
↑ (2020). Vaccines and Therapeutics Against Hantaviruses.. Front Microbiol
↑ (2019). Progress on the Prevention and Treatment of Hantavirus Disease.. Viruses. পৃ. 610
↑ Malik, Anaya. (9 May 2026). Hantavirus Risks Grow Without Licensed Vaccine - section Why Andes Virus Vaccines Remain Elusive. European Medical Journal
↑ CDC – Diagnosing and Treating Hantavirus Pulmonary Syndrome (HPS) – Hantavirus. www.cdc.gov
↑ Jonsson, Colleen B.; Hooper, Jay; Mertz, Gregory. (1 April 2008). Treatment of hantavirus pulmonary syndrome. Antiviral Research. পৃ. 162–169

সম্পৰ্কিত শ্ৰেণী

ৰোগ ভাইৰাছজনিত ৰোগ

উৎস আৰু অনুজ্ঞাপত্ৰ

উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “হাণ্টাভাইৰাছ সংক্ৰমণ” প্ৰবন্ধৰ সংশোধন ৬১৩১৫০ (১৯ জুন ২০২৬)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।