লীলাৱতী শইকীয়া বৰা

লীলাৱতী শইকীয়া বৰা একাধাৰে ভাষাবিদ,অনুবাদক, গল্পকাৰ, কবি, সম্পাদক, অধ্যাপক৷ তেখেতে গুৱাহাটী বিশ্ববিদ্যালয়ৰ অসমীয়া বিভাগৰ পৰা অধ্যাপক হিচাপে অৱসৰ গ্ৰহণ কৰে৷ তেখেতে অসমীয়া ভাষা-সাহিত্য বিষয়ক ১০খন তাত্ত্বিক গ্ৰন্থ প্ৰণয়ন কৰাৰ লগতে ৮খন গ্ৰন্থ সম্পাদনা কৰিছে৷ সৃষ্টিশীল সাহিত্যৰ ক্ষেত্ৰখনতো তেওঁৰ অৱদান আছে৷ তেখেতে এখন চুটিগল্প বিষয়ক গ্ৰন্থ, তিনিখন কবিতা পুথি লিখাৰ উপৰি দুখনকৈ চুটিগল্পৰ গ্ৰন্থ, এখন উপন্যাস অনুবাদ কৰিছে৷

জন্ম আৰু বংশ পৰিচয়

তেখেতৰ জন্ম হয় ১৯৪৮ চনৰ ২৭ নৱেম্বৰত৷ জন্ম স্থান- চলচলি হালোৱাগাঁও, নগাঁও৷ পিতৃৰ নাম মোহন চন্দ্ৰ শইকীয়া আৰু মাতৃৰ নাম নিসাৰী শইকীয়া

বৈবাহিক জীৱন

তেখেতৰ বিবাহ হয় ১৯৭৪ চনৰ ৮ ডিচেম্বৰ তাৰিখে৷ স্বামীৰ নাম গল্প সৌৰভ খ্যাত যতীন বৰা৷

শিক্ষা

• হাইস্কুল শিক্ষান্তঃ ১৯৬৬ চন৷ হালোৱাগাঁও গাৰ্লছ হাইস্কুল৷
• প্ৰাক্ স্নাতকঃ ১৯৬৭ চন৷ নগাঁও গাৰ্লছ কলেজ
• স্নাতকঃ ১৯৭০ চন,নগাঁও গাৰ্লছ কলেজ৷ অসমীয়া বিষয়ত গুৱাহাটী বিশ্ববিদ্যালয়ৰ ভিতৰত সৰ্বোচ্চ নম্বৰ লাভ৷
• স্নাতকোত্তৰঃ ১৭৭২ চন৷ গুৱাহাটী বিশ্ববিদ্যালয়ৰপৰা ভাষা বিষয়ত বিশ্ববিদ্যালয়ৰ প্ৰথম শ্ৰণীৰ প্ৰথম৷

প্ৰকাশিত সাহিত্যৰাজি

• ভাষা সাহিত্যৰ সুবাস, চন্দ্ৰ প্ৰকাশ, ১৯৯২
• মাধৱ কন্দলিৰ ৰামায়ণৰ ভাষা, অসম সাহিত্য সভা, ১৯৯৩
• সংস্কৃত পালি প্ৰাকৃত আৰু অসমীয়া ব্যাকৰণ, বনলতা, ২০০২
• অসমীয়া ভাষাৰ ৰূপতত্ত্ব, বনলতা, ২০০৬
• সাহিত্য আৰু সাহিত্যিকৰ ভাষা, ষ্টুডেণ্টচ্ ষ্ট’ৰচ্, ২০০৭
• ভাষা-সাহিত্য-বিচিত্ৰা, চন্দ্ৰ প্ৰকাশ, ২০১০
• গ্ৰন্থ সুবাস, বিশাল প্ৰকাশন, ২০১১
• Development of Assamese Prose, Panchajanya, 2015
• অসমীয়া ব্যাকৰণ আৰু ব্যৱহাৰ, অসম সাহিত্য সভা, ২০১৬
• সোঁৱৰণীৰ সঁফুৰা, পাঞ্চজন্য, ২০১৭

কবিতা পুথি

• সোণালী পৃথিৱী, ১৯৮৮
• সোণালী সুঘ্ৰাণ, ২০০৪
• ত্ৰিতৰঙ্গ, ২০২০

গল্প সংকলন

• বেলি লহিওৱাৰ পৰত, পাঞ্চজন্য প্ৰকাশন, ২০১৩

অনূদিত উপন্যাস

• এতোৱা মুণ্ডাৰ যুদ্ধজয় (মূলঃ মহাশ্বেতা দেৱীৰ Etoa Munda won the Battle ), নেচনেল বুক ট্ৰাষ্ট, ১৯৯৮

অনূদিত চুটিগল্প

• ৰক্তাক্ত ভল্গা, চন্দ্ৰ প্ৰকাশ, ২০২২
• ৰুছ যুদ্ধৰ শ্ৰেষ্ঠ গল্প, ষ্টুডেণ্টছ্ ষ্ট’ৰ্চ, ২০০৮

সম্পাদিত গ্ৰন্থ

• প্ৰবন্ধাৱলী, চন্দ্ৰ প্ৰকাশ, ১৯৯৯
• ভাষা-জিজ্ঞাসা, বনলতা, ২০০২
• জ্যোতি অন্বেষা, বাণী মন্দিৰ, ২০০৩
• অসমীয়া চুটিগল্পৰ সুবাস, গুৱাহাটী বিশ্ববিদ্যালয় প্ৰকাশন, ২০০৩^১
• বডু চণ্ডীদাসৰ শ্ৰীকৃষ্ণকীৰ্তন, অসম প্ৰকাশন পৰিষদ, ২০০৭^২
• ডঃ গোলোক চন্দ্ৰ গোস্বামীঃ ভাষাৰ আজীৱন সাধক, ২০১০
• আধুনিক অসমীয়া গদ্য,প্ৰথম খণ্ড, ২০১৩
• গল্প সৌৰভ, যতীন বৰা ৰচনাৱলী, পাঞ্চজন্য প্ৰকাশন, ২০১৪

সম্পাদিত আলোচনী

• উদ্দীপনাঃ সদৌ অসম লেখিকা সমাৰোহ সমিতিৰ জালুকবাৰী শাখাৰ মুখপত্ৰ, ১৯৯৮,২০০০
• অন্বেষণ, গুৱাহাটী বিশ্ববিদ্যায়ৰ অসমীয়া বিভাগৰ গৱেষণা পত্ৰিকা, ২০০০
• The Ramayana: Its Impact of Life and Culture, ২০০৩

বঁটা আৰু সন্মান

• ২০১২ চনত অসম সাহিত্য সভাৰ ‘শ্ৰমিকপ্ৰাণ সৰ্বেশ্বৰ বৰদলৈ অসম সাহিত্য সভা বঁটা’
• ২০১৪ চনত ‘মাণিক চন্দ্ৰ বৰুৱা বঁটা’
• ২০১৭-১৮ চনত সদৌ অসম লেখিকা সমাৰোহ সমিতিৰ ‘কাব্যশ্ৰী নলিনীবালা দেৱী বঁটা’
• অসম চৰকাৰৰ সাহিত্যিক পেঞ্চন, ২০১৯-২০ বৰ্ষ

ৰাজহুৱা কাম-কাজ

১০ বছৰ গুৱাহাটী বিশ্ববিদ্যালয়ৰ অসমীয়া বিভাগৰ সাহিত্য চ’ৰাৰ সভানেত্ৰী (১৯৯৫-২০০৫) ১৮ বছৰ জালুকবাৰী শাখা লেখিকা সমাৰোহ সমিতিৰ প্ৰিতষ্ঠাপক সভানেত্ৰী (১৯৯৬-২০১৩) হাতীগাঁও মহিলা অধ্যয়ন চক্ৰৰ প্ৰতিষ্ঠাপক সভানেত্ৰী, ২০১৫ গুৱাহাটী বিশ্ববিদ্যালয়ৰ ষ্টাফ কলেজত তিনিটা অনুশীলন পাঠ্যক্ৰমৰ সংযোজক৷ ডিব্ৰুগড় বিশ্ববিদ্যালয়ৰ অতিথি অধ্যাপক