মৰিষ্কা পোখৰেল

মৰিষ্কা পোখৰেল (मरिष्का पोखरेल) এগৰাকী নেপালী চলচ্চিত্ৰ অভিনেত্ৰী, মডেল আৰু চিত্ৰশিল্পী। ‘মৰিষ্কা’ নামটো তেওঁৰ পৰিয়াল প্ৰদত্ত নাম। এই হিব্ৰু ভাষাৰ নামটোৰ অৰ্থ হৈছে জলপৰী বা সাগৰৰ দেৱী। ২০১৬ চনত, আকাশ অধিকাৰীৰ পৰিচালনাত নিৰ্মিত কে ম তিম্ৰো হৈন ৰ নামৰ ছবিখনত অভিনয়েৰে তেওঁ চলচ্চিত্ৰ জগতত পদাৰ্পণ কৰে।^১ একে বছৰতে তেওঁৰ দ্বিতীয়খন চলচ্চিত্ৰ চপলী হাইট ২য়ো মুক্তি পাইছিল। মনস্তাত্ত্বিক থ্ৰিলাৰধৰ্মী এই নেপালী ছবিখনৰ পৰিচালক আছিল আছিল দীপেন্দ্ৰ কে খানাল আৰু প্ৰযোজক আছিল অৰ্জুন কুমাৰ। ছবিখন ২০১২ চনৰ ছবি চপলী হাইট-ৰ ছিকুৱেল আছিল।^২

কৰ্মজীৱন

পোখৰেলে, ২০২০ চনত, য়াৰা নামৰ হিন্দী চলচ্চিত্ৰ এখনত অভিনয় কৰিছিল। অলিভিয়াৰ মাৰ্চালৰ ছবি ‘এ গেং ষ্ট’ৰী’ৰ আধাৰত নিৰ্মিত, টিগমাংশু ঢুলীয়াৰ দ্বাৰা পৰিচালিত, এই ছবিখনত বিদ্যুৎ জামৱাল আৰু শ্ৰুতি হাছানে মুখ্য চৰিত্ৰত অভিনয় কৰিছে।^৩ কে ম তিম্ৰো হৈন ৰ (২০১৬) নামৰ ছবিখনত আৰিয়ান অধিকাৰীৰ বিপৰীতে অভিনয়েৰে তেওঁ নেপালী চলচ্চিত্ৰত আত্মপ্ৰকাশ কৰে।^১ ইয়াৰ পিছত চপলী হাইট ২ (২০১৬), লাম্ফু (২০১৮), পণ্ডিত বাজেকো লৌৰী (২০১৮),^৪ ছালি কস্কো ভেনাকো: (২০১৮) আৰু মিষ্টাৰ ভাৰ্জিন (২০১৮)ৰ দৰে ছবিসমূহত অভিনয় কৰে। মিষ্টাৰ ভাৰ্জিন (২০১৮) চলচ্চিত্ৰখনত এগৰাকী এস্কৰ্টৰ চৰিত্ৰত অভিনয় কৰাৰ বাবে নিজকে প্ৰস্তুত কৰিবলৈ তেওঁ ‘কল গাৰ্লছ’ৰ জীৱনশৈলী আৰু দৈনন্দিন সময়সূচীৰ বিষয়ে জানিবলৈ গৱেষণা কৰিবলগীয়া হৈছিল।^৫

২০১৫ চনত, স্বৰূপ ৰাজ আচাৰ্যৰ আজা মান মা তিম্ৰো নামৰ সংগীত ভিডিঅ’ এটিত পোখাৰেলে অভিনয় কৰিছিল। তাৰ পিছৰ পৰাই ২০১৯ চনৰ মাজভাগলৈকে ইতিমধ্যে দুডজন নেপালী সংগীত ভিডিঅ’ত কাম কৰিছে। ইউটিউবত, তেওঁৰ আটাইতকৈ বেছি চোৱা সংগীত ভিডিঅ’সমূহৰ ভিতৰত শিৰফুল^৬ আৰু শালকো পাত অন্যতম।^৭ বিষ্ণু মাঝিৰ শালকো পাতে তেওঁলৈ খ্যাতি কঢ়িয়াই আনিছিল আৰু ইয়ে সকলো বয়সৰ দৰ্শকৰ দৃষ্টি আকৰ্ষণ কৰিবলৈ সক্ষম হৈছিল।^৮

চলচ্চিত্ৰপুঞ্জী

অভিনেত্ৰী হিচাপে

পৰিচালক হিচাপে

তলত তেওঁৰ দ্বাৰা পৰিচালিত সংগীত ভিডিঅ'সমূহ তলত উল্লেখ কৰা হ'ল:

সংগীত ভিডিঅʼ

পোখাৰেলে ইতিমধ্যে ২০১৯ চনৰ মাজভাগলৈকে প্ৰায় দুডজন সংগীত ভিডিঅ’ত কাম কৰিছে। তেওঁৰ অভিনীত কিছুমান সংগীত ভিডিঅ’ তলত দিয়া হ’ল:

জনহিতৈষী কাম-কাজ

ৰূপালী পৰ্দাৰ বাহিৰেও পোখৰেলে শিশুৰ অধিকাৰৰ বাবে কাম কৰা সংস্থাসমূহত সক্ৰিয়ভাৱে জড়িত হৈ আছে আৰু কলা তথা চিত্ৰশিল্পৰ কামসমূহত যথেষ্ট সময় কটায়। কলাৰ ক্ষেত্ৰত শৈশৱৰ পৰাই তেওঁৰ আগ্ৰহ আছিল।^১৪ ২০১৮ চনৰ আৰম্ভণিৰ পৰাই তেওঁ হিউমেন লাইফ প্ৰটেকচন ফ’ৰাম (অলাভজনক সংস্থা)ৰ সমন্বয়ক হিচাপে কাম কৰি আহিছে। ২০১৭ চনৰ পৰা সেৱা সংস্থা ৰটাৰীৰ সৈতে পোখৰেল জড়িত। ৰটাৰী ইণ্টাৰনেশ্যনেল এম এইচ এম হৈছে আমেৰিকাৰ আন্তঃৰাষ্ট্ৰীয় সেৱা সংস্থা যাৰ উল্লিখিত উদ্দেশ্য হৈছে মানবতাৰ সেৱাত ব্যৱসায়ী তথা পেছাদাৰী নেতৃবৃন্দক একত্ৰিত কৰা আৰু বিশ্বজুৰি শান্তিৰ বাৰ্তা কঢ়িয়াই নিয়া। তেওঁ বানেশ্বৰ ৰটাৰী ক্লাবৰ এগৰাকী সক্ৰিয় সদস্য হোৱাৰ উপৰিও ২০১৯-২০ বৰ্ষৰ বাবে এগৰাকী সঞ্চালকো (জনসংযোগৰ অধ্যক্ষ) আছিল।^১৫