কেকী অধিকাৰী

কেকী অধিকাৰী (केकी अधिकारी; জন্ম: ১৭ ডিচেম্বৰ, ১৯৮৯) এগৰাকী নেপালী চলচ্চিত্ৰ অভিনেত্ৰী।^১ তেওঁ ইতিমধ্যে কেইবাটাও সংগীত ভিডিঅ’, দূৰদৰ্শন বিজ্ঞাপন, ছপা বিজ্ঞাপন আৰু নেপালী ভাষাৰ চলচ্চিত্ৰত অভিনয় কৰিছে। তেওঁ চলচ্চিত্ৰ জগতত প্ৰৱেশ কৰাৰ পূৰ্বে সংগীত ভিডিঅ’ত অভিনয় কৰিছিল। তেওঁৰ অভিনীত প্ৰথমখন ছবি আছিল স্বৰ, য'ত তেওঁ অভিনেতা ৰাজ বল্লভ কৈৰালাৰ বিপৰীতে অভিনয় কৰিছিল। পৰৱৰ্তী সময়ত তেওঁ আই এম ছৰী, মাছান,^২ মায়াকো বাৰীমা, মহছুছ, বিতেকা পল^৩ আৰু মেৰো বেষ্ট ফ্ৰেণ্ডৰ দৰে ছবিসমূহত অভিনয় কৰি ভূয়সী প্ৰশংসা লাভ কৰে।^৪ শেহতীয়াকৈ তেওঁ সাহিত্যিক তথা গৱেষক সত্যমোহন জোশীৰ দ্বাৰা ৰচিত ঐতিহাসিক নাট চাৰুমতীত অভিনয়েৰে থিয়েটাৰ জগততো আত্মপ্ৰকাশ কৰে।^৫

ব্যক্তিগত জীৱন

২০২২ চনৰ ২১ এপ্ৰিল তাৰিখে, অধিকাৰীয়ে প্ৰেমিক ৰোহিত তিৱাৰীৰ সৈতে বিবাহপাশত আবদ্ধ হয়।

শিক্ষা

২০১৬ চনত কেকি অধিকাৰীয়ে কাঠমাণ্ডু জিলাৰ বানেশ্বৰৰ থাপাগাঁৱত অৱস্থিত প্ৰেচিডেন্সিয়েল বিজনেছ স্কুলৰ পৰা মানৱ সম্পদ ব্যৱস্থাপনাত এম বি এ ডিগ্ৰী লাভ কৰে।^৬ তেওঁ ২০১৩ চনত ত্ৰিভুৱন বিশ্ববিদ্যালয়ৰ পৰা ব্যৱসায়ত স্নাতক ডিগ্ৰী আৰু প্ৰাইম কলেজৰ পৰা ইনফৰ্মেশ্যন মেনেজমেণ্ট (বি আই এম)ত স্নাতক ডিগ্ৰী লাভ কৰে।^৭

চলচ্চিত্ৰপুঞ্জী

বঁটা