মেথিল দেৱীকা

মৈথিল দেৱীকা, জন্ম: ১৯৭৬ চন, এগৰাকী ভাৰতীয় শাস্ত্ৰীয় নৃত্যশিল্পী আৰু গৱেষণা তত্ত্বাৱধায়ক।^১ তেওঁ ভাৰতীয় মহাকাশ গৱেষণা সংস্থাৰ ইণ্ডিয়ান ইনষ্টিটিউট অৱ স্পেচ ছায়েন্স এণ্ড টেকন'লজিৰ জ্যেষ্ঠ গৱেষণা সহযোগী আছিল, ২০২৩ চনত তেওঁৰ নিজে পৰিকল্পনা কৰা আৰ্টচ্ ইণ্টিগ্ৰেটেড এডভান্স চাইন্স প্ৰজেক্টত কাম কৰিছিল।^২ বৰ্তমান তেওঁ কেৰালাৰ মুখ্যমন্ত্ৰীৰ নভা কেৰালা পোষ্ট ডক্টৰেট ফেল'শ্বিপ কৰি আছে। তেওঁৰ গৱেষণাৰ বিষয়, মন্দিৰ পৰিসৰত মহিলা নৃত্যশিল্পীৰ বাবে নতুন প্ৰদৰ্শন স্থান: এ ষ্টাডি অন হাউ দ্য মডাৰ্ণ উইমেন ৰি-ইনভাৰ্ট হাৰ ইছ'টেৰিক স্পেচ।^৩

প্ৰাৰম্ভিক জীৱন

দেৱীকাৰ দুগৰাকী জ্যেষ্ঠ ভগ্নীৰ এগৰাকী ৰাধিকা পিল্লাই, শিক্ষক আৰু কলা সমালোচক আৰু মৈথিল ৰেণুকা^১ যিয়ে ফৰ্বছৰ সম্পাদক হিচাপে কাম কৰে। প্ৰখ্যাত সাহিত্যিক মৈথিল ৰাধাকৃষ্ণন তেওঁৰ আপোন মোমায়েক। লেখক ভি কে এনৰ পত্নী বেদৱতী তেওঁৰ নিজৰ মাহীয়েক।^১

মৈথিল দেৱীকাই তিৰুচিৰাপল্লীৰ ভাৰতীদাসন বিশ্ববিদ্যালয়ৰ পৰা মোহিনীঅট্টমত পি.এইচ.ডি. ডিগ্ৰী লাভ কৰে।^৪ তেওঁ কলকাতাৰ ৰবীন্দ্ৰ ভাৰতী বিশ্ববিদ্যালয়ৰ পৰা পৰিৱেশ্য কলাত এম.এ. আৰু মাদ্ৰাজ বিশ্ববিদ্যালয়ৰ পৰা এম বি এ ডিগ্ৰী লাভ কৰিছে।^৫

কৃতিত্ব

মৈথিল দেৱীকাই ভাৰতৰ খাজুৰাহো আন্তঃৰাষ্ট্ৰীয় মহোৎসৱকে ধৰি বিভিন্ন নৃত্য মহোৎসৱত এককভাৱে নৃত্য পৰিৱেশন কৰিছে।^৬

তেওঁ মাদ্ৰাজ মিউজিক একাডেমি,^৭ মুদ্ৰা উৎসৱ^৮ আৰু নিশাগন্ধী নৃত্য উৎসৱত নৃত্য অনুষ্ঠান পৰিৱেশন কৰিছে।^৯ বিদেশৰ মাটিত তেওঁ বষ্টন,^১০ নিউয়ৰ্ক চহৰ, টেক্সাছ, ফিলাডেলফিয়া, লাওছ,^১১ চিয়াং মাই,^১২ ছিডনী আৰু মেলবৰ্ণ^১৩ আদি বিভিন্ন দেশত অনুষ্ঠান পৰিৱেশন কৰিছে।

ডকুমেণ্টেছন

২০১৮ চনত দেৱীকাই এখন চুটি ছবি তথ্যচিত্ৰ সৰ্পততৱাম বা দ্য চাৰ্পেণ্ট উইজডম নামৰ এখন চুটি ছবি নিৰ্মাণ কৰিছিল। ছবিখনত তেওঁ গীতৰ কথা লিখে আৰু সংগীত সংযোজন কৰে, নৃত্যৰ নৃত্য পৰিচালনা আৰু পৰিৱেশন কৰাৰ উপৰি সহ-পৰিচালক আৰু সহ-প্ৰযোজক হিচাপেও কাম কৰে।^১৪ ২০১৮ চনত এই ছবিখনে অকাডেমী বঁটাৰ প্ৰতিদ্বন্দ্বিতাত অৱতীৰ্ণ হৈ ভোট লাভ কৰিছিল।^১৫ এল এৰ প্ৰেষ্টিজ থিয়েটাৰত ছবিখনৰ প্ৰিমিয়াৰ শ্ব’ হোৱাৰ লগতে বিভিন্ন আন্তঃৰাষ্ট্ৰীয় থিয়েটাৰতো ই প্ৰদৰ্শিত হৈছিল। ভাৰতৰ ৰাষ্ট্ৰীয় চলচ্চিত্ৰ আৰ্কাইভ, পুনেতো ছবিখন মুকলি কৰা হৈছিল।

সম্প্ৰদায় ডান্স কোম্পানীয়ে পৃষ্ঠপোষকতা কৰা মৈথিল দেৱীকাৰ আন এক সৃষ্টি “অহল্যা’’ও ২০২১ চনৰ মে' মাহত বিশ্ব প্ৰিমিয়াৰৰ বাবে মুকলি হয়।^১৬

বঁটা

দেৱীকাৰ আৰ্কাইভত সংগৃহীত ছবিখন ২০১৮ চনৰ অকাডেমি বঁটাৰ প্ৰতিদ্বন্দ্বিতা তালিকাত ভোট লাভ কৰিছিল।^১৭১৫ তেওঁ দুটা ৰাষ্ট্ৰীয় বঁটা লাভ কৰে, মোহিনীঅট্টম ২০০৭ৰ^১৮ বাবে “ওস্তাদ বিছমিল্লাহ যুৱপুৰস্কাৰ’’ আৰু ২০১০ চনত উৰিষ্যাৰ মন্ত্ৰীৰ পৰা “দেৱদাসী বঁটা’’ লাভ কৰে।^১৯ তেওঁ লাভ কৰা ৰাজ্যিক সন্মান হ’ল, ক্ষেত্ৰকলা অকাডেমি বঁটা ২০২০^২০ আৰু কেৰালা সংগীত নাটক একাডেমী বঁটা ২০১১ চনৰ।^২১২২

২০১৬ চনত মাদ্ৰাজ মিউজিক অকাডেমিৰ পৰা মিড-ইয়াৰ ফেষ্টৰ শ্ৰেষ্ঠ নৃত্যশিল্পী বঁটা লাভ কৰে।^২৩ ২০১০ চনত তেওঁক SPIC‐MACAY অৰ্থাৎ ছ'চাইটি ফৰ দ্য প্ৰমোচন অৱ ইণ্ডিয়ান ক্লাছিকেল মিউজিক এণ্ড কালচাৰ এমংষ্ট ইউথত নিযুক্তি দিয়া হয়।^২৪২৫ তেওঁ ভাৰতীয় সাংস্কৃতিক সম্পৰ্ক পৰিষদত মোহিনীঅট্টমৰ বাবে এম্পেনেল শিল্পী।^২৬ শেহতীয়াকৈ তেওঁৰ বঁটা হৈছে দক্ষিণমূৰ্তিপুৰস্কাৰ, যিটো তেওঁ ২০২২ চনত পণ্ডিত হৰিপ্ৰসাদ চৌৰাচিয়া আৰু শিৱামণিৰ সৈতে লাভ কৰে।^২৭