ভাৰতী পাৱাৰ

ভাৰতী প্ৰবীণ পাৱাৰ (Bharati Pravin Pawar) এগৰাকী ভাৰতীয় ৰাজনীতিবিদ। ২০২১ চনৰ ৭ জুলাইৰ পৰা ২০২৪ চনৰ ১১ জুনলৈ তেওঁ ভাৰতৰ স্বাস্থ্য আৰু পৰিয়াল কল্যাণ বিভাগৰ ৰাজ্যিক মন্ত্ৰী^১ হিচাপে কৰ্মনিৰ্বাহ কৰিছে৷ পুনৰ ২০২৩ চনৰ ৭ ডিচেম্বৰৰ পৰা ২০২৪ চনৰ ১১ জুনলৈ জনজাতি পৰিক্ৰমা ৰাজ্যিক মন্ত্ৰী হিচাপে কাৰ্যনিৰ্বাহ কৰিছিল৷ তেওঁ ভাৰতীয় জনতা পাৰ্টিৰ সদস্য৷

২০১৯ চনত তেওঁ লোকমত মিডিয়া গোষ্ঠীৰ পৰা শ্ৰেষ্ঠ মহিলা সংসদ সদস্যৰ সন্মান লাভ কৰিছে৷^২৩

প্ৰাথমিক জীৱন

১৯৭৮ চনৰ ১৩ ছেপ্টেম্বৰত মহাৰাষ্ট্ৰৰ নাশিকৰ আদিবাসী অঞ্চলৰ নাৰুল-কালৱানত ভাৰতী পাৱাৰৰ জন্ম হৈছিল।^৪৫প্ৰবীণ পাৱাৰৰ সৈতে তেওঁৰ বিবাহ সম্পন্ন হয়।

তেওঁ প্ৰাক্তন মন্ত্ৰী অৰ্জুন তুলশীৰাম পাৱাৰৰ বোৱাৰী।^৬৭৮৯

শিক্ষা

পাৱাৰে ২০০২ চনত^১০ এন.ডি.এম.ভি.পি.ৰ মেডিকেল কলেজ, নাচিকৰ পৰা এম বি বি এছ লাভ কৰে।^৫

ৰাজনৈতিক জীৱন

ভাৰতী পাৱাৰে জিলা পৰিষদৰ সদস্য হিচাপে নিজৰ ৰাজনৈতিক জীৱন আৰম্ভ কৰে।^৫ ২০১৪ চনত জাতীয়তাবাদী কংগ্ৰেছ দলৰ প্ৰাৰ্থী হিচাপে তেওঁ লোকসভা নিৰ্বাচনত প্ৰতিদ্বন্দ্বিতা কৰিছিল আৰু ভাৰতীয় জনতা পাৰ্টিৰ প্ৰাৰ্থীৰ হাতত পৰাস্ত হৈছিল।^১১ ২০১৯ চনত পুনৰ প্ৰাৰ্থীত্বৰ বাবে অনুৰোধ জনাইছিল যদিও জাতীয়তাবাদী কংগ্ৰেছ দলে তেওঁৰ অনুৰোধ নাকচ কৰে। ২০১৯ চনত তেওঁ বিজেপিত যোগদান কৰে। ভাৰতীয় জনতা পাৰ্টিত যোগদান কৰাৰ পিছত তেওঁ নিৰ্বাচনত জয়ী হয়।^১২

তেওঁৰ শহুৰেক একে অঞ্চলৰ পৰা ৮ বাৰৰ বিধায়ক আছিল আৰু মহাৰাষ্ট্ৰ চৰকাৰৰ প্ৰথম দেশমুখ মন্ত্ৰালয়ত জনজাতীয় কল্যাণৰ ৰাজ্যিক মন্ত্ৰী হিচাপে কাৰ্যনিৰ্বাহ কৰিছিল।^১৩