নেথমী ৰোচেল

নেথমী নিষেকা ৰোচেল ৰজাৰ্ছ (ইংৰাজী ভাষা: Nethmi Nisheka Roshel Rogers; জন্ম: ৬ নৱেম্বৰ ১৯৯৮), জনপ্ৰিয়ভাৱে নেথমী ৰোচেল নামেৰে পৰিচিত, এগৰাকী শ্ৰীলংকান অভিনেত্ৰী আৰু মডেল।^১২৩৪ তেওঁৰ প্ৰথম টেলিভিছনত উপস্থিতি আছিল টেলিড্ৰামা সাক্কাৰণত, ইয়াৰ পিছত দেৱেণী ইনিমাত আকশাৰ চৰিত্ৰত অভিনয় কৰি তেওঁ ৰাইজৰ দৃষ্টি আকৰ্ষণ কৰিবলৈ সক্ষম হয়।^৫ তেওঁৰ প্ৰথম চলচ্চিত্ৰত উপস্থিতি আছিল আদৰণীয়া প্ৰাৰ্থনাত পাৰামী হিচাপে, যিখন ছবি ২০২২ চনত আন্তৰ্জাতিক আৰু ঘৰুৱা উভয়তে মুক্তি পাইছিল আৰু সমালোচকৰপৰা ইতিবাচক সঁহাৰি লাভ কৰিছিল।^৬৭৮

প্ৰাৰম্ভিক জীৱন

নেথমী নিষেকা ৰোচেল ৰজাৰ্ছৰ জন্ম ১৯৯৮ চনৰ ৬ নৱেম্বৰত শ্ৰীলংকাৰ কলম্বোত হৈছিল।^৯ তিনিজন ভাই-ভনীৰ ভিতৰত তেওঁ আটাইতকৈ ডাঙৰ আছিল। তেওঁ বোমিৰিয়া চেণ্ট্ৰেল কলেজত অধ্যয়ন কৰিছিল আৰু স্নাতক ডিগ্ৰী লাভ কৰাৰ পাছত ইউনিভাৰ্চিটি অৱ শ্ৰী জয়ৱৰ্ধনেপুৰাত নামভৰ্তি কৰে।^১০১১ ২০১৯ চনত তেওঁ ‘জাতিকা ৰূপবাহিনী অউৰুডু কুমাৰী’ত প্ৰথম স্থান দখল কৰে,^১২১৩ আৰু "মিছ ফটোজেনিক ২০১৯" খিতাপ লাভ কৰে।

বৰ্তমান উচ্চশিক্ষা গ্ৰহণ কৰাৰ সমান্তৰালভাৱে তেওঁ অভিনেত্ৰী, মডেল আৰু ব্ৰেণ্ড এম্বেচেডৰ হিচাপে কাম কৰি আছে।

কৰ্মজীৱন

টেলিভিছন আৰু চলচ্চিত্ৰৰ উপৰি ৰজাৰ্ছে কেইবাটাও প্ৰচাৰমূলক ফটোশ্বুটৰ বাবে মডেল হিচাপে কাম কৰিছে। তেওঁ ‘টেকনো কেমন’ আৰু ‘নেচকাফে’ৰ দৰে ব্ৰেণ্ডৰ এগৰাকী ব্ৰেণ্ড এম্বেচেডৰ।

টেলিভিছন

ছিৰাচা টিভিত সম্প্ৰচাৰিত টেলিড্ৰামা সাক্কাৰণত ‘জয়ৱতী’ৰ চৰিত্ৰত তেওঁ টেলিভিছনত আত্মপ্ৰকাশ কৰিছিল।^১৪ লাহে লাহে লাভ কৰা জনপ্ৰিয়তাই তেওঁক টেলিভিছন ধাৰাবাহিক দেৱেণী ইনিমাত ‘আকশা’ৰ চৰিত্ৰলৈ লৈ যায়। একেদৰে তেওঁ হিৰু আৱিদিন আৰু ৰাৱণা (দ্বিতীয় ছিজন) আদি টেলিড্ৰামাতো অভিনয় কৰিছে।

২০২৩ চনৰ মে’ মাহত ৰজাৰ্ছে ৰণ্ডিকা গুণতিলকৰ বিপৰীতে টিভি দেৰাণাত সম্প্ৰচাৰিত ৰোমাণ্টিক মেলোড্ৰামা ধাৰাবাহিক ৰোচাত ‘ গৌৰী’ৰ চৰিত্ৰত অভিনয় কৰে।

চলচ্চিত্ৰ

২০২২ চনত শ্ৰীলংকা, আমেৰিকা যুক্তৰাষ্ট্ৰ, অষ্ট্ৰেলিয়া, কানাডা, ইউ এ ই আৰু জাপানত মুক্তি পোৱা শ্ৰীলংকান ৰোমাণ্টিক চিনেমা আদৰণীয়া প্ৰাৰ্থনাত ‘পাৰামী’ হিচাপে তেওঁ মূলসুঁতিৰ চলচ্চিত্ৰত আত্মপ্ৰকাশ কৰে।^১৫ ছবিখনত আধুনিক যুৱ প্ৰেমৰ এক সতেজ উপস্থাপনৰ বাবে সমালোচকৰ প্ৰশংসা লাভ কৰে।^১৬ সমালোচকসকলে ছবিখনৰ অভিনয়, সংগীত আৰু চিনেমাটোগ্ৰাফীক উচ্চ প্ৰশংসা কৰিছিল। তদুপৰি ২০২১ চনৰ ডিচেম্বৰ মাহত তেওঁ জো ডিচানায়েকৰ নিৰ্দেশনাত নিৰ্মিত চেৰী ব্লচমৰ জৰিয়তে চুটি ছবিৰ জগতত ভৰি দিয়ে।^১৭ একেদৰে ২০২২ চনৰ এপ্ৰিল মাহত টিভি দেৰাণাত সম্প্ৰচাৰিত আউৰুডু টেলিফিল্ম বসন্তেত তেওঁ ‘কটা-মালী’ৰ চৰিত্ৰত অভিনয় কৰিছিল।

ৰজাৰ্ছে ২০২৩ চনৰ নৱবৰ্ষৰ প্ৰাকক্ষণত মুক্তি পোৱা টেলিফিল্ম আদৰ বসন্তেত লাভন অভিষেক আৰু অকিলা ধনুদ্দৰাৰ বিপৰীতে ‘বৰ্ষা’ৰ মুখ্য চৰিত্ৰত অভিনয় কৰিছিল। ইয়াৰ উপৰি ২০২৩ চনৰ ২৮ মাৰ্চত তেওঁৰ পৰৱৰ্তী মূলসুঁতিৰ চিনেমা কাম্বিলিৰ মুহুৰত অনুষ্ঠান সম্পন্ন হয়। ২০২৩ চনৰ ৯ ছেপ্টেম্বৰত অনুষ্ঠিত দেৰাণা লাক্স ফিল্ম এৱাৰ্ডছ ২০২৩ত ৰোচেলে আদৰণীয়া প্ৰাৰ্থনাৰ বাবে শ্ৰেষ্ঠ অভিনেত্ৰীৰ (মুখ্য চৰিত্ৰ) প্ৰথমটো মনোনয়ন লাভ কৰাৰ লগতে ‘পপুলাৰ এক্ট্ৰেচ’ বঁটাৰ বাবেও মনোনয়ন লাভ কৰে।

বাহ্যিক সংযোগ

• Nethmi Roshel at ইউটিউব