নীলিমকান্ত বৰুৱা

ড° নীলিমকান্ত বৰুৱা অসমৰ এগৰাকী বিশিষ্ট পৰিসংখ্যাবিদ, লেখক তথা প্ৰাক্তন প্ৰশাসনিক বিষয়া।^১

প্ৰাৰম্ভিক জীৱন

১৯৩১ চনত গোলাঘাটত জন্মগ্ৰহণ কৰে৷ তেওঁ স্কুলীয়া শিক্ষা গোলাঘাট, তিতাবৰ মহকুমা আৰু যোৰহাটত গ্ৰহণ কৰি ১৯৪৬ চনত প্ৰৱেশিকা পৰীক্ষাত উত্তীৰ্ণ হয়৷ ১৯৪৮ চনত কটন বিশ্ববিদ্যালয়ৰ পৰা এই এছ চি আৰু ১৯৫০ চনত বি এছ চি পাছ কৰে৷ ১৯৫৩ চনত গুৱাহাটী বিশ্ববিদ্যালয়ৰ পৰা পৰিসংখ্যা বিজ্ঞান বিভাগত স্নাতকোত্তৰ ডিগ্ৰী লাভ কৰে৷ 'এ ছেঞ্চুৰি অৱ প্ৰাইমেৰী এডুকেশ্যন ইন আছাম' শীৰ্ষক বিষয়ত গৱেষণা কৰি ১৯৮২ চনত তেওঁ গুৱাহাটী বিশ্ববিদ্যালয়ৰ পৰা পি এইচ ডি ডিগ্ৰী লাভ কৰে।^২

কৰ্মজীৱন

১৯৫৪ চনত জগন্নাথ বৰুৱা বিশ্ববিদ্যালয়ত পৰিসংখ্যা বিজ্ঞান বিভাগত প্ৰবক্তা হিচাপে কৰ্মজীৱন আৰম্ভ কৰে৷ পিছত কটন কলেজত প্ৰবক্তা হিচাপে যোগ দিয়ে৷ ১৯৫৫ চনত শ্বিলঙত ভাৰতীয় কৃষি গৱেষণা পৰিষদৰ পৰিসংখ্যা বিষয়া হিচাপে নিযুক্তি লাভ কৰে৷ ১৯৮১ চনত তেওঁ মুখ্যমন্ত্ৰী সচিবালয়ৰ বিশেষ নিৰ্দেশনা কোষৰ বিশেষ কৰ্তব্যৰত বিষয়া ৰূপে নিযুক্তি লাভ কৰে৷ ১৯৮৬ চনত বৰুৱা ভাৰতীয় প্ৰশাসনিক সেৱালৈ নিৰ্বাচিত হয়৷

১৯৮৯ চনত তেওঁ চৰাকাৰী চাকৰিৰ পৰা অৱসৰ গ্ৰহণ কৰে৷ ১৯৯১ চনলৈকে অধ্যাপনা কৰে৷ অৱসৰৰ পিছত তেওঁ লিখা-মেলাত মনোনিবেশ কৰে আৰু যথেষ্ট সংখ্যক উৎকৃষ্ট গ্ৰন্থ ৰচনা কৰে।^২

মৃত্যু

দীৰ্ঘদিন ধৰি হৃদৰোগত আক্ৰান্ত হৈ থাকি ২০১৪ চনৰ ১ জানুৱাৰী তাৰিখে নীলিমকান্ত বৰুৱাৰ দিছপুৰৰ ঊষানগৰৰ নিজ বাসগৃহত মৃত্যু হয়।^১

অৱদান

ইংৰাজী ভাষাৰ গ্ৰন্থ

• ইভালুৱেশ্বন অৱ মনিটৰিং
• প্লেনিং ইন আছাম
• ডিচেন্ট্ৰেলাইজড প্লেনিং
• প্লেনিং ইন ইণ্ডিয়া
• ইম্পেক্ট অৱ প্লেন ইমপ্লিমেন্টেশ্বন ইন আছাম
• ডেভেলপমেন্ট অৱ প্ৰেইমেৰী এডুকেশ্বন ইন আছাম এণ্ড নৰ্থ ইষ্ট ইণ্ডিয়া

অসমীয়া ভাষাৰ গ্ৰন্থ

• বিশ্ববিজয়ী ভাৰতীয়
• এজন অখ্যাত ব্যক্তিৰ জীৱন টোকা
• হংকং আৰু চীন ভ্ৰমণৰ অভিজ্ঞতা-প্ৰগতিৰ এক অবিশ্বাস্য বিস্ময়কৰ কাহিনী
• ওঠৰজন ওপৰৱালা