নিতেশ তিৱাৰী

নিতেশ তিৱাৰী (Nitesh Tiwari; জন্ম: ২২ মে' ১৯৭৩) হিন্দী ছবি-জগতত পৰিচিত এজন ভাৰতীয় চলচ্চিত্ৰ পৰিচালক, প্ৰযোজক, চিত্ৰনাট্যকাৰ, আৰু গীতিকাৰ।^১২ তেওঁ চিলাৰ পাৰ্টি (২০১১) ছবিৰ সহ-পৰিচালক হিচাপে আত্মপ্ৰকাশ কৰে যিখন ছবিয়ে শ্ৰেষ্ঠ শিশু চলচ্চিত্ৰৰ ৰাষ্ট্ৰীয় চলচ্চিত্ৰ বঁটা লাভ কৰে।^১ তেওঁ অতিপ্ৰাকৃতিক ৰাজনৈতিক নাটক ভূতনাথ ৰিটাৰ্নছ (২০১৪)ও পৰিচালনা কৰিছিল।^৩৪

তিৱাৰীয়ে ডংগল (২০১৬)ৰ চিত্ৰনাট্য আৰু পৰিচালনা কৰিছিল, যিখন বেইজিং আন্তঃৰাষ্ট্ৰীয় চলচ্চিত্ৰ মহোৎসৱ আৰু ২০১৭ চনত দ্বিতীয় ব্ৰিকছ মহোৎসৱত প্ৰদৰ্শিত হৈছিল।^৫ ভাৰতীয় ছবিখনে সৰ্বাধিক উপাৰ্জন কৰা ভাৰতীয় ছবি আৰু চীনত ১২০০ কোটিকে ধৰি ২০০০ কোটিৰো অধিক উপাৰ্জন কৰা অ-ইংৰাজী ছবিৰ ভিতৰত স্থান লাভ কৰিছে।^৬৭ য'ত ই সৰ্বকালৰ শীৰ্ষ ২০ খন সৰ্বাধিক উপাৰ্জনকাৰী ছবিৰ ভিতৰত অন্যতম হিচাপে আত্মপ্ৰকাশ কৰিছে।^৮ তিৱাৰীয়ে ৬২ সংখ্যক ফিল্মফেয়াৰ বঁটাত শ্ৰেষ্ঠ পৰিচালকৰ বঁটা আৰু ২০১৭ চনৰ মেলবৰ্ণৰ ভাৰতীয় চলচ্চিত্ৰ মহোৎসৱত টেলষ্ট্ৰা পিপলছ চয়ছ বঁটা লাভ কৰে।^৯১০ তাৰ পিছত তেওঁ সমালোচকৰ প্ৰশংসিত কমেডী-ড্ৰামা ছবি ছিচোৰে (২০১৯ ব্যৱসায়িক সফলতাৰে) নিৰ্মাণ কৰে।^১১

তেওঁ আৰ্থস্কাই পিকচাৰ্ছৰ সহ-প্ৰতিষ্ঠাপক আছিল, বিজ্ঞাপন ছবি আৰু ভাৰতীয় টেনিছ কিংবদন্তি মহেশ ভূপতি আৰু লিয়েণ্ডাৰ পেজৰ আধাৰত নিৰ্মিত ডকু-ছিৰিজ ব্ৰেক পইণ্ট নিৰ্মাণ কৰিছিল।

প্ৰাৰম্ভিক জীৱন

তিৱাৰীৰ মধ্যপ্ৰদেশত জন্ম হৈছিল। তেওঁৰ এজন ভাতৃ আৰু এগৰাকী ভনীয়েক আছে। ১৯৯৬ চনত তেওঁ ইণ্ডিয়ান ইনষ্টিটিউট অৱ টেকন'লজি বম্বেৰ পৰা ধাতুবিজ্ঞান আৰু পদাৰ্থ বিজ্ঞান অভিযান্ত্ৰিকীত স্নাতক ডিগ্ৰী লাভ কৰে।^১২ বলিউডত প্ৰৱেশ কৰাৰ আগতে তেওঁ লিঅ' বাৰ্নেটত সৃষ্টিশীল পৰিচালক হিচাপে কাম কৰিছিল।^১৩ তিৱাৰীয়ে সৰু চহৰ গঞ্জ বাসোদাত ডাঙৰ-দীঘল হৈছিল, অষ্টম শ্ৰেণীলৈকে ভাৰত মাতা কনভেণ্ট স্কুলত পঢ়িছিল। তেওঁ "তাপোৰী-মোগল-ই-আজম" শীৰ্ষক এখন বিদ্যালয়ৰ নাটকত অভিনয় কৰিছিল।

ব্যক্তিগত জীৱন

তিৱাৰীয়ে লিঅ’ বাৰ্নেটৰ প্ৰাক্তন সহকৰ্মী আৰু সৃষ্টিশীল পৰিচালক অশ্বিনী আয়াৰ তিৱাৰীৰ সৈতে বিবাহপাশত আবদ্ধ হয় যি এগৰাকী চলচ্চিত্ৰ পৰিচালক, প্ৰযোজক, লেখক। তেওঁ যমজ সন্তান, এজন ল'ৰা আৰু এগৰাকী ছোৱালীৰ পিতৃ।^১৪১৫

বঁটা আৰু মনোনয়ন