বেইজিং

বেইজিং হৈছে চীনৰ ৰাজধানী আৰু পৃথিৱীৰ আটাইতকৈ বেছি জনসংখ্যাৰ চহৰ সমূহৰ ভিতৰত এখন অন্যতম চহৰ। ২০১৩ চনৰ পিয়লমতে ইয়াৰ জনসংখ্যা আছিল ২,১১,৫০,০০০ জন।^১ জনসংখ্যাৰ ফালৰ পৰা ই পৃথিৱীৰ ত্ৰয়োদশতম বৃহৎ চহৰ। ১৬ খন নগৰ, উপনগৰ আৰু গ্ৰাম্য জিলাৰ সৈতে উত্তৰ চীন অঞ্চল ৰাষ্ট্ৰীয় চৰকাৰৰ প্ৰতক্ষ্য-সঞ্চালিত নগৰসমিতিৰ দ্বাৰা শাসন কৰা হয়।^২ জিনজিনজি চীনৰ নগৰসমিতি অঞ্চল আৰু চীনৰ দিল্লীৰ সৈতে বেইজিং নগৰসমিতি, দক্ষিণৰ টিয়ানজিন নগৰসমিতিক বাদ দি হেবাই প্ৰভিডেন্সৰ দ্বাৰা আগুৰি আছে।^৩

নগৰৰ জনসংখ্যাৰ দিশৰ পৰা বেইজিং হৈছে ছাংহাইৰ পিছতেই চীনৰ দ্বিতীয় জনবহুল নগৰ। ই চীনৰ ৰাজনৈতিক, সাংস্কৃতিক, শিক্ষাৰ প্ৰধান প্ৰাণ কেন্দ্ৰ।^৪ চীনৰ বহুসংখ্যক ৰাষ্টীয় উদ্যোগৰ গৃহ চহৰ হৈছে বেইজিং। তদুপৰি ই হৈছে চীনৰ ৰাষ্ট্ৰীয় ঘাইপথ, এক্সপ্ৰেছৱে, ৰেলপথ, আৰু উচ্চ-গতিৰ ৰেল সংযোগৰ প্ৰধান কেন্দ্ৰস্থল। বেইজিঙৰ বেইজিং কেপিটেল ইণ্টাৰনেচনেল এয়াৰপৰ্ট হৈছে পৃথিৱীৰ এটা অন্যতম অতি ব্যস্ত বিমান বন্দৰ।^৫

বেইজিঙৰ ইতিহাস প্ৰায় তিনি হেজাৰ বছৰ পুৰণি। যোৱা আঠ শতিকা ধৰি ৰাজনৈতিক কেন্দ্ৰস্বৰূপ বেইজিং চীনৰ চাৰিখন মহান ঐতিহাসিক ৰাজধানীৰ অন্যতম।^৬ নগৰ খন ইয়াৰ ঐতিহ্যমণ্ডিত অট্টালিকা, মন্দিৰ, উদ্যান, ট'ম্ব, প্ৰাচীৰ আৰু তোৰণসমূহৰ বাবে প্ৰখ্যাত,^৭ আৰু ইয়াৰ কলা সংগ্ৰহ আৰু বিশ্ববিদ্যালয়বোৰে ইয়াক চীনৰ কলা আৰু সংস্কৃতিৰ কেন্দ্ৰ হিচাপে গঢ়ি তুলিছে।^৭ এনচাইক্ল'পিডিয়া ব্ৰিটেনিকাৰ টোকা মতে "চীনৰ এই চহৰখনৰ দৰে ৰাজনৈতিক মুখ্যালয় আৰু সাংস্কৃতিক কেন্দ্ৰ হিচাপে কাম কৰা নগৰ পৃথিৱীত কেইখন মাহহে আছে।"^৮ বেইজিঙৰ সাতটা অঞ্চল ৰাষ্ট্ৰসংঘ শিক্ষা, বিজ্ঞান আৰু সংস্কৃতি সংস্থাৰ বিশ্ব ঐতিহ্য ক্ষেত্ৰৰ তালিকাত অন্তৰ্ভূক্ত হৈছে – ফ'ৰবিডেন চিটি, টেম্পল অৱ হেভেন, ছামাৰ পেলেচ, মিং ট'ম্বছ্, ঝ'ক'ডিয়ান, বৃহৎ প্ৰাচীৰ, আৰু গ্ৰাণ্ড কেনেল।^৯

গীষ্মকালীন অলিম্পিক ২০০৮ বেইজিঙত অনুস্থিত হৈছিল আৰু শীতকালীন অলিম্পিক ২০২২ও ইয়াতেই অনুস্থিত কৰা হ'ব। ইয়াৰ ফলত চহৰখন দুয়োপ্ৰকাৰৰ অলিম্পিক অনুস্থিত কৰা পৃথিৱীৰ একমাত্ৰ চহৰৰূপে পৰিগণিত হ'ব।^১০

প্ৰাক ইতিহাস

ফাংচান জিলাৰ জুক'ডিয়ান গাঁওৰ কাষৰ ড্ৰেগন ব'ন পৰ্বতৰ গুহাবোৰত বেইজিং নগৰ সমিতিৰ অতীতৰ "পিকিং মেন"ৰ বসবাসৰ প্ৰমান পোৱা গৈছে। এই গুহাসমূহৰ পৰা ২,২৩,০০০ ৰ পৰা ২,৫০,০০০ বছৰ পুৰণি "হ'ম' ইৰেকটাছৰ জীৱাশ্ম উদ্ধাৰ কৰা হৈছে। শেহতীয়াকৈ প্ৰায় ২০,০০০ বছৰ আগতে ইয়াত পস্থৰ যুগৰ হ'ম' ছেপিয়েনছ বাস কৰিছিল।^১১ পুৰাতত্ববিদ সকলে সমগ্ৰ নগৰখনত নামনি বেইজিঙৰ ৱাংফুজিঙকে ধৰি বহু নিউলিথিক ভংগ্নাশৱশেষ উদ্ধাৰ কৰিছে।

বৰ্তমান আধুনিক বেইজিঙৰ বেইজিং ৱেষ্ট ৰেলৱে ষ্টেচনৰ দক্ষিণত অৱস্থিত, খ্ৰীষ্টপূৰ্ৱ ১১শ ৰ পৰা ৭ম শতিকা পৰ্যন্ত ৰাষ্ট্ৰীয় ৰাজধানীৰূপে থকা চীনৰ জি হৈছে বেইজিঙৰ প্ৰথম প্ৰাচীৰ চহৰ।^১২ পিছলৈ ইয়াক ষ্টেট অৱ য়ানে অধিকাৰ কৰে আৰু য়েনজিংত ৰাজধানী স্থাপন কৰে।^১৩