অৰুণ বোস

'অৰুণ বোস (Arun Bose) (জন্ম: ২১ ডিচেম্বৰ ১৯৮২) এজন ভাৰতীয় চলচ্চিত্ৰ পৰিচালক, চিত্ৰনাট্যকাৰ, চলচ্চিত্ৰ সম্পাদক ^১ আৰু প্ৰযোজক। তেওঁ মূলতঃ মালয়ালম চলচ্চিত্ৰ উদ্যোগত কৰ্মৰত।^২ ২০১৯ চনত ট'ভিনো থমাছ আৰু আহানা কৃষ্ণ অভিনীত মালয়ালম পূৰ্ণদৈৰ্ঘ্যৰ চলচ্চিত্ৰ লুকা পৰিচালনাৰ জৰিয়তে তেওঁ পৰিচালক হিচাপে আত্মপ্ৰকাশ কৰে।^৩ ২০২৬ চনত মিন্দিয়ম পৰঞ্জুম চলচ্চিত্ৰৰ বাবে তেওঁ থিক্কুৰিছি চলচ্চিত্ৰ বঁটা লাভ কৰে।^৪

অৰুণ ব'ছে আলাইয়িন থিছাই শীৰ্ষক এক পৰীক্ষামূলক তামিল পূৰ্ণদৈৰ্ঘ্যৰ চলচ্চিত্ৰ প্ৰযোজনা, চিত্ৰনাট্য ৰচনা, আলোকচিত্ৰ গ্ৰহণ আৰু পৰিচালনা কৰে।^{৫ ৬} তেওঁৰ দ্বিতীয়খন মালয়ালম পূৰ্ণদৈৰ্ঘ্যৰ চলচ্চিত্ৰ মিন্দিয়ম পৰঞ্জুম^৭৮৯ প্ৰযোজনা কৰে ছলিম আহমেদে।^১০ এই চলচ্চিত্ৰত উন্নি মুকুন্দন ^১১ আৰু অপৰ্ণা বালামুৰলী মুখ্য চৰিত্ৰত অভিনয় কৰিছে।

অৰুণ ব'ছ চেন্নাইস্থিত এল. ভি. প্ৰসাদ কলেজ অৱ মিডিয়া ষ্টাডিজ, মাদ্ৰাছ খ্ৰীষ্টান কলেজ আদি বিভিন্ন চলচ্চিত্ৰ আৰু গণমাধ্যম শিক্ষানুষ্ঠানত অতিথি অধ্যাপক (Visiting Faculty) হিচাপেও কৰ্মৰত।^১২

ব্যক্তিগত জীৱন

অৰুণ বোসৰ জন্ম হৈছিল ১৯৮২ চনৰ ২১ ডিচেম্বৰত কেৰালাৰ মুভাট্টুপুঝাত।^১৩১৪ তেওঁৰ পিতৃ এছ. আৰ. চি. বোস আৰু মাতৃ ৰেমা বোস। তেওঁ হাইদৰাবাদৰ ছেইণ্ট জ'ছেফ ডিগ্ৰী এণ্ড পি.জি. কলেজৰপৰা কম্পিউটাৰ বিজ্ঞানত স্নাতক ডিগ্ৰী লাভ কৰে। ইয়াৰ পিছত চেন্নাইৰ মাদ্ৰাছ খ্ৰীষ্টিয়ান কলেজৰপৰা যোগাযোগ অধ্যয়নত স্নাতকোত্তৰ কলা (এম.এ.) ডিগ্ৰী অৰ্জন কৰে। অৰুণে মিনু সদাশিৱনৰ সৈতে বিবাহপাশত আবদ্ধ হয় আৰু বৰ্তমান কেৰালাৰ কোচিত বসবাস কৰি আছে। কৰ্মজীৱনৰ আৰম্ভণিৰ সময়ছোৱাত তেওঁ নেচনেল ফকল'ৰ ছাপ'ৰ্ট চেণ্টাৰত কাৰ্যসূচী বিষয়া হিচাপে কৰ্মৰত আছিল।^১৫

ফিল্মগ্ৰাফী