দূতী চান্দ

দূতী চান্দ (Dutee Chand; জন্ম: ৩ ফেব্ৰুৱাৰী ১৯৯৬) এগৰাকী ভাৰতীয় দৌৰবিদ বা স্প্ৰিণ্টাৰ আৰু বৰ্তমান মহিলাৰ ১০০ মিটাৰ ইভেণ্টত জাতীয় ৰেকৰ্ডধাৰী।^১ দূতী গ্ৰীষ্মকালীন অলিম্পিকৰ মহিলাৰ ১০০ মিটাৰ প্ৰতিযোগিতাত নিৰ্বাচিত তৃতীয় গৰাকী ভাৰতীয় মহিলা।^২

সৰুকাল আৰু শিক্ষা জীৱন

১৯৯৬ চনৰ ৩ ফেব্ৰুৱাৰীত উৰিষ্যাৰ গোপালপুৰত দূতী চান্দৰ জন্ম হয়। তেওঁৰ পিতৃ চক্ৰধৰ চান্দ আৰু মাতৃ আকুঞ্জি চান্দ। দুখীয়া তাঁতী পৰিয়ালৰ চাৰি ভনীৰ মাজত দূতী তেওঁৰ বায়েক সৰস্বতী চান্দৰ পৰা অনুপ্ৰাণিত হৈছিল। ২০১৩ চনত তেওঁ আইন পঢ়িবলৈ কলিংগ ঔদ্যোগিক প্ৰযুক্তিবিদ্যা প্ৰতিষ্ঠান বিশ্ববিদ্যালয়ত নামভৰ্তি কৰ।

কৰ্মজীৱন

২০১২ দূতী তিনি ১৮ বছৰ অনুৰ্ধ বিভাগত জাতীয় চেম্পিয়ন হয়। ১০০ মিটাৰ ইভেণ্টত তেওঁ ১১.৮ ছেকেণ্ড সময় লয়। পুনেত অনুষ্ঠিত এছিয়ান এথলেটিকছ চেম্পিয়নশ্বিপৰ ২০০ মিটাৰ প্ৰতিযোগিতায় তেওঁ ২৩.৮১১ ছেকেণ্ড সময়ত সম্পূৰ্ণ কৰি ব্ৰঞ্জ পদক লাভ কৰে। ২০১৩ চনত তেওঁ ১০০ আৰু ২০০ মিটাৰ ইভেণ্টত জাতীয় চেম্পিয়ন হয়।

কমনৱেলথ গেমচ বিতৰ্ক

কমনৱেলথ গেমচত অংশ গ্ৰহণৰ শেষ পৰ্যায়ত ভাৰতীয় এথলেট ফেডাৰেশ্বনে ঘোষনা কৰে যে হাইপাৰেণ্ডোজেনিজমৰ কাৰণে দূতী মহিলা এথলেট হিচাপে প্ৰতিযোগিতাত অংশগ্ৰহণ কৰিবলৈ নোৱাৰে। কিন্তু দূতীয়ে প্ৰতাৰণা বা ডোপিং কৰিছিল এনেধৰণৰ একো কোৱা হোৱা নাছিল। ভাৰত চৰকাৰে দূতীৰ কাষত থিয় হয় আৰু কোৰ্ট অভ আৰবিট্ৰেচন ফৰ স্পোৰ্টত আপিল কৰা হয়। শেষলৈ দূতী পুনৰ ক্ৰীড়া প্ৰতিযোগিতাত অংশ গ্ৰহণৰ সুযোগ পায়।

আন্তৰ্জাতিক প্ৰতিযোগিতা

পুৰস্কাৰ আৰু সন্মান

• অৰ্জুন বঁটা, ২০২০^৩
• ওড়িশা চৰকাৰৰ পৰা ২০১৮ চনৰ এচিয়ান গেমচত ৰূপৰ পদক পোৱাৰ বাবে ৩ কোটি টকাৰ পুৰস্কাৰ^৪

ব্যক্তিগত জীৱন

২০১৯ চনত দুতী চান্দে ৰাজহুৱাকৈ ঘোষণা কৰে যে তেও সমলিংগিক, এই কথা মুকলিকৈ স্বীকাৰ কৰা দুতী চান্দ ভাৰতৰ প্ৰথম এথলিট। চান্দে কয় যে ২০১৮ চনত ভাৰতৰ সৰ্বোচ্চ ন্যায়ালয়ে সমকামিতাক অপৰাধ নহয় বুলি কৰা ঐতিহাসিক ৰায়দানে তেওঁক এই কথা ৰাজহুৱা কৰিবলৈ উৎসাহ দিয়ে।^৫৬৭৮ অৱশ্যে এই ঘোষণাৰ বাবে তেও নিজৰ গাঁৱত তীব্ৰ সমালোচনাৰ সন্মুখীন হয়^৯